YISEWE 2
2
Mfeto zounongo
1Lironga eyi nina kukuronga, munwange gomugara, narumwe si asi o divare eyi nina kukutantera asi yiyo o rugana. 2O purakene kweyi younongo, to kambadara kuyikwata egano. 3Nhi, o likwambere unongo to lihenge nondunge. 4O u papare unene moomu o papara sisiliveli nemona lyokuhoreka. 5Nsene ngo yi rugana, ngo diva asi yinke ayi tanta yokutjira Hompa, ngo ragope mokulironga yokuhamena kwaKarunga. 6Hompa yige a gava unongo; kwendi yiko aku tundu ediwo nonondunge. 7Age kugava ekwafo negameno kovantu wovahungami novanausili. 8Age kugamena ava ava rugana vakwaawo momuwa, ta kungu ava va mu ligavera.
9Nsene o purakena nge, ngano ngo diva eyi ya hungama, yousili neyi yoyiwa. Makura ngo dive eyi wa hepa kurugana. 10Ngo kara munongo, ano ediwo lyoge makura ngali ku pe ruhafo. 11Mayere nonondunge doge ngayi ku gamena, 12tayi ku kerere kokurugana usima. Ngayi ku poresa ko kovantu ava ava katura udona mweyi ava uyunga — 13vantu ava va zumba ukaro wa hungama, va kare momundema gononzo, 14vantu ava ava gwana ruhafo mokurugana usima, tava hafere udona wa hana mutwe nondungu, 15vantu va hana kulimburukwa wokudira kuvhura kuhuguvara.
16Ngo kara nononkondo dokunyokera nkenye mukadi ogu ga hara yipara ogu nga heteka kukupukisa nononkango dendi donongwa, 17ogu ga dira kutetuka, nayendi googu yiyo ga divara nomugano dendi dokupongoka. 18Nsene o za kembo lyendi, ove monzira zonomfa ono kugenda. Yiko ono kuza, mosirongo sovafe ono vyuka. 19Nagumwe si ogu a mu dingura asi a ka tengure. Narumwe si asi a ka tengwire konzira zomwenyo. 20Yipo nye asi o kwame sihonena sovantu wovawa, to kara moukaro wa hungama. 21Vantu wovahungami — vantuzuni — yiwo ngava kara omu mosirongo setu. 22Nye Karunga nga nyafura mo vadinikarunga mosirongo, ano vananzo nga va dura mo moomu ava dura yimeno mevhu.
Currently Selected:
YISEWE 2: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
YISEWE 2
2
Mfeto zounongo
1Lironga eyi nina kukuronga, munwange gomugara, narumwe si asi o divare eyi nina kukutantera asi yiyo o rugana. 2O purakene kweyi younongo, to kambadara kuyikwata egano. 3Nhi, o likwambere unongo to lihenge nondunge. 4O u papare unene moomu o papara sisiliveli nemona lyokuhoreka. 5Nsene ngo yi rugana, ngo diva asi yinke ayi tanta yokutjira Hompa, ngo ragope mokulironga yokuhamena kwaKarunga. 6Hompa yige a gava unongo; kwendi yiko aku tundu ediwo nonondunge. 7Age kugava ekwafo negameno kovantu wovahungami novanausili. 8Age kugamena ava ava rugana vakwaawo momuwa, ta kungu ava va mu ligavera.
9Nsene o purakena nge, ngano ngo diva eyi ya hungama, yousili neyi yoyiwa. Makura ngo dive eyi wa hepa kurugana. 10Ngo kara munongo, ano ediwo lyoge makura ngali ku pe ruhafo. 11Mayere nonondunge doge ngayi ku gamena, 12tayi ku kerere kokurugana usima. Ngayi ku poresa ko kovantu ava ava katura udona mweyi ava uyunga — 13vantu ava va zumba ukaro wa hungama, va kare momundema gononzo, 14vantu ava ava gwana ruhafo mokurugana usima, tava hafere udona wa hana mutwe nondungu, 15vantu va hana kulimburukwa wokudira kuvhura kuhuguvara.
16Ngo kara nononkondo dokunyokera nkenye mukadi ogu ga hara yipara ogu nga heteka kukupukisa nononkango dendi donongwa, 17ogu ga dira kutetuka, nayendi googu yiyo ga divara nomugano dendi dokupongoka. 18Nsene o za kembo lyendi, ove monzira zonomfa ono kugenda. Yiko ono kuza, mosirongo sovafe ono vyuka. 19Nagumwe si ogu a mu dingura asi a ka tengure. Narumwe si asi a ka tengwire konzira zomwenyo. 20Yipo nye asi o kwame sihonena sovantu wovawa, to kara moukaro wa hungama. 21Vantu wovahungami — vantuzuni — yiwo ngava kara omu mosirongo setu. 22Nye Karunga nga nyafura mo vadinikarunga mosirongo, ano vananzo nga va dura mo moomu ava dura yimeno mevhu.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003