JESAYA 63
63
Hompa ta fundu nomuhoko
1“Yilye ogu ana kutunda mositata saBosira mosirongo saEdomu? Yilye ogu ana lindjambeke moyikoverero yoyigeha yoyiwa, ana kutulyauka nononkondo?
“Age yige Hompa gononkondo dokuparura, ana kuwiza ya divise efundo lyendi.
2“Yinke ana dwarere mudwaro gomugeha ngesi, ngwendi muntu ogu a lyatanga mandjembere mokurugana vhinyu?”
3 Hompa ta limburura asi: “Ame nyame na lyatanga nomuhoko ngwendi mandjembere, nye nagumwe si ga wiza a ya kwafe nge. Ame kwa di lyatanga nina u pi. Ano honde zawo kwa nyateka mudwaro gwange nagunye. 4Ame kuna tokora asi ruveze rokuparura vantu vange, runa siki mo nye. Ruveze rokuhandukira nonkore dawo naro runa siki mo. 5Ame kwa tetura nge, eyi kapi na mona nampili gumwe gokukwafa nge. Nye ehandu lyange lina nkondopeke nge, makura yiyo nina fundu mwanyamwange. 6Ame kuna lyatanga nokusambanga nomuhoko nadinye, ame kuna handuka. Honde zawo kuna zi powomwene pevhu.”
Uwa waHompa kwaIsraeli
7Ame na hara kudivisa eharo
lyaHompa lyokukarerera;
tani mu hambererere nayinye
eyi ga tu ruganena.
Age kwa swera unene Israeli,
morwaufenkenda wendi neharo
lyendi lyokukarerera.
8 Hompa ta tanta asi: “Awo vantu vange, kapi ava kumbagere nge.” Age kwa va parura, 9komahepeko gawo nagenye. Kapisi muengeli ga va parura, nye Hompa mwene. Age kwa va yoworora, morwaeharo lyendi noufenkenda wendi. Age kwa va fira sinka nokwanare, 10nye awo tava mu rwisa, va mu zuvhise ruhodi rorunene. Karunga makura yiyo ga kara nkore zawo, a va rwise.
11Awo tava diworoka mazuva ganare goruveze rwaMosesa mukereli gwaHompa, makura tava pura asi: “Hompa ntaantani kupi ko ana kara, ogu ga parwire vagendesi wombunga zendi mefuta? Hompa kupi ko ana kara ogu ga geve mpepo zendi kwaMosesa? 12-13Hompa kupi ko ana kara ogu ga ruganesa Mosesa yininke yoyinene nononkondo dendi, mokutepana mema gefuta, makura ta ninki vantu vendi va vindakane petondo lyomema, yiyo ga liruganena efumano lyanarunye?”
Hompa kwa va gendesere awo nompadi‐mpadi, ngwendi nonkambe donombarafu, nye kapi va remanene nampili nakauke. 14Moomu ava twara yimuna komuramba gomuwa, yimo ngorooro hena a gava Hompa epwizumuko kovantu vendi. Age kugendesa vantu vendi, ta fumadekesa edina lyendi.
Ekanderero lyoufenkenda nekwafo
15-16 Hompa, tu tara eho meguru lyoge omu wa kara moupongoki woge nefumano. Uradi woge kwetu kupi ko una kara? Nonkondo doge kupi ko dina kara? Eharo lyoge noufenkenda woge kupi ko una kara? Wa ha tu lihapa. Ove nyove Guhwyetu. Ozinyakurwetu oAbirahamu naJakopo kapi va tu diva, nye ove, Hompa, nyove guhyetu ogu o tu parura narunye. 17Yinke ono tu tarerere tu tunde mononzira doge? Yinke ono tu ninkire, tu runde nomutwe tu tunde poge? Tengura, morwa vantu ava ava ku ruganene, yiyo va kara narunye woge.
18Ose vantu woge wokupongoka, kwa tu tjida‐tjida posiruwo simwe nonkore detu. Awo va lyatanga upongoki woge. 19Ove kuna kuturugana ngwendi gogu wa dira kukara rumwe mupangeli gwetu, ngwendi ose kapi twa kere vantu woge.
Currently Selected:
JESAYA 63: KWN
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
JESAYA 63
63
Hompa ta fundu nomuhoko
1“Yilye ogu ana kutunda mositata saBosira mosirongo saEdomu? Yilye ogu ana lindjambeke moyikoverero yoyigeha yoyiwa, ana kutulyauka nononkondo?
“Age yige Hompa gononkondo dokuparura, ana kuwiza ya divise efundo lyendi.
2“Yinke ana dwarere mudwaro gomugeha ngesi, ngwendi muntu ogu a lyatanga mandjembere mokurugana vhinyu?”
3 Hompa ta limburura asi: “Ame nyame na lyatanga nomuhoko ngwendi mandjembere, nye nagumwe si ga wiza a ya kwafe nge. Ame kwa di lyatanga nina u pi. Ano honde zawo kwa nyateka mudwaro gwange nagunye. 4Ame kuna tokora asi ruveze rokuparura vantu vange, runa siki mo nye. Ruveze rokuhandukira nonkore dawo naro runa siki mo. 5Ame kwa tetura nge, eyi kapi na mona nampili gumwe gokukwafa nge. Nye ehandu lyange lina nkondopeke nge, makura yiyo nina fundu mwanyamwange. 6Ame kuna lyatanga nokusambanga nomuhoko nadinye, ame kuna handuka. Honde zawo kuna zi powomwene pevhu.”
Uwa waHompa kwaIsraeli
7Ame na hara kudivisa eharo
lyaHompa lyokukarerera;
tani mu hambererere nayinye
eyi ga tu ruganena.
Age kwa swera unene Israeli,
morwaufenkenda wendi neharo
lyendi lyokukarerera.
8 Hompa ta tanta asi: “Awo vantu vange, kapi ava kumbagere nge.” Age kwa va parura, 9komahepeko gawo nagenye. Kapisi muengeli ga va parura, nye Hompa mwene. Age kwa va yoworora, morwaeharo lyendi noufenkenda wendi. Age kwa va fira sinka nokwanare, 10nye awo tava mu rwisa, va mu zuvhise ruhodi rorunene. Karunga makura yiyo ga kara nkore zawo, a va rwise.
11Awo tava diworoka mazuva ganare goruveze rwaMosesa mukereli gwaHompa, makura tava pura asi: “Hompa ntaantani kupi ko ana kara, ogu ga parwire vagendesi wombunga zendi mefuta? Hompa kupi ko ana kara ogu ga geve mpepo zendi kwaMosesa? 12-13Hompa kupi ko ana kara ogu ga ruganesa Mosesa yininke yoyinene nononkondo dendi, mokutepana mema gefuta, makura ta ninki vantu vendi va vindakane petondo lyomema, yiyo ga liruganena efumano lyanarunye?”
Hompa kwa va gendesere awo nompadi‐mpadi, ngwendi nonkambe donombarafu, nye kapi va remanene nampili nakauke. 14Moomu ava twara yimuna komuramba gomuwa, yimo ngorooro hena a gava Hompa epwizumuko kovantu vendi. Age kugendesa vantu vendi, ta fumadekesa edina lyendi.
Ekanderero lyoufenkenda nekwafo
15-16 Hompa, tu tara eho meguru lyoge omu wa kara moupongoki woge nefumano. Uradi woge kwetu kupi ko una kara? Nonkondo doge kupi ko dina kara? Eharo lyoge noufenkenda woge kupi ko una kara? Wa ha tu lihapa. Ove nyove Guhwyetu. Ozinyakurwetu oAbirahamu naJakopo kapi va tu diva, nye ove, Hompa, nyove guhyetu ogu o tu parura narunye. 17Yinke ono tu tarerere tu tunde mononzira doge? Yinke ono tu ninkire, tu runde nomutwe tu tunde poge? Tengura, morwa vantu ava ava ku ruganene, yiyo va kara narunye woge.
18Ose vantu woge wokupongoka, kwa tu tjida‐tjida posiruwo simwe nonkore detu. Awo va lyatanga upongoki woge. 19Ove kuna kuturugana ngwendi gogu wa dira kukara rumwe mupangeli gwetu, ngwendi ose kapi twa kere vantu woge.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003