HABAKUKU 1
1
1Mbudi ezi yizo ga horwerere Hompa muporofete Habakuku.
Habakuku ta tangwinine uhahungami
2 Hompa, dogoro ezuvake na hepa ame kukuga ekwafo, nye ove nokupurakena nge si, o tu parure kepiyagano? 3Iinke ono ninkire nge ni mone udigu wokufana ngesi? Ngapi omu no vhura kulididimikira kutara yirugana yoyidona ngeyi? Ezonauko nepiyagano kuna kundurukida nge. Mwarwanambo nonomutangu, kuna kara nakunye. 4Veta zina tundu nonkondo, kutupu ko hena sirugana. Uhungami kapi vana kuusikisa mo hena. Vantu wovadona kuna kuhokora vahungami. Ano uhungami yimo nye ngoso vana kuupengesa.
Elimbururo lyaHompa
5 Hompa ta tantere vantu vendi asi: “Nomeneni nomuhoko edi dina mu kundurukida, one ngomu tetuka eyi ngomu mona. Ame ngani rugana yuma eyi ngomu dira kukahuguvara apa ngomu yi zuvha. 6Ame ngani gava nonkondo koVababironiya, mbunga ozo zougara za hana nkenda. Awo kuna kuza va vindakane uzuni, va funde yirongo yapeke. 7Awo kuna hanesa woma netjiro lyenene. Ano mokulinenepeka kwawo, yiwo vene Veta.
8“Nonkambe dawo maguru unene di pitakene mahumbu, ugara di pitakane pomambungu gana fuku. Varondi vawo wononkambe kuronda va tunde koyirongo yokoure. Nonkambe dawo kupara evhu. Awo kugenderera unene ngwendi ekangakodi lina kurwisa erambo lyalyo.
9“Vakwayita vawo tava heda ko morwakepiyagano. Nkenye ogu una mu kwata woma mokuhedera ko. Nonkwate dawo dina vhuka ngwendi nondanda domuheke. 10Awo vana rugana ohompa yeswau nokuzora marenga gomakurona. Kutupu hotepopero zokuvhura kuvakandana — awo vana pongaike evhu, makura tava zi teza po. 11Awo makura tava kombo po ngwendi mpepo, tava zi. Vagara ava, nonkondo dawo yido karunga gwawo.”
Habakuku ta tangwinine simpe Hompa
12 Hompa, kutunda nekevareko, ove kwa kara Karunga. Ove Karunga gwange, mupongoki gwanarunye. Hompa, Karunga gwange nomugameni gwange, ove nyove wa horowora Vababironiya, yiyo wa va ninka va kare vanankondo asi va vhure kutupangura. 13Ngapi omu no tarerera nye vantu ava woyimpempa wovadona? Meho goge kwa pongoka unene mokutara koudona, kapi o vhuru kusikama komeho zovantu ava ava rugana udona. Ove ngapi nye omu ono mwena teete, awo kuna kuharaganesa po vantu ava va hungama, va va pitakane awo?
14Ngapi omu no rugana nye vantu ngwendi nomfi ndi ngwendi yimbumburu eyi ya hana mupangeli gokuyipangera? 15Vababironiya kuna kukwata vantu nomarowo ngwendi nomfi. Awo kuna kuvakoka‐koka momakwe tava zigire morwaehafo lyokuvakwata! 16Awo kukanderera nomakwe gawo gaaga tava ga gavere nonzambo, yeeyi asi makwe gawo kuvaretera nkenye eyi vana hepa yoyiwa.
17Va twikire nye kuruganesa nomfuro dawo dogoro narunye nokuharaganesa po ngorooro nomuhoko pwa hana nkenda ndi?
Currently Selected:
HABAKUKU 1: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
HABAKUKU 1
1
1Mbudi ezi yizo ga horwerere Hompa muporofete Habakuku.
Habakuku ta tangwinine uhahungami
2 Hompa, dogoro ezuvake na hepa ame kukuga ekwafo, nye ove nokupurakena nge si, o tu parure kepiyagano? 3Iinke ono ninkire nge ni mone udigu wokufana ngesi? Ngapi omu no vhura kulididimikira kutara yirugana yoyidona ngeyi? Ezonauko nepiyagano kuna kundurukida nge. Mwarwanambo nonomutangu, kuna kara nakunye. 4Veta zina tundu nonkondo, kutupu ko hena sirugana. Uhungami kapi vana kuusikisa mo hena. Vantu wovadona kuna kuhokora vahungami. Ano uhungami yimo nye ngoso vana kuupengesa.
Elimbururo lyaHompa
5 Hompa ta tantere vantu vendi asi: “Nomeneni nomuhoko edi dina mu kundurukida, one ngomu tetuka eyi ngomu mona. Ame ngani rugana yuma eyi ngomu dira kukahuguvara apa ngomu yi zuvha. 6Ame ngani gava nonkondo koVababironiya, mbunga ozo zougara za hana nkenda. Awo kuna kuza va vindakane uzuni, va funde yirongo yapeke. 7Awo kuna hanesa woma netjiro lyenene. Ano mokulinenepeka kwawo, yiwo vene Veta.
8“Nonkambe dawo maguru unene di pitakene mahumbu, ugara di pitakane pomambungu gana fuku. Varondi vawo wononkambe kuronda va tunde koyirongo yokoure. Nonkambe dawo kupara evhu. Awo kugenderera unene ngwendi ekangakodi lina kurwisa erambo lyalyo.
9“Vakwayita vawo tava heda ko morwakepiyagano. Nkenye ogu una mu kwata woma mokuhedera ko. Nonkwate dawo dina vhuka ngwendi nondanda domuheke. 10Awo vana rugana ohompa yeswau nokuzora marenga gomakurona. Kutupu hotepopero zokuvhura kuvakandana — awo vana pongaike evhu, makura tava zi teza po. 11Awo makura tava kombo po ngwendi mpepo, tava zi. Vagara ava, nonkondo dawo yido karunga gwawo.”
Habakuku ta tangwinine simpe Hompa
12 Hompa, kutunda nekevareko, ove kwa kara Karunga. Ove Karunga gwange, mupongoki gwanarunye. Hompa, Karunga gwange nomugameni gwange, ove nyove wa horowora Vababironiya, yiyo wa va ninka va kare vanankondo asi va vhure kutupangura. 13Ngapi omu no tarerera nye vantu ava woyimpempa wovadona? Meho goge kwa pongoka unene mokutara koudona, kapi o vhuru kusikama komeho zovantu ava ava rugana udona. Ove ngapi nye omu ono mwena teete, awo kuna kuharaganesa po vantu ava va hungama, va va pitakane awo?
14Ngapi omu no rugana nye vantu ngwendi nomfi ndi ngwendi yimbumburu eyi ya hana mupangeli gokuyipangera? 15Vababironiya kuna kukwata vantu nomarowo ngwendi nomfi. Awo kuna kuvakoka‐koka momakwe tava zigire morwaehafo lyokuvakwata! 16Awo kukanderera nomakwe gawo gaaga tava ga gavere nonzambo, yeeyi asi makwe gawo kuvaretera nkenye eyi vana hepa yoyiwa.
17Va twikire nye kuruganesa nomfuro dawo dogoro narunye nokuharaganesa po ngorooro nomuhoko pwa hana nkenda ndi?
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003