NAHUMU 3
3
1Wa pwa kupangura ove sitata
soyimpempa nedipago
sa zura ugawo wokukwata oku
to hakana!
2Purakena! Etopo lyongora,
nekorokoto lyomakoso,
nendjandjaro lyononkambe
nengwarauko lyoturukara!
3Varondi wononkambe
kuna zerura nomfuro
dina kuvema
nomagonga gana kuvembera!
Yimpu kuna yi rundaike ndambo
yimpu yokufa ya hana sivaro —
Vantu kuna kuyilipundura!
4Ninivhe hondedi, kuna kumufutisa.
Rukoka age kwa zura
mahongaiso gedipageso,
ga gcendura nomuhoko,
yiyo ga di paka upika.
5 Hompa Munankondo nadinye
kuna kutanta asi:
“Ame ngani ku futisa Ninivhe ove!
Ngani taura mudwaro goge,
makura ngani ninke nomuhoko
ngadi ku tare
ngadi mone nomuga doge.
6Ame ngani ku rugana momudona
tani ku kudumike nonyata.
Vantu ngava ku tara momudona.
7Navenye ava ngava ku mona,
ngava ku lipora.
Awo ngava uyunga asi:
‘Ninivhe ana kara mapuku!
Yilye ogu na mu retera nkenda,
a mu tendeke?’ ”
8Ninivhe, ove kwa vhura Tebesi, sitata sepangero saEgipite ndi? Naso kwa kara nomukuro gokusigamena ngwendi ekuma — mukuro gwaNili, yigo gwa kere egameno lyaso. 9Aso ngasi pangere naSudani naEgipite. Nonkondo daso kapi da peke murudi. Ano Libiya kwa kere ekwafo lyaso. 10Nye nampili ngesi, vantu womoTebesi kwa va twara moupika. Nkenye ponompangwanzira kwa toonena po vana vawo dogoro tava fu. Vagendesi vawo kwa va twara, awo kuna va manga mauketanga, tava va gaununa kovamakuto vawo.
11Ninivhe, nove ngo gwira mounkorwe! Ngo kambadara kuvanda nonkore doge. 12Nohotepopero doge ngadi fana ngwendi yitji youkuzu eyi yina kara nenyango lina pi; nyunganga yitji, makura enyango tali gwire mokana koge! 13Vakwayita woge tava fana ngwendi vakadi, nosirongo soge ngasi kara sa hana egameno kononkore doge. Mundiro ngagu haraganesa po yikuravero yomarungavero goge. 14Vheta mema o liwapaikire ehomono, ove o nkondopeke nohotepopero doge! Lyata erova, o rugane nodopi, papara usimbu siforomeso! 15Nkenye tupu eyi no rugana, nyove tupu kukuswakerera momundiro dogoro to fu ndi kufira moyita. Ove ngava ku komba po ngwendi muzangu guna likana kwasimbonde.
Ove kuna vhuka ngwendi simbonde! 16Ove kuna vhukisa vatjingisi woyipako va pitakane ponombungururu dekeguru! Nye vana pu po ngwendi simbonde ogu ana zanza mavava gendi a tuke a ze. 17Vagendesi woge kuna fana edugi lyasimbonde ogu a lipongaike pekuma ezuva lyomufu. Nye ezuva nsene lina pumu, ta tuka a ze. Nye nagumwe si ana diva oku ana vyuka!
18Vasita woge, hompa ove gwaAsiliya, vana fu, novanandunge vana ponyokerere dogoro narunye! Mbunga zoge kwa zi haraganesera konondundu. Kutupu hena gumwe ogu ga zi tengwida kembo. 19Yidunda yoge kapi ngayi veruka, yironda yoge ngayi reta nkenda. Navenye ava ngava zuvha ezonauko lyoge, ngava sakera mawoko morwaehafo. Pweli gumwe ogu ana vanda ehepeko lyoge lya hana ehagero ndi?
Currently Selected:
NAHUMU 3: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
NAHUMU 3
3
1Wa pwa kupangura ove sitata
soyimpempa nedipago
sa zura ugawo wokukwata oku
to hakana!
2Purakena! Etopo lyongora,
nekorokoto lyomakoso,
nendjandjaro lyononkambe
nengwarauko lyoturukara!
3Varondi wononkambe
kuna zerura nomfuro
dina kuvema
nomagonga gana kuvembera!
Yimpu kuna yi rundaike ndambo
yimpu yokufa ya hana sivaro —
Vantu kuna kuyilipundura!
4Ninivhe hondedi, kuna kumufutisa.
Rukoka age kwa zura
mahongaiso gedipageso,
ga gcendura nomuhoko,
yiyo ga di paka upika.
5 Hompa Munankondo nadinye
kuna kutanta asi:
“Ame ngani ku futisa Ninivhe ove!
Ngani taura mudwaro goge,
makura ngani ninke nomuhoko
ngadi ku tare
ngadi mone nomuga doge.
6Ame ngani ku rugana momudona
tani ku kudumike nonyata.
Vantu ngava ku tara momudona.
7Navenye ava ngava ku mona,
ngava ku lipora.
Awo ngava uyunga asi:
‘Ninivhe ana kara mapuku!
Yilye ogu na mu retera nkenda,
a mu tendeke?’ ”
8Ninivhe, ove kwa vhura Tebesi, sitata sepangero saEgipite ndi? Naso kwa kara nomukuro gokusigamena ngwendi ekuma — mukuro gwaNili, yigo gwa kere egameno lyaso. 9Aso ngasi pangere naSudani naEgipite. Nonkondo daso kapi da peke murudi. Ano Libiya kwa kere ekwafo lyaso. 10Nye nampili ngesi, vantu womoTebesi kwa va twara moupika. Nkenye ponompangwanzira kwa toonena po vana vawo dogoro tava fu. Vagendesi vawo kwa va twara, awo kuna va manga mauketanga, tava va gaununa kovamakuto vawo.
11Ninivhe, nove ngo gwira mounkorwe! Ngo kambadara kuvanda nonkore doge. 12Nohotepopero doge ngadi fana ngwendi yitji youkuzu eyi yina kara nenyango lina pi; nyunganga yitji, makura enyango tali gwire mokana koge! 13Vakwayita woge tava fana ngwendi vakadi, nosirongo soge ngasi kara sa hana egameno kononkore doge. Mundiro ngagu haraganesa po yikuravero yomarungavero goge. 14Vheta mema o liwapaikire ehomono, ove o nkondopeke nohotepopero doge! Lyata erova, o rugane nodopi, papara usimbu siforomeso! 15Nkenye tupu eyi no rugana, nyove tupu kukuswakerera momundiro dogoro to fu ndi kufira moyita. Ove ngava ku komba po ngwendi muzangu guna likana kwasimbonde.
Ove kuna vhuka ngwendi simbonde! 16Ove kuna vhukisa vatjingisi woyipako va pitakane ponombungururu dekeguru! Nye vana pu po ngwendi simbonde ogu ana zanza mavava gendi a tuke a ze. 17Vagendesi woge kuna fana edugi lyasimbonde ogu a lipongaike pekuma ezuva lyomufu. Nye ezuva nsene lina pumu, ta tuka a ze. Nye nagumwe si ana diva oku ana vyuka!
18Vasita woge, hompa ove gwaAsiliya, vana fu, novanandunge vana ponyokerere dogoro narunye! Mbunga zoge kwa zi haraganesera konondundu. Kutupu hena gumwe ogu ga zi tengwida kembo. 19Yidunda yoge kapi ngayi veruka, yironda yoge ngayi reta nkenda. Navenye ava ngava zuvha ezonauko lyoge, ngava sakera mawoko morwaehafo. Pweli gumwe ogu ana vanda ehepeko lyoge lya hana ehagero ndi?
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003