JESAYA 66
66
Hompa ta pangura nomuhoko
1 Hompa ta tanta asi: “Eguru yiso sipundi sange souhompa, ano evhu yilyo ulyatero wonompadi dange. Nzugo zokufana ngapi ezi ngomu tungira nge, ndi evega lyokufana ngapi lyokukara ame? 2Nyamwange nyame na sita nayinye! Ame kwa hafera ava ava linunupike tava litezurura, ava ava tjira nge oku tava limburukwa nge.
3“Vantu kuhafera eyi ava rugana. Nayinye yiyo tupu, o dipage ntwedu ndi to zamba muntu; o zambe zwigona ndi to teza nsingo zombwa; o gave zonondya ndi to zamba honde zosinguru; o zambe manganganga gokututumikida ndi to kanderere karunga goyipempa. Awo kwa lihorowera nonzira davene, ano nomutjima dawo kwa hafera yihuna yawo. 4Ano name ngani va retera simpagwa — yininke yeeyi va tjira — morwa asi nagumwe si a limburura, nsene tani zigida ndi asi a purakene nsene tani uyunga. Awo kwa horowora po yokudira kulimburukwa nge neyi yokurugana udona.”
5Purakeneni eyi ana kutanta Hompa, one ava omu mu tjira, tomu limburukwa: “Morwa one kulimburukwa nge, vakweneni vamwe yiyo va mu nyengera, kapi ngava mu pakera mbili. Ngava mu swaura, tava tanta asi: ‘Hompa a likide unene wendi a mu parure, nkumwe ngatu mu mone tomu hafa.’ Nye nani nye vene ngava swauka! 6Purakeneni! Olyo ezogerero lyenene mositata, ezwi olyo montembeli, ezwi lyaHompa ogu ana kufutisa nonkore dendi!
7“Sitata sange sokupongoka kwa lifana nomukadi gokuhampuruka munona hararasi, ga hana kuzegama ndi asi ezimo lyendi li kore. 8Pweli nye ogu ga yi zuvha rumwe eyi ndi? Poguli muhoko ogu va hampuruka mezuva limwe ndi? Siyoni kapi nga hepa hena, ago muhoko va hana kuguhampuruka. 9Mwa ha gazara asi ame ngani reta vantu vange pepi nehampuruko, nye ni dire kuninka va va hampuruke.” Yimo ana kutanta Hompa.
10Hafeni kumwe naJerusarema;
mu hafereni,
namuvenye ava mwa hara sitata esi!
Ntaantani hafeni kumwe nendi,
namuvenye ava ngomu mu lilire!
11One ngomu hafera erago lyendi,
ngwendi munona komavere gozina.
12 Hompa kuna kutanta asi: “Ame ngani mu retera erago lyanarunye; ugawo wonomuhoko ngau pupira kweni ngwendi mukuro gwa hana kupwira. Ngomu fana munona ogu ava rere ozina, tava mu hukata, tava mu tekura neharo. 13Ame ngani mu hengagwida moJerusarema, moomu a hengagwida zina munwendi. 14Apa ngomu yi mona tayi horoka eyi, ngomu hafa; ayo ngayi mu nkondopeka, tayi mu pe ukangure. Opo yipo nye ngomu divira asi, ame Hompa, kukwafa ava va limburukwa nge, nye nonkore dange tani di handukire.”
15 Hompa nga wiza nomundiro, nga ronda pomavava gakakunguru a futise ava ga handukira. 16Vantu navenye womouzuni ava nga mona unzoni nga va futisisa komundiro nokorufuro — ano sinzi sawo ngava fa.
17 Hompa ta tanta asi: “Ehagero pepi lyava ava likuhwilire vene ukereli wosipagani, tava gogomokere koyikunino yokupongoka, yiyo ava li yinguru nonompuku nonondya peke doyihuna. 18Ame na diva yigazo yawo noyirugana yawo. Ngani pongaika vantu wonomuhoko nadinye. Apa nye ngava ponga, yipo nye ngava mona eyi adi vhuru kurugana nonkondo dange, 19makura ngava dive asi nyame nina kuvafutisa.
“Nye ngani hupisa po vamwe, tani va tumu konomuhoko nokoyirongo yaure eyi ya dira kuzuvha rumwe efumano lyange ndi kumona unene nononkondo dange; koSipaniya naLibiya naLidiya novaponyi vaso wovanene, noTubali naGereka. Mokatji konomuhoko edi yimo ngava sanseka unene wange. 20Awo ngava tengwida vakweneni va tunde monomuhoko ngava kare uhwi wange. Ngava va reta kondundu zange zokupongoka moJerusarema pononkambe nononsino nonongameru nomoturukara toyita nomomatemba, moomu tupu ava reta Vaisraeli nonzambo donondya kontembeli moyipako yokukuhuka pampo. 21Ame ngani ninka vamwe va kare vapristeli noVarevhi.
22“Moomu tupu ngali kerera po evhu lyepe neguru lyepe kononkondo dange, noruvharo rweni nedina lyeni yimo ngali kererera po ngorooro. 23Pwankenye sipito sokwedi kokupe nankenye Esabata, vantu vankenye muhoko ngava wiza va ya tongamenene nge omu moJerusarema,” yimo ana kutanta Hompa. 24“Ano mokutunda mo kwawo, ngava mona yimpu yava ava vyuka nge. Maginyo aga aga va li narumwe si ngaga fa, ano mundiro gokuvahwika narumwe si ngagu dima. Yimoneka yawo ngayi kara yihuna kovantu navenye.”
Currently Selected:
JESAYA 66: KWN
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
JESAYA 66
66
Hompa ta pangura nomuhoko
1 Hompa ta tanta asi: “Eguru yiso sipundi sange souhompa, ano evhu yilyo ulyatero wonompadi dange. Nzugo zokufana ngapi ezi ngomu tungira nge, ndi evega lyokufana ngapi lyokukara ame? 2Nyamwange nyame na sita nayinye! Ame kwa hafera ava ava linunupike tava litezurura, ava ava tjira nge oku tava limburukwa nge.
3“Vantu kuhafera eyi ava rugana. Nayinye yiyo tupu, o dipage ntwedu ndi to zamba muntu; o zambe zwigona ndi to teza nsingo zombwa; o gave zonondya ndi to zamba honde zosinguru; o zambe manganganga gokututumikida ndi to kanderere karunga goyipempa. Awo kwa lihorowera nonzira davene, ano nomutjima dawo kwa hafera yihuna yawo. 4Ano name ngani va retera simpagwa — yininke yeeyi va tjira — morwa asi nagumwe si a limburura, nsene tani zigida ndi asi a purakene nsene tani uyunga. Awo kwa horowora po yokudira kulimburukwa nge neyi yokurugana udona.”
5Purakeneni eyi ana kutanta Hompa, one ava omu mu tjira, tomu limburukwa: “Morwa one kulimburukwa nge, vakweneni vamwe yiyo va mu nyengera, kapi ngava mu pakera mbili. Ngava mu swaura, tava tanta asi: ‘Hompa a likide unene wendi a mu parure, nkumwe ngatu mu mone tomu hafa.’ Nye nani nye vene ngava swauka! 6Purakeneni! Olyo ezogerero lyenene mositata, ezwi olyo montembeli, ezwi lyaHompa ogu ana kufutisa nonkore dendi!
7“Sitata sange sokupongoka kwa lifana nomukadi gokuhampuruka munona hararasi, ga hana kuzegama ndi asi ezimo lyendi li kore. 8Pweli nye ogu ga yi zuvha rumwe eyi ndi? Poguli muhoko ogu va hampuruka mezuva limwe ndi? Siyoni kapi nga hepa hena, ago muhoko va hana kuguhampuruka. 9Mwa ha gazara asi ame ngani reta vantu vange pepi nehampuruko, nye ni dire kuninka va va hampuruke.” Yimo ana kutanta Hompa.
10Hafeni kumwe naJerusarema;
mu hafereni,
namuvenye ava mwa hara sitata esi!
Ntaantani hafeni kumwe nendi,
namuvenye ava ngomu mu lilire!
11One ngomu hafera erago lyendi,
ngwendi munona komavere gozina.
12 Hompa kuna kutanta asi: “Ame ngani mu retera erago lyanarunye; ugawo wonomuhoko ngau pupira kweni ngwendi mukuro gwa hana kupwira. Ngomu fana munona ogu ava rere ozina, tava mu hukata, tava mu tekura neharo. 13Ame ngani mu hengagwida moJerusarema, moomu a hengagwida zina munwendi. 14Apa ngomu yi mona tayi horoka eyi, ngomu hafa; ayo ngayi mu nkondopeka, tayi mu pe ukangure. Opo yipo nye ngomu divira asi, ame Hompa, kukwafa ava va limburukwa nge, nye nonkore dange tani di handukire.”
15 Hompa nga wiza nomundiro, nga ronda pomavava gakakunguru a futise ava ga handukira. 16Vantu navenye womouzuni ava nga mona unzoni nga va futisisa komundiro nokorufuro — ano sinzi sawo ngava fa.
17 Hompa ta tanta asi: “Ehagero pepi lyava ava likuhwilire vene ukereli wosipagani, tava gogomokere koyikunino yokupongoka, yiyo ava li yinguru nonompuku nonondya peke doyihuna. 18Ame na diva yigazo yawo noyirugana yawo. Ngani pongaika vantu wonomuhoko nadinye. Apa nye ngava ponga, yipo nye ngava mona eyi adi vhuru kurugana nonkondo dange, 19makura ngava dive asi nyame nina kuvafutisa.
“Nye ngani hupisa po vamwe, tani va tumu konomuhoko nokoyirongo yaure eyi ya dira kuzuvha rumwe efumano lyange ndi kumona unene nononkondo dange; koSipaniya naLibiya naLidiya novaponyi vaso wovanene, noTubali naGereka. Mokatji konomuhoko edi yimo ngava sanseka unene wange. 20Awo ngava tengwida vakweneni va tunde monomuhoko ngava kare uhwi wange. Ngava va reta kondundu zange zokupongoka moJerusarema pononkambe nononsino nonongameru nomoturukara toyita nomomatemba, moomu tupu ava reta Vaisraeli nonzambo donondya kontembeli moyipako yokukuhuka pampo. 21Ame ngani ninka vamwe va kare vapristeli noVarevhi.
22“Moomu tupu ngali kerera po evhu lyepe neguru lyepe kononkondo dange, noruvharo rweni nedina lyeni yimo ngali kererera po ngorooro. 23Pwankenye sipito sokwedi kokupe nankenye Esabata, vantu vankenye muhoko ngava wiza va ya tongamenene nge omu moJerusarema,” yimo ana kutanta Hompa. 24“Ano mokutunda mo kwawo, ngava mona yimpu yava ava vyuka nge. Maginyo aga aga va li narumwe si ngaga fa, ano mundiro gokuvahwika narumwe si ngagu dima. Yimoneka yawo ngayi kara yihuna kovantu navenye.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003