YISEWE 28
28
1Vadinikarunga kuduka tava zi, nampili kutupu ogu ana kuvatjida‐tjida, nye vahungami kuradipa ngwendi nyime.
2Muhoko nsene kuzona, tagu kara novapangeli wokulisikura‐sikura. Nye muhoko ngagu kara nononkondo nokulididimika, nsene ngagu kara novapangeli wonondunge.
3Muntu gononkondo ogu a hepeke nohepwe kwa fana ngwendi mvhura ezi azi yeragura nokuzonagura po muzangu nagunye.
4Ano nsene kapi o pakere mbili Veta, ove kwa hama kovadinikarunga, nye nsene o zi limburukwa, ove nkore zawo.
5Vantu wovadona kapi ava koneke uhungami asi yinke, nye ava ava kerere Karunga, kuyikwata egano nawa‐nawa.
6Hasa kukara hepere nomuhungami, kupitakana kukara ngawo nomuhahungami.
7Mudinkantu a limburukwa Veta ga kara nonondunge. Nye ogu a panga ukwawo nouwa wa hana mutompo kuswawisa oguhwe.
8Nsene o vhukisa ugawo woge nononsonso nokufutisa vantu, ugawo woge ngau za kogu ga kara nonkenda nonohepwe.
9Nsene kapi o limburukwa koVeta, Karunga nga tara makanderero goge noutondwe mokugapurakena.
10Ogu a pukisa vahungami monzira zouhunga va rugane yoyidona, mwene nga fa mo mosiraha samwene. Muhungami nga gwana mfuto zendi zongwa.
11Nongawo narunye kugazara asi ado vanandunge, nye hepere ogu ga kara nonondunge kuvakonakona.
12Vantu wovawa nsene tava zi mepangero, nkenye ogu kuhafa unene, nye nsene vantu wovadona yiwo vana kuza mo mepangero, vantu kukavanda.
13Ove kapi ngo ragopa nsene o kambadara kuhoreka nonzo doge. Di sanseka ove o di sige, makura Karunga nga ku fira nkenda.
14Limburukwa narunye kwaHompa, makura ngo kara nehafo. Nye nsene to rundu mutwe, ngo zonauka po.
15Vantu wonohepwe kutupu ko ekwafo mokukondjesa mupangeli gomudinikarunga. Age simpagwa sosinene ngwendi nyime gokununga nehumbu lyokuropoka.
16Mupangeli ogu ga pira nondunge, kukara muhepeki gomudona. Ano ogu ga nyenga vahalimburukwi, nga pangera siruwo sosire.
17Muntu ogu ga dipaga mukwawo, kulisimina mwene ekero lyendi usimbu‐simbu, paapa ga hulira. Mu siga wa ha mu silika.
18Hungama ngo paruke. Nye nsene kapi ono kuhungama, ngo gwa usimbu.
19Munafarama gomudameki nga kara neyi yoyinzi yokulya. Nye vantu ava ava hepeke ruveze, ngava kara narunye nohepere.
20Vantu wokulimburukwa kuragopa, tava hafa. Nye nsene to genderere mokungawopa, ngava ku pangura.
21Kugwana efumadeko kovantu kapisi nawa. Vapanguli vamwe kulipuka pokugusa nampili kokanunu kokuvafutira.
22Vantu wouruva kugenderera mokungawopa, awo va hana kudiva asi ruhepo ezuvake ngaru va gwana.
23Ogu a pukurura mukwawo, konyima kuyihafera kupitakana ogu ana kukavauka tupu.
24Nkenye ogu a gazara asi kutupu ko epuko kuvaka yovakurona vendi, kapi ga lisiga nomuwidi ogu ga kara po.
25Uruva kureta maudigu gelike. Kuhuguvara Hompa hasa unene kupitakana opo.
26Ugova unene kukwama magazaro gaamoge. Ove to yoworoka nsene o kwama marongo govantu wonondunge.
27Nsene o gava kohepere, kapi ngo hepa yuma. Ano nsene o foferera hepere, vantu wovanzi ngava ku finga.
28Vantu wovanzi kuvanda, nsene vantu wovadona vana zi mepangero. Nye nsene vana tundu mo mepangero, makura vahungami tava pangere hena.
Currently Selected:
YISEWE 28: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
YISEWE 28
28
1Vadinikarunga kuduka tava zi, nampili kutupu ogu ana kuvatjida‐tjida, nye vahungami kuradipa ngwendi nyime.
2Muhoko nsene kuzona, tagu kara novapangeli wokulisikura‐sikura. Nye muhoko ngagu kara nononkondo nokulididimika, nsene ngagu kara novapangeli wonondunge.
3Muntu gononkondo ogu a hepeke nohepwe kwa fana ngwendi mvhura ezi azi yeragura nokuzonagura po muzangu nagunye.
4Ano nsene kapi o pakere mbili Veta, ove kwa hama kovadinikarunga, nye nsene o zi limburukwa, ove nkore zawo.
5Vantu wovadona kapi ava koneke uhungami asi yinke, nye ava ava kerere Karunga, kuyikwata egano nawa‐nawa.
6Hasa kukara hepere nomuhungami, kupitakana kukara ngawo nomuhahungami.
7Mudinkantu a limburukwa Veta ga kara nonondunge. Nye ogu a panga ukwawo nouwa wa hana mutompo kuswawisa oguhwe.
8Nsene o vhukisa ugawo woge nononsonso nokufutisa vantu, ugawo woge ngau za kogu ga kara nonkenda nonohepwe.
9Nsene kapi o limburukwa koVeta, Karunga nga tara makanderero goge noutondwe mokugapurakena.
10Ogu a pukisa vahungami monzira zouhunga va rugane yoyidona, mwene nga fa mo mosiraha samwene. Muhungami nga gwana mfuto zendi zongwa.
11Nongawo narunye kugazara asi ado vanandunge, nye hepere ogu ga kara nonondunge kuvakonakona.
12Vantu wovawa nsene tava zi mepangero, nkenye ogu kuhafa unene, nye nsene vantu wovadona yiwo vana kuza mo mepangero, vantu kukavanda.
13Ove kapi ngo ragopa nsene o kambadara kuhoreka nonzo doge. Di sanseka ove o di sige, makura Karunga nga ku fira nkenda.
14Limburukwa narunye kwaHompa, makura ngo kara nehafo. Nye nsene to rundu mutwe, ngo zonauka po.
15Vantu wonohepwe kutupu ko ekwafo mokukondjesa mupangeli gomudinikarunga. Age simpagwa sosinene ngwendi nyime gokununga nehumbu lyokuropoka.
16Mupangeli ogu ga pira nondunge, kukara muhepeki gomudona. Ano ogu ga nyenga vahalimburukwi, nga pangera siruwo sosire.
17Muntu ogu ga dipaga mukwawo, kulisimina mwene ekero lyendi usimbu‐simbu, paapa ga hulira. Mu siga wa ha mu silika.
18Hungama ngo paruke. Nye nsene kapi ono kuhungama, ngo gwa usimbu.
19Munafarama gomudameki nga kara neyi yoyinzi yokulya. Nye vantu ava ava hepeke ruveze, ngava kara narunye nohepere.
20Vantu wokulimburukwa kuragopa, tava hafa. Nye nsene to genderere mokungawopa, ngava ku pangura.
21Kugwana efumadeko kovantu kapisi nawa. Vapanguli vamwe kulipuka pokugusa nampili kokanunu kokuvafutira.
22Vantu wouruva kugenderera mokungawopa, awo va hana kudiva asi ruhepo ezuvake ngaru va gwana.
23Ogu a pukurura mukwawo, konyima kuyihafera kupitakana ogu ana kukavauka tupu.
24Nkenye ogu a gazara asi kutupu ko epuko kuvaka yovakurona vendi, kapi ga lisiga nomuwidi ogu ga kara po.
25Uruva kureta maudigu gelike. Kuhuguvara Hompa hasa unene kupitakana opo.
26Ugova unene kukwama magazaro gaamoge. Ove to yoworoka nsene o kwama marongo govantu wonondunge.
27Nsene o gava kohepere, kapi ngo hepa yuma. Ano nsene o foferera hepere, vantu wovanzi ngava ku finga.
28Vantu wovanzi kuvanda, nsene vantu wovadona vana zi mepangero. Nye nsene vana tundu mo mepangero, makura vahungami tava pangere hena.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003