JESAYA 62
62
1Ame ngani uyunga ngorooro
ni korangede Jerusarema;
kapi ngani mwena dogoro noku
nga paruka,
efundo lyendi ngali tema
ngwendi tose masiku.
2Jerusarema, nomuhoko
ngadi ku mona ono fundu!
Ohompa vado navenye
ngava mona efumano lyoge.
Ove ngava ku tumbura edina lyepe,
Edina eli ga ku ruka Hompa mwene.
3Ove ngo kara ngwendi nkata
zongwa zaHompa.
4Kapi ngava ku tumbura hena asi “Muzumbwa,”
Ndi sirongo soge va si tumbure
asi “Mukadi ogu va zumba.”
Edina lyoge lyepe ngali kara asi:
“Karunga kwa mu hara.”
Sirongo soge ngava si tumbura
asi “Nonkwara derago.”
MorwaHompa ga ku hafera.
Ano age nga kara ngwendi yige
mugara gosirongo soge.
5Moomu a kwara mumati mukadona,
nogu ga ku unga nage yimo
nga ku kwara.
Moomu tupu a hafere mukwali
mufuko gwendi,
naKarunga goge nage yimo
nga ku hafera.
6Jerusarema, komakuma goge,
vakwayita na tura ko,
awo kapi ngava mwena
masiku nomutenya.
Awo yiwo kudiworokesa Hompa
matumbwidiro gendi
kapi ngava mu siga a divare.
7Awo kapi ngava mu siga asi
a pwizumuke dogoro kooku ana
kutungurura Jerusarema
a si ninke sitata sokufumadeka
uzuni naunye.
8 Hompa kwa tumbwidira
etumbwidiro lyanarunye,
age nga li sikisa mo nononkondo
dendi asi:
“Mahangu geni, kapi ngaga kara
hena nondya dononkore deni,
ano vanayirongo nawo
kapi ngava nwa vhinyu zeni.
9Nye one ava muna kukuna
tomu teza mahungu,
ngomu lya mboroto
tomu pandura Hompa.
None ava muna kupungura
tomu pongaike mandjembere,
ngomu ka nwina vhinyu
monomukara dontembeli zange.”
10Vantu one womoJerusarema,
pwageni mo mositata,
mu tungire vantu ava
ngava tengura nzira!
Wapaikeni nkungwasirongo;
kombeni mo mamanya!
Tureni mo sidiviso nomuhoko
di vhure kudiva
11Asi Hompa kuna divisa kovantu
navenye vepevhu asi:
“Tantera vantu womoJerusarema
asi Hompa ta wiza a ya mu parure.
Age nga pitura mbunga
ezi ga yoworora.”
12One ngava ka mu tumbura asi:
“Mbunga zaKarunga
za pongoka,”
“Mbunga ezi ga parura Hompa.”
Jerusarema ngava si tumbura asi:
“Sitata esi ga hara Karunga.”
“Sitata esi ga dira kuzumba Karunga.”
Currently Selected:
JESAYA 62: KWN
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
JESAYA 62
62
1Ame ngani uyunga ngorooro
ni korangede Jerusarema;
kapi ngani mwena dogoro noku
nga paruka,
efundo lyendi ngali tema
ngwendi tose masiku.
2Jerusarema, nomuhoko
ngadi ku mona ono fundu!
Ohompa vado navenye
ngava mona efumano lyoge.
Ove ngava ku tumbura edina lyepe,
Edina eli ga ku ruka Hompa mwene.
3Ove ngo kara ngwendi nkata
zongwa zaHompa.
4Kapi ngava ku tumbura hena asi “Muzumbwa,”
Ndi sirongo soge va si tumbure
asi “Mukadi ogu va zumba.”
Edina lyoge lyepe ngali kara asi:
“Karunga kwa mu hara.”
Sirongo soge ngava si tumbura
asi “Nonkwara derago.”
MorwaHompa ga ku hafera.
Ano age nga kara ngwendi yige
mugara gosirongo soge.
5Moomu a kwara mumati mukadona,
nogu ga ku unga nage yimo
nga ku kwara.
Moomu tupu a hafere mukwali
mufuko gwendi,
naKarunga goge nage yimo
nga ku hafera.
6Jerusarema, komakuma goge,
vakwayita na tura ko,
awo kapi ngava mwena
masiku nomutenya.
Awo yiwo kudiworokesa Hompa
matumbwidiro gendi
kapi ngava mu siga a divare.
7Awo kapi ngava mu siga asi
a pwizumuke dogoro kooku ana
kutungurura Jerusarema
a si ninke sitata sokufumadeka
uzuni naunye.
8 Hompa kwa tumbwidira
etumbwidiro lyanarunye,
age nga li sikisa mo nononkondo
dendi asi:
“Mahangu geni, kapi ngaga kara
hena nondya dononkore deni,
ano vanayirongo nawo
kapi ngava nwa vhinyu zeni.
9Nye one ava muna kukuna
tomu teza mahungu,
ngomu lya mboroto
tomu pandura Hompa.
None ava muna kupungura
tomu pongaike mandjembere,
ngomu ka nwina vhinyu
monomukara dontembeli zange.”
10Vantu one womoJerusarema,
pwageni mo mositata,
mu tungire vantu ava
ngava tengura nzira!
Wapaikeni nkungwasirongo;
kombeni mo mamanya!
Tureni mo sidiviso nomuhoko
di vhure kudiva
11Asi Hompa kuna divisa kovantu
navenye vepevhu asi:
“Tantera vantu womoJerusarema
asi Hompa ta wiza a ya mu parure.
Age nga pitura mbunga
ezi ga yoworora.”
12One ngava ka mu tumbura asi:
“Mbunga zaKarunga
za pongoka,”
“Mbunga ezi ga parura Hompa.”
Jerusarema ngava si tumbura asi:
“Sitata esi ga hara Karunga.”
“Sitata esi ga dira kuzumba Karunga.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003