YISEWE 1
1
Mulyo goyisewe
1Yisewe yaSaromo zaNdafita, hompa gwaIsraeli.
2Eyi yisewe eyi ngayi ku kwafa mokudimburura unongo netantero lyewa, ngo zuvhe ko yitumbwiso yokukitika. 3Tayi ku rongo asi ngapi omu no kara panandunge nopauhungami nopausili nopauhunga. 4Ayo kuninka mupirandunge a kare gonondunge, ano mudinkantu tayi mu rongo ediwo nomayere. 5Yisewe eyi kuvhura kuyigwederera kediwo lyovakonentu oku tayi gava epitisiro kovalirongi, 6asi ngano va vhure kuzuvha yisewe nomakitiko govakonentu.
Evyukiso lyovadinkantu
7Kutjira Hompa yiko ntundiliro zounongo. Magova kapi aga fumadeke unongo, ago kunyoka kuulironga.
8Munwange, o purakene eyi vana kukutantera oguhwo nonyoko. 9Erongo lyawo kuwapeka yikara yoge ngwendi sikayiwa sina wapa kumanga, ndi siranda sina ku wapere monsingo.
10Munwange, vanzoni nsene tava ku hongorora, wa ha yi pura. 11Pamwe kuvhura va ku tantere asi: “Toko; tu papareni muntu tu dipage! Tu tooneneni muntu epwanga‐pwanga! 12Pokuvagwana kuvhura va kare nomwenyo awo vawaawa, nye apa natu di va sara tava fu! 13Natu ka gwana maugawo peke‐peke, makura tu ka zwide mambo getu neyi natu ka kwata! 14Toko tu zeni, nkumwe tu ka ligavereni natuvenye eyi natu ka vaka.”
15Nokuza si novantu vangoso, munwange. Kara ure nawo. 16Kapi ava lipura kurugana udona. Nkenye apa awo kwa liwapaikira kudipaga. 17Kapi ya wapa nye yokuzanzumuna ekwe, aso sidira esi ono hara kukwata kuna kutara, 18nye vantu vangoso vene ava litegere yiraha, yiraha eyi ngayi va lya. 19Unamahaka nkenye apa kuhweda kukaramwenyo komumahaka — eyi yiyo ayi horokere nkenye ogu ga tungisa ukorokotji.
Unongo tau zigida
20Purakeneni! Unongo kuna kuzigida mononzira nopomarandesero, 21kuna kuziguruka kuzigida pomarungavero gositata napa apa pongo vantu asi:
22“One magova! Dogoro siruwoke ngomu hara kukara magova? Dogoro siruwoke ngomu hafera kuswaura ediwo? Kapi ngomu lironga nampili kanunu ndi? 23Omu purakene nsene tani mu korangenda; ame tani mu pe evyukiso lyewa ngomu gwane ko none kediwo lyange. 24Na mu zigida, yiyo na mu konga mu wize kwange, nye one nokuzuvha si. One nokupurakena nge si. 25One kwa zumba mavyukiso gange nagenye, kapi mwa here kusiga nge ni mu pukurure. 26Ano name apa ngomu kara moudigu, ngani mu zora.
Ngani mu swaura apa ngali mu wizira etjiliso — 27apa ngali wiza kweni ngwendi kakunguru kana kureta nompepo dina handuka doudigu, makura mu kare mokukora nomoudigu. 28Makura ntani nye ngomu zigida unongo, nye ame kapi ngani mu limburura. Ngomu ka papara nge napenye, nye kapi ngomu gwana nge. 29Yeeyi one kwa tonda unongo nediwo, yiyo omu nyoka nkenye apa kulimburukwa kwaHompa. 30One kapi mwa hara rumwe evyukiso lyange, hena kapi omu yi pakere mbili, nsene tani mu pukurura. 31Ano ngomu gwana nye eyi mwa liruganena, yirugana yanyamweni yiyo ngayi mu veresa. 32Vasima kufa morwa yeeyi va nyenga unongo. Magova kuzonauka po morwa yikara yawo ya hana sinka. 33Nye nkenye ogu a purakene nge, nga kara nombili nepwizumuko. Age nga yoworoka, kutupu eyi ngayi mu tjilisa.”
Currently Selected:
YISEWE 1: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
YISEWE 1
1
Mulyo goyisewe
1Yisewe yaSaromo zaNdafita, hompa gwaIsraeli.
2Eyi yisewe eyi ngayi ku kwafa mokudimburura unongo netantero lyewa, ngo zuvhe ko yitumbwiso yokukitika. 3Tayi ku rongo asi ngapi omu no kara panandunge nopauhungami nopausili nopauhunga. 4Ayo kuninka mupirandunge a kare gonondunge, ano mudinkantu tayi mu rongo ediwo nomayere. 5Yisewe eyi kuvhura kuyigwederera kediwo lyovakonentu oku tayi gava epitisiro kovalirongi, 6asi ngano va vhure kuzuvha yisewe nomakitiko govakonentu.
Evyukiso lyovadinkantu
7Kutjira Hompa yiko ntundiliro zounongo. Magova kapi aga fumadeke unongo, ago kunyoka kuulironga.
8Munwange, o purakene eyi vana kukutantera oguhwo nonyoko. 9Erongo lyawo kuwapeka yikara yoge ngwendi sikayiwa sina wapa kumanga, ndi siranda sina ku wapere monsingo.
10Munwange, vanzoni nsene tava ku hongorora, wa ha yi pura. 11Pamwe kuvhura va ku tantere asi: “Toko; tu papareni muntu tu dipage! Tu tooneneni muntu epwanga‐pwanga! 12Pokuvagwana kuvhura va kare nomwenyo awo vawaawa, nye apa natu di va sara tava fu! 13Natu ka gwana maugawo peke‐peke, makura tu ka zwide mambo getu neyi natu ka kwata! 14Toko tu zeni, nkumwe tu ka ligavereni natuvenye eyi natu ka vaka.”
15Nokuza si novantu vangoso, munwange. Kara ure nawo. 16Kapi ava lipura kurugana udona. Nkenye apa awo kwa liwapaikira kudipaga. 17Kapi ya wapa nye yokuzanzumuna ekwe, aso sidira esi ono hara kukwata kuna kutara, 18nye vantu vangoso vene ava litegere yiraha, yiraha eyi ngayi va lya. 19Unamahaka nkenye apa kuhweda kukaramwenyo komumahaka — eyi yiyo ayi horokere nkenye ogu ga tungisa ukorokotji.
Unongo tau zigida
20Purakeneni! Unongo kuna kuzigida mononzira nopomarandesero, 21kuna kuziguruka kuzigida pomarungavero gositata napa apa pongo vantu asi:
22“One magova! Dogoro siruwoke ngomu hara kukara magova? Dogoro siruwoke ngomu hafera kuswaura ediwo? Kapi ngomu lironga nampili kanunu ndi? 23Omu purakene nsene tani mu korangenda; ame tani mu pe evyukiso lyewa ngomu gwane ko none kediwo lyange. 24Na mu zigida, yiyo na mu konga mu wize kwange, nye one nokuzuvha si. One nokupurakena nge si. 25One kwa zumba mavyukiso gange nagenye, kapi mwa here kusiga nge ni mu pukurure. 26Ano name apa ngomu kara moudigu, ngani mu zora.
Ngani mu swaura apa ngali mu wizira etjiliso — 27apa ngali wiza kweni ngwendi kakunguru kana kureta nompepo dina handuka doudigu, makura mu kare mokukora nomoudigu. 28Makura ntani nye ngomu zigida unongo, nye ame kapi ngani mu limburura. Ngomu ka papara nge napenye, nye kapi ngomu gwana nge. 29Yeeyi one kwa tonda unongo nediwo, yiyo omu nyoka nkenye apa kulimburukwa kwaHompa. 30One kapi mwa hara rumwe evyukiso lyange, hena kapi omu yi pakere mbili, nsene tani mu pukurura. 31Ano ngomu gwana nye eyi mwa liruganena, yirugana yanyamweni yiyo ngayi mu veresa. 32Vasima kufa morwa yeeyi va nyenga unongo. Magova kuzonauka po morwa yikara yawo ya hana sinka. 33Nye nkenye ogu a purakene nge, nga kara nombili nepwizumuko. Age nga yoworoka, kutupu eyi ngayi mu tjilisa.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003