Marukusa 8
8
Ekutiko lyomayovi gane
1Momazuva ogo, apa va kere po vantu wovanzi, awo hena kapi va kere nonondya dokulya, yipo ga zigidire Jesus varongwa vendi, a va tantere asi: 2“Ame zina gwire nge nkenda kombunga ezi, morwa mazuva gatatu nye vana kara pwange, nye va hana yokulya. 3Ano nsene ni va ninka va ze ngorooro nonzara zawo komambo, tava fire sikatji, yeeyi vamwe kava tundire koure.” 4Makura varongwa vendi tava mu limburura asi: “Oku nayi tunda yokukutika ava, omu momburundu?” 5Makura ta va pura asi: “Nomboroto dingapi muna kara nado?” Vena asi: “Ntano‐nambali.”
6Makura ta tantere mbunga zi hingire pevhu. Ta gusa nomboroto edi ntano‐nambali, ta pandura Karunga, ta di tetagura, makura ta di pe varongwa vendi va di gavere mbunga. 7Va kere hena nonomfi dimwe, ta pandura Guhwe, ta di va pe va di gavere nado. 8Awo makura tava li, tava kuta. Ruhupwa tava ru pongaike, taru zwida yikumba yitano‐nayivali. 9Ano ava va kere po mayovi gane. Makura ta va rekere va zaaze. 10Kutunda opo ta perama mowato kumwe novarongwa vendi, makura tava wiza momukunda gwaDalimanuta.
Vafalisayi tava pura sidiviso
11Makura Vafalisayi tava mu wizire va ya lipatane nendi. Tava mu pura sidiviso semeguru, va mu tarere po. 12Makura age ta likumida komutjima, oku ta pura asi: “Vene vantu ava vantani yinke vana kudovaukira sidiviso? Yosili ame tani mu tantere asi, vantu vantani narumwe si ngava va pa sidiviso.” 13Kutunda opo ta va sigi, ta ka perama hena mowato a ze mesinya mwina.
Hingo zoVafalisayi nezi zaHerodesa
14Awo kwa divarere kusimba nomboroto, zimwe tupu va kere nazo mowato. 15Makura age ta va rondora asi: “Takameseni oku tomu nomene hingo zoVafalisayi nezi zaHerodesa.” 16Awo tava lipura vene navene asi: “Yininke eyi, yeeyi tuna pili nomboroto?” 17Jesus ta yi nongonona, ta va pura asi: “Morwasinke muna kulinungagwira yokupira nomboroto? Nani kapi muna yi kwata egano, one hena kapi muna kuyizuvha? Nani, hamwa kerera nonomutjima deni dononkukutu? 18One kwa kara nomeho, nye kapi omu mono, yiyo hena mwa kara nomatwi, nye kuzuvha mpaga? Nani kapi muna kudiworoka? 19Apa na tetagwilire nomboroto ntano vantu mayovi gatano, nani yikumba yingapi yoruhupwa ya zulire, oru mwa toragwire?” Awo tava mu limburura asi: “Murongo nayivali.” 20“Ano apa na tetagwilire nomboroto ntano‐nambali vantu mayovi gane, yikumba yingapi ya zulire koruhupwa, eyi mwa toragwire?” Awo tava limburura asi: “Yitano‐nayivali.” 21Makura Jesus ta va pura asi: “Eyi muna dilire kuzuvha ko simpe yinke nye?”
Jesus te verura mutwiku gomoBetesaida
22Awo kwa wizire koBetesaida. Makura tava retere Jesus mugara gokutwika, tava mu lihenge a mu gume. 23Age makura ta kwata mutwiku kokuwoko, ta mu pwagesa ponze zositata, ta mu fizire momeho gendi oku ta mu kambeke kuwoko, ta mu pura asi: “To mono yuma ndi?” 24Gwina ta kankuka, ta tanta asi: “Tani mono vantu, vana kulikoha ngwendi yitji yina kugenda.” 25Kutunda opo Jesus ta mu kambeke hena mawoko komeho. Makura ta mahuka, ta veruka oku ta mono nawa‐nawa. 26Makura Jesus ta mu tumu kembo lyawo, ta mu tantere asi: “Wa ha pita tanko mositata.”
Etongonono lyaPeturusa
27Makura Jesus novarongwa vendi tava zi konomukunda daKesareya Filipi. Monzira ta pura varongwa vendi asi: “Omu ava tumbura nge asi nyame yilye?” 28Vena tava mu limburura asi: “Johanesa Mukuhwi,” ano ava vamwe asi: “Eliya,” hena vamwe asi: “Gumwe govaporofete ngoso.” 29Makura age ta va pura hena asi: “One nye omu omu tumbura nge asi nyame yilye?” Peturusa ta mu limburura asi: “Ove nyove sa Kristusa.” 30Makura age ta va rondora sankondo‐nkondo, va ha ka yi tantera vantu.
Jesus ta divisa romuhowo runyando nonomfa dendi
31Jesus makura ta tameke kuvaronga asi: “MunwaMuntu yige tupu kunyanda unene. Age hena ngava nyoka kumutambura masimbi novapristeli wovanene novalirongi womatjangwa. Hena ngava mu dipaga, ano nsene ngapa pita mazuva gatatu, nga vhumbuka.” 32Nonkango edi age kwa di va tanterere moyipafi. Makura Peturusa ta mu gusa a mu tware pompengi, ta ka mu kuyauka. 33Ano age ta piruka a tare varongwa vendi, ta kuyauka Peturusa, ta tanta asi: “Lipora ko konyima zange, Satana, yeeyi ove kapi ono kugazara yaKarunga, yovantu ono kugazara!”
34Jesus eyi ga zigira mbunga zi ponge kumwe novarongwa vendi, ta va tantere asi: “Ogu ga hara kukwama nge, a lidine mwene, a damune silivindakano sendi a kwame nge. 35Yeeyi ogu ga hara kupopera mwenyo gwendi, nga gu zumbanesa. Nye ogu a zumbanesa mwenyo gwendi mokonda zange noMbudi zoNgwa, yige nga gu parura. 36Yinke ayi kwafa muntu yokuweka uzuni mudima, nye mwenyo goge to gu zumbanesa? 37Ndi yinke a vhuru kugava muntu, a zowese ko mwenyo gwendi? 38Yeeyi nkenye ogu a lifu nomuga nononkango dange movantu ava varutezanonkwara wononzo, MunwaMuntu nage nga ka mu fisa nomuga, apa nga wiza mouyerere waGuhwe novaengeli wokupongoka.”
Currently Selected:
Marukusa 8: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Marukusa 8
8
Ekutiko lyomayovi gane
1Momazuva ogo, apa va kere po vantu wovanzi, awo hena kapi va kere nonondya dokulya, yipo ga zigidire Jesus varongwa vendi, a va tantere asi: 2“Ame zina gwire nge nkenda kombunga ezi, morwa mazuva gatatu nye vana kara pwange, nye va hana yokulya. 3Ano nsene ni va ninka va ze ngorooro nonzara zawo komambo, tava fire sikatji, yeeyi vamwe kava tundire koure.” 4Makura varongwa vendi tava mu limburura asi: “Oku nayi tunda yokukutika ava, omu momburundu?” 5Makura ta va pura asi: “Nomboroto dingapi muna kara nado?” Vena asi: “Ntano‐nambali.”
6Makura ta tantere mbunga zi hingire pevhu. Ta gusa nomboroto edi ntano‐nambali, ta pandura Karunga, ta di tetagura, makura ta di pe varongwa vendi va di gavere mbunga. 7Va kere hena nonomfi dimwe, ta pandura Guhwe, ta di va pe va di gavere nado. 8Awo makura tava li, tava kuta. Ruhupwa tava ru pongaike, taru zwida yikumba yitano‐nayivali. 9Ano ava va kere po mayovi gane. Makura ta va rekere va zaaze. 10Kutunda opo ta perama mowato kumwe novarongwa vendi, makura tava wiza momukunda gwaDalimanuta.
Vafalisayi tava pura sidiviso
11Makura Vafalisayi tava mu wizire va ya lipatane nendi. Tava mu pura sidiviso semeguru, va mu tarere po. 12Makura age ta likumida komutjima, oku ta pura asi: “Vene vantu ava vantani yinke vana kudovaukira sidiviso? Yosili ame tani mu tantere asi, vantu vantani narumwe si ngava va pa sidiviso.” 13Kutunda opo ta va sigi, ta ka perama hena mowato a ze mesinya mwina.
Hingo zoVafalisayi nezi zaHerodesa
14Awo kwa divarere kusimba nomboroto, zimwe tupu va kere nazo mowato. 15Makura age ta va rondora asi: “Takameseni oku tomu nomene hingo zoVafalisayi nezi zaHerodesa.” 16Awo tava lipura vene navene asi: “Yininke eyi, yeeyi tuna pili nomboroto?” 17Jesus ta yi nongonona, ta va pura asi: “Morwasinke muna kulinungagwira yokupira nomboroto? Nani kapi muna yi kwata egano, one hena kapi muna kuyizuvha? Nani, hamwa kerera nonomutjima deni dononkukutu? 18One kwa kara nomeho, nye kapi omu mono, yiyo hena mwa kara nomatwi, nye kuzuvha mpaga? Nani kapi muna kudiworoka? 19Apa na tetagwilire nomboroto ntano vantu mayovi gatano, nani yikumba yingapi yoruhupwa ya zulire, oru mwa toragwire?” Awo tava mu limburura asi: “Murongo nayivali.” 20“Ano apa na tetagwilire nomboroto ntano‐nambali vantu mayovi gane, yikumba yingapi ya zulire koruhupwa, eyi mwa toragwire?” Awo tava limburura asi: “Yitano‐nayivali.” 21Makura Jesus ta va pura asi: “Eyi muna dilire kuzuvha ko simpe yinke nye?”
Jesus te verura mutwiku gomoBetesaida
22Awo kwa wizire koBetesaida. Makura tava retere Jesus mugara gokutwika, tava mu lihenge a mu gume. 23Age makura ta kwata mutwiku kokuwoko, ta mu pwagesa ponze zositata, ta mu fizire momeho gendi oku ta mu kambeke kuwoko, ta mu pura asi: “To mono yuma ndi?” 24Gwina ta kankuka, ta tanta asi: “Tani mono vantu, vana kulikoha ngwendi yitji yina kugenda.” 25Kutunda opo Jesus ta mu kambeke hena mawoko komeho. Makura ta mahuka, ta veruka oku ta mono nawa‐nawa. 26Makura Jesus ta mu tumu kembo lyawo, ta mu tantere asi: “Wa ha pita tanko mositata.”
Etongonono lyaPeturusa
27Makura Jesus novarongwa vendi tava zi konomukunda daKesareya Filipi. Monzira ta pura varongwa vendi asi: “Omu ava tumbura nge asi nyame yilye?” 28Vena tava mu limburura asi: “Johanesa Mukuhwi,” ano ava vamwe asi: “Eliya,” hena vamwe asi: “Gumwe govaporofete ngoso.” 29Makura age ta va pura hena asi: “One nye omu omu tumbura nge asi nyame yilye?” Peturusa ta mu limburura asi: “Ove nyove sa Kristusa.” 30Makura age ta va rondora sankondo‐nkondo, va ha ka yi tantera vantu.
Jesus ta divisa romuhowo runyando nonomfa dendi
31Jesus makura ta tameke kuvaronga asi: “MunwaMuntu yige tupu kunyanda unene. Age hena ngava nyoka kumutambura masimbi novapristeli wovanene novalirongi womatjangwa. Hena ngava mu dipaga, ano nsene ngapa pita mazuva gatatu, nga vhumbuka.” 32Nonkango edi age kwa di va tanterere moyipafi. Makura Peturusa ta mu gusa a mu tware pompengi, ta ka mu kuyauka. 33Ano age ta piruka a tare varongwa vendi, ta kuyauka Peturusa, ta tanta asi: “Lipora ko konyima zange, Satana, yeeyi ove kapi ono kugazara yaKarunga, yovantu ono kugazara!”
34Jesus eyi ga zigira mbunga zi ponge kumwe novarongwa vendi, ta va tantere asi: “Ogu ga hara kukwama nge, a lidine mwene, a damune silivindakano sendi a kwame nge. 35Yeeyi ogu ga hara kupopera mwenyo gwendi, nga gu zumbanesa. Nye ogu a zumbanesa mwenyo gwendi mokonda zange noMbudi zoNgwa, yige nga gu parura. 36Yinke ayi kwafa muntu yokuweka uzuni mudima, nye mwenyo goge to gu zumbanesa? 37Ndi yinke a vhuru kugava muntu, a zowese ko mwenyo gwendi? 38Yeeyi nkenye ogu a lifu nomuga nononkango dange movantu ava varutezanonkwara wononzo, MunwaMuntu nage nga ka mu fisa nomuga, apa nga wiza mouyerere waGuhwe novaengeli wokupongoka.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003