YISEWE 12
12
1Ogu ga hara unongo, googu ga hara kumupukurura nsene ana rugana yoyidona. Ano ogu a nyoka epukururo, yige egova.
2 Hompa kuhafera vantu wovawa, nye kwa nyenga ava ava gazara udona.
3Udinikarunga kapi au reta egameno, nye vantu wokuhungama, kusikama ndjikiti.
4Mukadi gomuwa ehafo nepandadeko lyayendi nye mukadi ogu ta fisa yendi nomuga kwa fana ngwendi uvera wosiragura moyisupa yendi.
5Vantu wouhunga tava ku rugana nawa, nye vadinikarugana tava hara tupu kukupukisa.
6Nonkango dovadinikarunga kudipaga, nye nonkango dovahungami kuyoworora ava vana kurugana momudona.
7Vadinikarunga kugwanekera nezonauko lyawo. Awo kapi ava sigi ko ekoro. Nye mapata govantu wouhunga kutwikira komeho.
8Ove nsene o munandunge ngava ku fumadeka, nye nsene ove egova, vantu ngava ku dina.
9Siwa po sokukara muntuuntu o ruganene kukara po koge kupitakana yokukara muntu gomuzuni ogu a fu nzara.
10Muntu gomuwa kunomena nawa yimuna yendi, nye mudinikarunga kuzonagura po yendi.
11Ndimi ezi azi dameke, kugwana yoyinzi yokulya, nye ugova welike kuhepekera siruwo momapya ga hana mulyo.
12Nayinye eyi va hara vadinikarunga yokupapara yininke yoyidona va yi rugane. Nye muhungami ta sikama ndjikiti.
13Mudinikarunga nonkango damwene adi mu hweda, nye muntu gomuhungami kuligusa mwene momaudigu.
14Mfuto zoge kuhamena kweyi ono kuuyunga ndi kweyi ono kurugana; ove ngo gwana eyi ono kuliruganena.
15Vantu wovagova kugazara nkenye apa asi awo monzira va kara.
Vantu wovanongo awo kupurakena kevyukiso.
16Egova nsene va lisindagura, makura nare lina yi divikwisa. Nye munandunge age nombili si asi yifisamuga.
17Nsene o tanta yosili, kuna hungike kurugana, nye yimpempa kutwara kouhahungiki.
18Nonkango da hana mutwe nondungu kuwurura ngwendi rufuro, nye nonkango dounandunge kuverura.
19Yimpempa kapi ayi zi ntando, nye usili kukarerera dogoro narunye.
20Ava ava gazara udona, ekotokero lya kara monomutjima dawo, nye ava ava ruganene uwa, ngava gwana ehafo.
21Kutupu yoyidona eyi ayi horokere vahungami, nye vadinikarunga kutupu yapeke, udigu welike.
22 Hompa kwa nyenga vanayimpempa,
nye age kwa hara ava ava sikisa mo nonkango dawo.
23Vanandunge kumwena kweyi va diva, nye vagova kuhanesa enyoko lyawo.
24Yirugana yoyidigu ngayi ku pa nonkondo; kukara udwa ngaku ku paka mupika.
25Esivano ngali ku hakana erago, nye nonkango donongwa tadi ku hafesa.
26Muntu gomuhungami muvyukisi gwamukwawo,
nye nzira zovadinikarunga kuvatwara mezome.
27Goudwa kapi a gwana eyi ana kuvarera, ano nsene o rugana unene, ngo kara nomeho zoge.
28Uhungami nzira zomwenyo; udinikarunga nzira zonomfa.
Currently Selected:
YISEWE 12: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
