JESAYA 55
55
Efironkenda lyaKarunga
1 Hompa ta tanta asi:
“Ani komu wiza namuvenye
ava muna fu enota — mema gaga!
Nogu ana pili yimaliva a wize,
a ya rande rukokotwa a ya lye.
Nhi, wiza yo rande vhinyu nomasini —
ayo kapi to yi randa yuma!
2Eyi muna kuhepekera kuranda
yimaliva yeni eyi ayi dili
kumukutika nani yinke?
Neyi omu randere azo nzara
haza mu kerera nani yinke?
Purakeneni nawa kwange, one
mu sikise mo eyi nina kumutantera,
makura ngomu djobwane
nondya nadinye donongwa.
3Ano nye ntaantani, purakeneni
nge mu wize kwange;
wizeni kwange, nomwenyo deni
ntani ngadi paruka!
Ame kuna hara ni likwate none
egwanekero lyanarunye,
ni mu pe matumbwidiro aga
na tumbwidilire Ndafita.
4Ame kwa mu tura po
a kare mupangeli nomugendesi
gonomuhoko, ngani likide
nonkondo dange mwendi.
5Ove ngo zigida nomuhoko edi
wa dira kudiva;
nare kapi da ku divire;
nye apa ngadi ku dukira
di ya lipakerere noge!
Ame Hompa Karunga goge,
Karunga gokupongoka gwaIsraeli,
nyame ngani yi ninka
yi horeke eyi;
ame ngani ku pa efumano neyererepo.”
6Papareni Hompa paapa
ana kumoneka,
mu zigideni paapa ana kara popepi.
7Mudinikarunga a sige nonzira dendi,
ano mudona a sige magazaro gendi.
Va litezwilire kwaHompa
Karunga gwetu;
age mufenkenda kapi a
likata‐kata kudongwenena po.
8“Yeeyi magazaro gange
kapisi yigo geni,
di kare nonzira dange
kapisi yido deni,
yimo ana kutanta Hompa.
9Moomu lya likara eguru ure nevhu,
nononzira dange nomagazaro gange
yimo ga likara ure naga geni.
10“Moomu azi tundu mvhura
nondau keguru
azo kapi azi tengwire ko,
nye tazi duvaresa evhu,
zi menese oku tazi hokesa,
makura tazi gava mbuto komukuni
nomboroto komuli gwazo.
11Nonkango dange edi adi tundu
mokana kange yimo ngadi kara:
kapi ngadi tengwira kwange mawoko‐woko,
nye ngadi rugana eyi na di harera,
ado ngadi ragopa nakunye
oku ngani di tuma.
12“MoBabironi ngomu tunda mo noruhafo;
ngava mu pitisira nombili.
Nondundu noyindundu
ngayi dimba komeho zeni,
ano yitji yomowiza
ngayi kwata nonkusi.
13Positji somega ngapa mena musiperesi;
ano pononhonho ngapa mena yitji yomirete.
Eyi ngayi fumbura edina lyaHompa,
ngasi kara sidiviso sanarunye
esi ngava dira kudongonona.”
Currently Selected:
JESAYA 55: KWN
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
JESAYA 55
55
Efironkenda lyaKarunga
1 Hompa ta tanta asi:
“Ani komu wiza namuvenye
ava muna fu enota — mema gaga!
Nogu ana pili yimaliva a wize,
a ya rande rukokotwa a ya lye.
Nhi, wiza yo rande vhinyu nomasini —
ayo kapi to yi randa yuma!
2Eyi muna kuhepekera kuranda
yimaliva yeni eyi ayi dili
kumukutika nani yinke?
Neyi omu randere azo nzara
haza mu kerera nani yinke?
Purakeneni nawa kwange, one
mu sikise mo eyi nina kumutantera,
makura ngomu djobwane
nondya nadinye donongwa.
3Ano nye ntaantani, purakeneni
nge mu wize kwange;
wizeni kwange, nomwenyo deni
ntani ngadi paruka!
Ame kuna hara ni likwate none
egwanekero lyanarunye,
ni mu pe matumbwidiro aga
na tumbwidilire Ndafita.
4Ame kwa mu tura po
a kare mupangeli nomugendesi
gonomuhoko, ngani likide
nonkondo dange mwendi.
5Ove ngo zigida nomuhoko edi
wa dira kudiva;
nare kapi da ku divire;
nye apa ngadi ku dukira
di ya lipakerere noge!
Ame Hompa Karunga goge,
Karunga gokupongoka gwaIsraeli,
nyame ngani yi ninka
yi horeke eyi;
ame ngani ku pa efumano neyererepo.”
6Papareni Hompa paapa
ana kumoneka,
mu zigideni paapa ana kara popepi.
7Mudinikarunga a sige nonzira dendi,
ano mudona a sige magazaro gendi.
Va litezwilire kwaHompa
Karunga gwetu;
age mufenkenda kapi a
likata‐kata kudongwenena po.
8“Yeeyi magazaro gange
kapisi yigo geni,
di kare nonzira dange
kapisi yido deni,
yimo ana kutanta Hompa.
9Moomu lya likara eguru ure nevhu,
nononzira dange nomagazaro gange
yimo ga likara ure naga geni.
10“Moomu azi tundu mvhura
nondau keguru
azo kapi azi tengwire ko,
nye tazi duvaresa evhu,
zi menese oku tazi hokesa,
makura tazi gava mbuto komukuni
nomboroto komuli gwazo.
11Nonkango dange edi adi tundu
mokana kange yimo ngadi kara:
kapi ngadi tengwira kwange mawoko‐woko,
nye ngadi rugana eyi na di harera,
ado ngadi ragopa nakunye
oku ngani di tuma.
12“MoBabironi ngomu tunda mo noruhafo;
ngava mu pitisira nombili.
Nondundu noyindundu
ngayi dimba komeho zeni,
ano yitji yomowiza
ngayi kwata nonkusi.
13Positji somega ngapa mena musiperesi;
ano pononhonho ngapa mena yitji yomirete.
Eyi ngayi fumbura edina lyaHompa,
ngasi kara sidiviso sanarunye
esi ngava dira kudongonona.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003