JESAYA 65
65
Karunga ta handukire wositjani
1 Hompa ta tanta asi: “Ame nina liwapaike kulimburura makanderero gombunga zange, nye awo nokukanderera si. Ame nina liwapaike kugwana nge, nye awo kapi vana kukambadara. Muhoko kapi guna kukanderera nge, nampili ni liwapaike kuvalimburura: ‘Ame nyame ogu, nina hara kuvakwafa.’ 2Ame nina liwapaike nare kutambura vantu vange, ava va runda mutwe, tava rugana eyi ya dira kuzira mo, tava kwama nonzira dawo. 3Awo kuhandukisa nge ngorooro va hana kufa nomuga. Awo kuzambera vapagani nonzambo moyipata yokupongoka nokuswakererera manganganga gendumba lyewa koyizambero yovapagani. 4Masiku kuza komakombombo nokonontoko va ka kandererere nompepo dovafe. Awo kulya nyama zoyinguru, tava nu muhoka gonyama ezi vana zambere vapagani. 5Makura tava litantera‐tantere asi: ‘Tu liporeni, yeeyi asi ose vapongoki unene, nokutuguma si!’ Ame kapi ani lididimikire vantu wokurugana ngoso; ehandu lyange lyokuvahandukira ngwendi mundiro ogu agu dili kudima nampili nakauke.
6“Epanguro lyawo nare nina liliwapaikire. Unzoni wawo va u tjanga nare. Ame kapi ngani tarerera eyi va rugana, nye ngani va tengwida kuwoko, 7morwanonzo dawo nedi dozinyakurwawo. Awo kuswakererera manganganga gedumba lyewa kondundu zokupongoka zovapagani, yiyo ava uyunga nge momudona. Ame ngani va pangwira, morwayirugana yawo yanare.”
8 Hompa ta tanta asi: “Nagumwe si ogu nga haraganesa po mandjembere gomawa, aga ava dungu vhinyu. Novantu vange, kapi ngani va haraganesa po — ame ngani parura ava ava ruganene nge. 9Vaisraeli ava va hamena kezimo lyaJuda ngani va swera nekoro lyawo, yiwo ngava gwana sirongo sange sokonondundu. Vantu vange ava na horowora, yiwo ngava tunga mo. 10Awo ngava kerera nge, tava twara nonzwi dawo noyimuna yawo komaliro gemEdamenena lyaSarona korwaUtokero nokoMuramba goUdigu korwaUpumezuva.
11“Nye ngayi kara mwapeke kweni ava mwa zumba nge, yiyo mwa lihapa Siyoni, ndundu zange zokupongoka, makura yiyo omu kanderere Gada naMeni, vakarunga verago nononkondo. 12Sigwana seni sokufira mondjorongani, yeeyi one kapi mwa limburura apa na mu zigidire, ndi mu purakene apa na mu uyungilire. One kuna lihorowere po kudira kulimburukwa nge nokurugana udona. 13Nye ame kuna kumutantera asi, ava ava kerere nge, tava limburukwa nge ngava kara neyi yoyinzi yokulya nokunwa. Nye one ngomu fa nzara nenota. Awo ngava hafa, nye one ngomu swauka. 14Awo ngava dimba morwaehafo, nye one ngomu kuga nonomutjima dina dombo. 15Vantu vange ava na horowora, yiwo ngava ruganesa edina lyeni ngefingiliro. Ame Hompa, Mupangeli, ngani mu dipaga. Nye ava ava limburukwa nge, ngani va ruka edina lyepe. 16Nkenye ogu gomosirongo nga hundira etungiko, nga hundire, nga mu tungike Karunga Mulimburukwi. Ano nkenye ogu ana kugana, a gane medina lyaKarunga Mulimburukwi. Makura maudigu ganare ngaga pwa po, tava ga divara.”
Eungo lyepe
17 Hompa ta tanta asi: “Ame tani ungu evhu lyepe neguru lyepe. Yihoroka yanare ngava yi divara nuunu. 18Kareni muna hafa nokulilikida kweyi nina kuuyunga. Jerusarema zompe ezi nina kurugana, ngazi zura ehafo. Vantu vamo ngava hafa.
19“Ame nyaamwange ngani hafa unene, morwaJerusarema novantu vamo. Amo kapi ngamu kara siliro ndi asi va hepe ekwafo. 20Vakeke kapi ngava fa mounona, ano vantu navenye ngava kara ntaka. Ava ngava kara nonomvhura efere, ngava kara ngovadinkantu. Nye ava ngava fa nomvhura ado da hana kusika mo, ngasi kara sidiviso asi nyame nina va handukire. 21-22Vantu ngava litungira mambo omu ngava kara — nagumwe si ogu nga va ruganesa. Awo ngava tapeka moyipata, tava lipanda vhinyu — azo kapi ngava zi nwa vapeke. Vantu vange, ngava kara nomwenyo gomure ngwendi yitji. Awo ngava hafera unene yininke eyi va rugana vene. 23Yirugana eyi ava rugana ngayi ragopa, ano vanona vawo, kapi ngava gwanekera nomaudigu. Ame ngani va tungika kumwe nomakoro gawo yiruwo nayinye eyi ngayi kwama ko. 24Awo simpe kuna kukanderera nge, ame nare na limburura makanderero gawo. 25Mambungu nononzwigona, kumwe ngayi lya. Vanyime ngava lya rwenge moomu ayi ru li yimuna. Ano mazoka kapi ngaga kara gosimpagwa. Kondundu zange zokupongoka Siyoni, kapi ngaku kara yokukoresa ndi udona.”
Currently Selected:
JESAYA 65: KWN
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
JESAYA 65
65
Karunga ta handukire wositjani
1 Hompa ta tanta asi: “Ame nina liwapaike kulimburura makanderero gombunga zange, nye awo nokukanderera si. Ame nina liwapaike kugwana nge, nye awo kapi vana kukambadara. Muhoko kapi guna kukanderera nge, nampili ni liwapaike kuvalimburura: ‘Ame nyame ogu, nina hara kuvakwafa.’ 2Ame nina liwapaike nare kutambura vantu vange, ava va runda mutwe, tava rugana eyi ya dira kuzira mo, tava kwama nonzira dawo. 3Awo kuhandukisa nge ngorooro va hana kufa nomuga. Awo kuzambera vapagani nonzambo moyipata yokupongoka nokuswakererera manganganga gendumba lyewa koyizambero yovapagani. 4Masiku kuza komakombombo nokonontoko va ka kandererere nompepo dovafe. Awo kulya nyama zoyinguru, tava nu muhoka gonyama ezi vana zambere vapagani. 5Makura tava litantera‐tantere asi: ‘Tu liporeni, yeeyi asi ose vapongoki unene, nokutuguma si!’ Ame kapi ani lididimikire vantu wokurugana ngoso; ehandu lyange lyokuvahandukira ngwendi mundiro ogu agu dili kudima nampili nakauke.
6“Epanguro lyawo nare nina liliwapaikire. Unzoni wawo va u tjanga nare. Ame kapi ngani tarerera eyi va rugana, nye ngani va tengwida kuwoko, 7morwanonzo dawo nedi dozinyakurwawo. Awo kuswakererera manganganga gedumba lyewa kondundu zokupongoka zovapagani, yiyo ava uyunga nge momudona. Ame ngani va pangwira, morwayirugana yawo yanare.”
8 Hompa ta tanta asi: “Nagumwe si ogu nga haraganesa po mandjembere gomawa, aga ava dungu vhinyu. Novantu vange, kapi ngani va haraganesa po — ame ngani parura ava ava ruganene nge. 9Vaisraeli ava va hamena kezimo lyaJuda ngani va swera nekoro lyawo, yiwo ngava gwana sirongo sange sokonondundu. Vantu vange ava na horowora, yiwo ngava tunga mo. 10Awo ngava kerera nge, tava twara nonzwi dawo noyimuna yawo komaliro gemEdamenena lyaSarona korwaUtokero nokoMuramba goUdigu korwaUpumezuva.
11“Nye ngayi kara mwapeke kweni ava mwa zumba nge, yiyo mwa lihapa Siyoni, ndundu zange zokupongoka, makura yiyo omu kanderere Gada naMeni, vakarunga verago nononkondo. 12Sigwana seni sokufira mondjorongani, yeeyi one kapi mwa limburura apa na mu zigidire, ndi mu purakene apa na mu uyungilire. One kuna lihorowere po kudira kulimburukwa nge nokurugana udona. 13Nye ame kuna kumutantera asi, ava ava kerere nge, tava limburukwa nge ngava kara neyi yoyinzi yokulya nokunwa. Nye one ngomu fa nzara nenota. Awo ngava hafa, nye one ngomu swauka. 14Awo ngava dimba morwaehafo, nye one ngomu kuga nonomutjima dina dombo. 15Vantu vange ava na horowora, yiwo ngava ruganesa edina lyeni ngefingiliro. Ame Hompa, Mupangeli, ngani mu dipaga. Nye ava ava limburukwa nge, ngani va ruka edina lyepe. 16Nkenye ogu gomosirongo nga hundira etungiko, nga hundire, nga mu tungike Karunga Mulimburukwi. Ano nkenye ogu ana kugana, a gane medina lyaKarunga Mulimburukwi. Makura maudigu ganare ngaga pwa po, tava ga divara.”
Eungo lyepe
17 Hompa ta tanta asi: “Ame tani ungu evhu lyepe neguru lyepe. Yihoroka yanare ngava yi divara nuunu. 18Kareni muna hafa nokulilikida kweyi nina kuuyunga. Jerusarema zompe ezi nina kurugana, ngazi zura ehafo. Vantu vamo ngava hafa.
19“Ame nyaamwange ngani hafa unene, morwaJerusarema novantu vamo. Amo kapi ngamu kara siliro ndi asi va hepe ekwafo. 20Vakeke kapi ngava fa mounona, ano vantu navenye ngava kara ntaka. Ava ngava kara nonomvhura efere, ngava kara ngovadinkantu. Nye ava ngava fa nomvhura ado da hana kusika mo, ngasi kara sidiviso asi nyame nina va handukire. 21-22Vantu ngava litungira mambo omu ngava kara — nagumwe si ogu nga va ruganesa. Awo ngava tapeka moyipata, tava lipanda vhinyu — azo kapi ngava zi nwa vapeke. Vantu vange, ngava kara nomwenyo gomure ngwendi yitji. Awo ngava hafera unene yininke eyi va rugana vene. 23Yirugana eyi ava rugana ngayi ragopa, ano vanona vawo, kapi ngava gwanekera nomaudigu. Ame ngani va tungika kumwe nomakoro gawo yiruwo nayinye eyi ngayi kwama ko. 24Awo simpe kuna kukanderera nge, ame nare na limburura makanderero gawo. 25Mambungu nononzwigona, kumwe ngayi lya. Vanyime ngava lya rwenge moomu ayi ru li yimuna. Ano mazoka kapi ngaga kara gosimpagwa. Kondundu zange zokupongoka Siyoni, kapi ngaku kara yokukoresa ndi udona.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003