Marukusa 9
9
1Makura ta va tantere asi: “Yosili nina kumutantera asi, pwava vana sikama apa poveli vamwe, ava ngava dira kumakera nomfa, awo va hana kumona Untungi waKarunga u wize nononkondo.”
Jesus ta likida uyerere wendi mepaimo
2Eyi pwa pita mazuva gatano‐nalimwe, Jesus kwa gusire oPeturusa naJakopo naJohanesa velike, a ze nawo kondundu zonde, tava ka likerera. Makura age ta lisitunuka komeho zawo. 3Yikoverero yendi kwa paimine, tayi zere unene ngwendi yiterengenze, uzera ou ga ha vhuru muzeresi goyikoverero gepevhu. 4Makura tapa moneka Eliya naMosesa, awo tava tompwere naJesus. 5Makura Peturusa ta tantere Jesus asi: “Murongi, yina wapa tu kare apa. Siga nye tu tunge marutambo gatatu, rumwe roge noru rwaMosesa noru rwaEliya.” 6Yeeyi kapi ga divire asi ngapi omu na uyunga, morwa awo kwa va pwagere unene‐nene. 7Makura tapa wiza eremo, tali va wuvilikida. Meremo omo tamu tundu ezwi lina kutanta asi: “Ogu yige Munwange na hara, omu mu zuvhe.” 8Naruvali si, va tare, nomuntu po si gwapeke, Jesus gelike po pwawo a huru.
9Makura hava hokwa kutunda kondundu, Jesus ta va ngongomekeda asi va ha ka yi sansekera muntu eyi va mwene, age MunwaMuntu ga hana kupinduka koufe. 10Awo tava lipakere vene nkango ezi, oku tava lipuragere vene navene asi: “Yisinke yina kutanta yokupinduka koufe?” 11Makura tava mu pura asi: “Ava valirongi womatjangwa yisinke ava tanta asi, Eliya yige nga hova tanko kuwiza?” 12Jesus ta va limburura asi: “Mwayene yosili, Eliya yige nga hova kuwiza, a ya wapaike nayinye. Nani ngapi omu aga tanta matjangwa yokuhamena MunwaMuntu, asi yige kunyanda oku tava mu paya?” 13Nye ame tani mu tantere asi: “Eliya nare ga wiza, makura awo yiyo va mu rugene moomu va seyere, ngwendi moomu tupu va yi mu tjangera.”
Jesus ta verura mumati gosihegani
14Apa va tengwire kovarongwa ava va sigire, tava mono emumbunga lyovantu lina va kundurukida, valirongi womatjangwa awo tava lipatana‐patana nawo. 15Mbunga mudima kwa mona tupu Jesus, tazi tukuka unene nehafo, tazi mu dukire va ya mu morore. 16Makura ta va pura asi: “Yinke muna kulipatana nawo?” 17Gumwe gememumbunga ta limburura asi: “Murongi, ame munwange na ku retere, ogu ga kara nompepo zoupuru‐puru. 18Azo sinene zina mu kwata, tazi mu nyoga‐nyoga, ta kasuka ntutu mokana oku ta likwetja mazego, makura ta kukuta nywe. Varongwa woge na va hundire asi va zi pwagese mo, nye awo nokuyivhura si.” 19Nye age ta va limburura asi: “One vantu mwa ha pura, siruwo sokusika kupi ngani kara neni, ni mu lididimikire? Mu retereni nge oku!” 20Makura tava mu mu retere. Mpepo kwa ya mona tupu Jesus, makura tazi gama mumati zi mu kukutike, age ta liganda a lisindumune pevhu, kokana kasi‐kasi ntutu. 21Jesus makura ta pura guhwe asi: “Siruwo sokusika kupi ana kara neyi?” Age ta limburura asi: “Kutunda kounona wendi, 22rorunzi ngazi mu gandere momundiro ndi momema, asi zi mu dipage. Nye nsene si ove kuvhura, tu fira nkenda o tu kwafe.” 23Jesus ta mu limburura asi: “Asi to tanta hena asi ove nsene kuvhura! Gokupura kuvhura nayinye.” 24Makura guhyamunona ta zigire asi: “Na pura, kwafa nge mouhapuli wange!”
25Apa ga mwene Jesus asi mbunga tazi mu lipongaikire, ta tugumukire mpepo zokunyata, ta zi tantere asi: “Mpepo ove zomuhauyungi zosipuru‐puru, tani ku rawire asi o pwage mo mwendi, wa ha mu tengwira hena!” 26Makura tazi litakumine, tazi mu nyoga‐nyoga, tazi pwaga mo. Munona kwa rwapamene ngwendi mufe, dogoro wovanzi tava tanta asi ana fu. 27Nye Jesus ta mu kwata kokuwoko, a mu katwise, makura ta sikama.
28Apa ga wizire kembo, varongwa vendi tava mu pura apo pwa hana vantu asi: “Morwasinke zina tu tjindilire ose kuzitjida mo?” 29Age ta va tantere asi: “Rudi oru kurutjidisa kooko kekanderero nediliro makura.”
Jesus ta divisa rwauvali runyando nonomfa dendi
30Va tunda opo kwa windakanene Galireya, nye Jesus kapi ga here asi a yi dive muntu. 31Yeeyi age kwa rongere varongwa vendi, ta va tantere asi: “MunwaMuntu ngava mu gava momawoko govantu, awo ngava mu dipaga. Nye konyima zonomfa dendi nsene ngapa pita mazuva gatatu, makura ta vhumbuka koufe.” 32Nye awo kapi va yi kwete egano eyi ga tantere, ano kumupura tava litjilire.
Ogu ga nenepa po moUntungi weguru
33Makura tava wiza koKaperenaumu. Apa va sikire kembo, Jesus ta va pura asi: “Yinke muna uyunga monzira?” 34Nye awo va teete, yeeyi kwa liyonga‐yongere monzira asi yilye munene po mokatji kwawo. 35Kutunda opo ta hingire, ta zigida owo murongo navavali, makura ta va tantere asi: “Ogu ana hara kukara gopomuhowo, a kare ngano muhulilili mokatji kanavenye, hena asi a kare mukareli gwanavenye.” 36Makura ta gusa munonagona, ta mu sikameke mokatji kawo, ta mu dingire mawoko oku ta va tantere asi: 37“Ogu a tambwire munonagona gwangesi medina lyange, nyame a tambura. Ano ogu a tambura nge ame, kapisi nyame a tambura, nye nani googu ga tuma nge.”
Ogu a dili kulilimba nose, kwetu ga hamena
38Kutunda opo Johanesa ta mu sansekere asi: “Murongi, ose twa mwene muntu ta pwagesa nompepo donondona medina lyoge, nye age ga hana kutukwama.” 39Ano Jesus ta limburura asi: “Mwa ha yi mu silika, yeeyi ogu a rugana sitetu medina lyange, kapi a vhuru kuuyunga nge momudona poopo. 40Yeeyi ogu a dili kulilimba nose, kwetu ga hamena. 41Morwa nkenye ogu a mu pere medina lyange nkinda zomema mu nwe, morwa yeeyi mwa hamena kwaKristusa, yosili na kumutantera, kapi nga pumbwa mfeto zendi.
Yokuhamena maheteko
42“Ogu a pukisa kanonagona kamwe potu twa pura nge, gwangesi ngano ga fira kumumangerera emumanya monsingo, a ka damenene nalyo mekurutondo lyefuta. 43-44Ano nsene si kuwoko koge taku ku pundukisisa, ku kamuna ko. Koge hasa yiwa kuza momwenyo gwanarunye ove nokuwoko kumwe tupu, kupita yokuza nomawoko gavali momundiro ogu gwa ha dimi. 45-46Ano nsenesi mpadi zoge tazi ku pundukisisa, zi kamuna ko. Koge hasa yiwa kuza momwenyo gwanarunye ove nompadi zimwe tupu, kupita yokuza nonompadi mbali momundiro ogu gwa ha dimi. 47Ano nsenesi eho lyoge tali ku pundukisisa, li korora mo, o li zugume. Koge hasa yiwa kuza moUntungi waKarunga neho limwe tupu, kupita yokuza nomeho gavali momundiro gwa ha dimi, 48omu ‘ga ha fu maginyo gawo nomu gwa ha dimi mundiro.’
49“Nkenye muntu ngava mu tovesa nomundiro moomu ava tovesa nkenye nzambo nomungwa. 50Mungwa muwa, ano nsene mungwa guna hakumpara, ngapi omu nomu gu tovaresesa? Omu kare nomungwa mweni, oku tomu likara‐kara nombili.”
Currently Selected:
Marukusa 9: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Marukusa 9
9
1Makura ta va tantere asi: “Yosili nina kumutantera asi, pwava vana sikama apa poveli vamwe, ava ngava dira kumakera nomfa, awo va hana kumona Untungi waKarunga u wize nononkondo.”
Jesus ta likida uyerere wendi mepaimo
2Eyi pwa pita mazuva gatano‐nalimwe, Jesus kwa gusire oPeturusa naJakopo naJohanesa velike, a ze nawo kondundu zonde, tava ka likerera. Makura age ta lisitunuka komeho zawo. 3Yikoverero yendi kwa paimine, tayi zere unene ngwendi yiterengenze, uzera ou ga ha vhuru muzeresi goyikoverero gepevhu. 4Makura tapa moneka Eliya naMosesa, awo tava tompwere naJesus. 5Makura Peturusa ta tantere Jesus asi: “Murongi, yina wapa tu kare apa. Siga nye tu tunge marutambo gatatu, rumwe roge noru rwaMosesa noru rwaEliya.” 6Yeeyi kapi ga divire asi ngapi omu na uyunga, morwa awo kwa va pwagere unene‐nene. 7Makura tapa wiza eremo, tali va wuvilikida. Meremo omo tamu tundu ezwi lina kutanta asi: “Ogu yige Munwange na hara, omu mu zuvhe.” 8Naruvali si, va tare, nomuntu po si gwapeke, Jesus gelike po pwawo a huru.
9Makura hava hokwa kutunda kondundu, Jesus ta va ngongomekeda asi va ha ka yi sansekera muntu eyi va mwene, age MunwaMuntu ga hana kupinduka koufe. 10Awo tava lipakere vene nkango ezi, oku tava lipuragere vene navene asi: “Yisinke yina kutanta yokupinduka koufe?” 11Makura tava mu pura asi: “Ava valirongi womatjangwa yisinke ava tanta asi, Eliya yige nga hova tanko kuwiza?” 12Jesus ta va limburura asi: “Mwayene yosili, Eliya yige nga hova kuwiza, a ya wapaike nayinye. Nani ngapi omu aga tanta matjangwa yokuhamena MunwaMuntu, asi yige kunyanda oku tava mu paya?” 13Nye ame tani mu tantere asi: “Eliya nare ga wiza, makura awo yiyo va mu rugene moomu va seyere, ngwendi moomu tupu va yi mu tjangera.”
Jesus ta verura mumati gosihegani
14Apa va tengwire kovarongwa ava va sigire, tava mono emumbunga lyovantu lina va kundurukida, valirongi womatjangwa awo tava lipatana‐patana nawo. 15Mbunga mudima kwa mona tupu Jesus, tazi tukuka unene nehafo, tazi mu dukire va ya mu morore. 16Makura ta va pura asi: “Yinke muna kulipatana nawo?” 17Gumwe gememumbunga ta limburura asi: “Murongi, ame munwange na ku retere, ogu ga kara nompepo zoupuru‐puru. 18Azo sinene zina mu kwata, tazi mu nyoga‐nyoga, ta kasuka ntutu mokana oku ta likwetja mazego, makura ta kukuta nywe. Varongwa woge na va hundire asi va zi pwagese mo, nye awo nokuyivhura si.” 19Nye age ta va limburura asi: “One vantu mwa ha pura, siruwo sokusika kupi ngani kara neni, ni mu lididimikire? Mu retereni nge oku!” 20Makura tava mu mu retere. Mpepo kwa ya mona tupu Jesus, makura tazi gama mumati zi mu kukutike, age ta liganda a lisindumune pevhu, kokana kasi‐kasi ntutu. 21Jesus makura ta pura guhwe asi: “Siruwo sokusika kupi ana kara neyi?” Age ta limburura asi: “Kutunda kounona wendi, 22rorunzi ngazi mu gandere momundiro ndi momema, asi zi mu dipage. Nye nsene si ove kuvhura, tu fira nkenda o tu kwafe.” 23Jesus ta mu limburura asi: “Asi to tanta hena asi ove nsene kuvhura! Gokupura kuvhura nayinye.” 24Makura guhyamunona ta zigire asi: “Na pura, kwafa nge mouhapuli wange!”
25Apa ga mwene Jesus asi mbunga tazi mu lipongaikire, ta tugumukire mpepo zokunyata, ta zi tantere asi: “Mpepo ove zomuhauyungi zosipuru‐puru, tani ku rawire asi o pwage mo mwendi, wa ha mu tengwira hena!” 26Makura tazi litakumine, tazi mu nyoga‐nyoga, tazi pwaga mo. Munona kwa rwapamene ngwendi mufe, dogoro wovanzi tava tanta asi ana fu. 27Nye Jesus ta mu kwata kokuwoko, a mu katwise, makura ta sikama.
28Apa ga wizire kembo, varongwa vendi tava mu pura apo pwa hana vantu asi: “Morwasinke zina tu tjindilire ose kuzitjida mo?” 29Age ta va tantere asi: “Rudi oru kurutjidisa kooko kekanderero nediliro makura.”
Jesus ta divisa rwauvali runyando nonomfa dendi
30Va tunda opo kwa windakanene Galireya, nye Jesus kapi ga here asi a yi dive muntu. 31Yeeyi age kwa rongere varongwa vendi, ta va tantere asi: “MunwaMuntu ngava mu gava momawoko govantu, awo ngava mu dipaga. Nye konyima zonomfa dendi nsene ngapa pita mazuva gatatu, makura ta vhumbuka koufe.” 32Nye awo kapi va yi kwete egano eyi ga tantere, ano kumupura tava litjilire.
Ogu ga nenepa po moUntungi weguru
33Makura tava wiza koKaperenaumu. Apa va sikire kembo, Jesus ta va pura asi: “Yinke muna uyunga monzira?” 34Nye awo va teete, yeeyi kwa liyonga‐yongere monzira asi yilye munene po mokatji kwawo. 35Kutunda opo ta hingire, ta zigida owo murongo navavali, makura ta va tantere asi: “Ogu ana hara kukara gopomuhowo, a kare ngano muhulilili mokatji kanavenye, hena asi a kare mukareli gwanavenye.” 36Makura ta gusa munonagona, ta mu sikameke mokatji kawo, ta mu dingire mawoko oku ta va tantere asi: 37“Ogu a tambwire munonagona gwangesi medina lyange, nyame a tambura. Ano ogu a tambura nge ame, kapisi nyame a tambura, nye nani googu ga tuma nge.”
Ogu a dili kulilimba nose, kwetu ga hamena
38Kutunda opo Johanesa ta mu sansekere asi: “Murongi, ose twa mwene muntu ta pwagesa nompepo donondona medina lyoge, nye age ga hana kutukwama.” 39Ano Jesus ta limburura asi: “Mwa ha yi mu silika, yeeyi ogu a rugana sitetu medina lyange, kapi a vhuru kuuyunga nge momudona poopo. 40Yeeyi ogu a dili kulilimba nose, kwetu ga hamena. 41Morwa nkenye ogu a mu pere medina lyange nkinda zomema mu nwe, morwa yeeyi mwa hamena kwaKristusa, yosili na kumutantera, kapi nga pumbwa mfeto zendi.
Yokuhamena maheteko
42“Ogu a pukisa kanonagona kamwe potu twa pura nge, gwangesi ngano ga fira kumumangerera emumanya monsingo, a ka damenene nalyo mekurutondo lyefuta. 43-44Ano nsene si kuwoko koge taku ku pundukisisa, ku kamuna ko. Koge hasa yiwa kuza momwenyo gwanarunye ove nokuwoko kumwe tupu, kupita yokuza nomawoko gavali momundiro ogu gwa ha dimi. 45-46Ano nsenesi mpadi zoge tazi ku pundukisisa, zi kamuna ko. Koge hasa yiwa kuza momwenyo gwanarunye ove nompadi zimwe tupu, kupita yokuza nonompadi mbali momundiro ogu gwa ha dimi. 47Ano nsenesi eho lyoge tali ku pundukisisa, li korora mo, o li zugume. Koge hasa yiwa kuza moUntungi waKarunga neho limwe tupu, kupita yokuza nomeho gavali momundiro gwa ha dimi, 48omu ‘ga ha fu maginyo gawo nomu gwa ha dimi mundiro.’
49“Nkenye muntu ngava mu tovesa nomundiro moomu ava tovesa nkenye nzambo nomungwa. 50Mungwa muwa, ano nsene mungwa guna hakumpara, ngapi omu nomu gu tovaresesa? Omu kare nomungwa mweni, oku tomu likara‐kara nombili.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003