YISEWE 29
29
1Nsene o runda mutwe nkenye siruwo vana kukutura monzira, ezuva limwe ngava ku myona, kapi ngo kara po hena nampili nakauke.
2Nsene no likida nge mupangeli ga hungama, name ngani ku likida vantu vehafo. Ano nsene no likida nge mupangeli gomudinikarunga, name ngani ku likida vantu woyihuna wovadona.
3Nsene o hafera unongo, oguhwo ngava ku likangangera. Ogu a ruganesa yimaliva yendi kouhondedi, egova ali hepeke emona.
4Mupangeli nsene ga hara uhungami, muhoko kukara nononkondo. Nye nsene kwa hara tupu yimaliva, ta zonagura po tupu sirongo sendi.
5Nsene o gombeka vakweni, to litegere nyamoge siraha.
6Vantu wovadona kufa vene mononzo dawo, nye vantu wovahungami kukara nehafo, vana manguruka.
7Muntu gouhunga ga diva eyi ya tumbukira hepere, nye vadinikarunga kapi ava kwata egano yininke yangoso.
8Mbunga ezi azi dili kupakera mbili vakwaawo, tumbukira, kuvhura kutwara yitata nayinye mevhundakano. Nye vanongo kumweneka yininke.
9Mugara gomunandunge nsene ana kara nononkango negova, egova kuzora, tali zogerere nokuuyunga momudona.
10Vadipagi kwa nyenga ava va kara monzira, nye vahungami kupopera mwenyo gomuntu gwangoso.
11Nompote kulikida ehandu lyado poruzera, nye vanandunge kulididimika tava li horeke.
12Mupangeli nsene a purakena ediviso lyoyimpempa, vantu tava kara vanayimpempa.
13Muntu gokuhepa nomuhepeki gwendi kapi pwa kara malisigo — nye navenye ava kwa kara momeho gaKarunga.
14Mupangeli ogu a pangere hepere mouhunga, nga pangera siruwo sosire.
15Epukururo nepisuro lya wapera vanona. Nye munona nsene a rambarara nzira zamwene, kufisa ozina nomuga.
16Vantu wovadona nsene vana kara nononkondo, udona kuvhuka. Nye vahungami kukara nomwenyo, va tare ezonauko lyovantu vangoso.
17Pisura munoge gomugara, makura ngo vhure kumulikangangera narunye. Age kapi nga ku patanesa a ku fise nomuga.
18Muhoko ogu gwa dira kukara megendeso lyaKarunga, kapi gwa kara melikwamo. Muntu gerago googu a sikisa mo Veta zaKarunga!
19Kapi to vhuru kupukurura mukareli mokumutantera tupu nonkango. Age kuvhura a ku zuvhe, nye kapi ta yi pakere mbili.
20Egova lyepote lya kara nendindiro lyenene, kupitakana ogu a uyunga ga hana kugazara.
21Nsene o gava komukareli goge nkenye eyi ana hara kutunda kounona wendi, ezuva limwe nga ku gusa nkenye eyi wa weka.
22Muntu ogu a handauka kureta nomutangu nomaudigu.
23Elinenepeko tali ku retere esunduko, nye nsene to linunupike, tava ku fumadeke.
24Ogu a likwata ukwawo nomuwidi, ta liretere mwene unkore. Age ngava mu pangura mombangwiliro nsene nga sanseka yousili, ano Karunga nga mu finga, nsene kapi nga yi rugana.
25Siponga sosinene kupakera mbili eyi ava uyunga vakweni, nye nsene o huguvara Hompa, ngo yoworoka.
26Nkenye ogu kwa hara kumona uwa kosipara somupanguli, nye waHompa kwelike o vhuru kugwana uhunga.
27Muhungami kwa nyenga mudinikarunga, ano mudinikarunga nage kwa nyenga muhungami.
Currently Selected:
YISEWE 29: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
YISEWE 29
29
1Nsene o runda mutwe nkenye siruwo vana kukutura monzira, ezuva limwe ngava ku myona, kapi ngo kara po hena nampili nakauke.
2Nsene no likida nge mupangeli ga hungama, name ngani ku likida vantu vehafo. Ano nsene no likida nge mupangeli gomudinikarunga, name ngani ku likida vantu woyihuna wovadona.
3Nsene o hafera unongo, oguhwo ngava ku likangangera. Ogu a ruganesa yimaliva yendi kouhondedi, egova ali hepeke emona.
4Mupangeli nsene ga hara uhungami, muhoko kukara nononkondo. Nye nsene kwa hara tupu yimaliva, ta zonagura po tupu sirongo sendi.
5Nsene o gombeka vakweni, to litegere nyamoge siraha.
6Vantu wovadona kufa vene mononzo dawo, nye vantu wovahungami kukara nehafo, vana manguruka.
7Muntu gouhunga ga diva eyi ya tumbukira hepere, nye vadinikarunga kapi ava kwata egano yininke yangoso.
8Mbunga ezi azi dili kupakera mbili vakwaawo, tumbukira, kuvhura kutwara yitata nayinye mevhundakano. Nye vanongo kumweneka yininke.
9Mugara gomunandunge nsene ana kara nononkango negova, egova kuzora, tali zogerere nokuuyunga momudona.
10Vadipagi kwa nyenga ava va kara monzira, nye vahungami kupopera mwenyo gomuntu gwangoso.
11Nompote kulikida ehandu lyado poruzera, nye vanandunge kulididimika tava li horeke.
12Mupangeli nsene a purakena ediviso lyoyimpempa, vantu tava kara vanayimpempa.
13Muntu gokuhepa nomuhepeki gwendi kapi pwa kara malisigo — nye navenye ava kwa kara momeho gaKarunga.
14Mupangeli ogu a pangere hepere mouhunga, nga pangera siruwo sosire.
15Epukururo nepisuro lya wapera vanona. Nye munona nsene a rambarara nzira zamwene, kufisa ozina nomuga.
16Vantu wovadona nsene vana kara nononkondo, udona kuvhuka. Nye vahungami kukara nomwenyo, va tare ezonauko lyovantu vangoso.
17Pisura munoge gomugara, makura ngo vhure kumulikangangera narunye. Age kapi nga ku patanesa a ku fise nomuga.
18Muhoko ogu gwa dira kukara megendeso lyaKarunga, kapi gwa kara melikwamo. Muntu gerago googu a sikisa mo Veta zaKarunga!
19Kapi to vhuru kupukurura mukareli mokumutantera tupu nonkango. Age kuvhura a ku zuvhe, nye kapi ta yi pakere mbili.
20Egova lyepote lya kara nendindiro lyenene, kupitakana ogu a uyunga ga hana kugazara.
21Nsene o gava komukareli goge nkenye eyi ana hara kutunda kounona wendi, ezuva limwe nga ku gusa nkenye eyi wa weka.
22Muntu ogu a handauka kureta nomutangu nomaudigu.
23Elinenepeko tali ku retere esunduko, nye nsene to linunupike, tava ku fumadeke.
24Ogu a likwata ukwawo nomuwidi, ta liretere mwene unkore. Age ngava mu pangura mombangwiliro nsene nga sanseka yousili, ano Karunga nga mu finga, nsene kapi nga yi rugana.
25Siponga sosinene kupakera mbili eyi ava uyunga vakweni, nye nsene o huguvara Hompa, ngo yoworoka.
26Nkenye ogu kwa hara kumona uwa kosipara somupanguli, nye waHompa kwelike o vhuru kugwana uhunga.
27Muhungami kwa nyenga mudinikarunga, ano mudinikarunga nage kwa nyenga muhungami.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003