JESAYA 54
54
Eharo lyaHompa kwaIsraeli
1Jerusarema, ove kwa fene
ngwendi nganze, pwantaantani
dimba oku to zigire morwehafo.
Apa ngesi to kara novana
wovanzi kupitakana womukadi
gomugara ogu ga ha vheguka!
2Goworora tenta ezi wa kara;
repesa nongodi dazo o koreke
nontungo dazo!
3Ngo goworora nomururani
konombinga nadinye;
vantu woge ngava gwana hena sirongo
esi da kwata nomuhoko peke.
4Wa ha tjira — ove
kapi ngava ku fisa hena nomuga,
kapi ngava ku swaura.
Ove ngo divara kudira
kulimburukwa koge ngwendi
mukadona, noulike woge
ngwendi mufisayendi.
5Musiti goge nga kara
ngwendi mugara goge —
edina lyendi Hompa Munankondo.
Karunga mupongoki gwaIsraeli
yige nga ku parura —
age yige mupangeli gouzuni naunye.
6Israeli, ove kwa fana
ngwendi mukadi gomudinkantu
ogu ana livaka pwayendi,
yiyo ana kara noruhodi rorunene.
Nye Hompa ta mu zigida, a
tengwire kwendi ta mu tantere asi:
7“Ame kwa ku siga tupu karuwogona,
Ame ngani ku tengwida neharo lyewa.
8Ehandu ngali litura tupu mokaruwogona,
nye eharo lyange
ngani li ku likida narunye.”
Hompa muparuli goge
yimo ana kutanta.
9“Posiruwo saNowa
ame kwa pingida asi,
kapi hena ngani hanzesa
ruhanzo pevhu.
Ano nye ntaantani ngesi
kuna kutumbwidira asi
ame kapi ngani ku handukira
hena nampili nakauke,
ndi asi ni ku handukire
ni ku tangwise.
10Nondundu noyindundu kuvhura
yi linyungange,
nye eharo lyange lyokukuhara
kapi ngali haga.
Etumbwidiro lyange lyombili
ngani li dameka ngorooro.”
Hompa ogu ga ku hara,
yimo ana kutanta.
Ukaro waJerusarema wokomeho
11 Hompa ta tanta asi:
“Jerusarema, sitata ove soruhepo
sa hana sirugana, ogu wa pira
ogu a ku hengagwida,
ame ngani tungurura matateko
goge nomamanya gondiro.
12Maruhungu goge nago
ngani ga tungwilisa nomamanya
gomageha gondiro.
Ano marungavero goge
nomamanya ngwendi mundiro
nekuma lyoge ngani li
kundurukida maurenga.
13“Vantu woge nyamwange
ngani va ronga,
tani va ragopeke ni va pe mbili.
14Uhungami nouwa
yiwo ngau ku nkondopeka.
Ove ngo yoworoka komahepeko nokoyihuna.
15Nsene pweli ogu nga ku rwisa,
nga yi rugana mwamwene
kapisi peharo lyange.
Ano ogu nga ku kondjesa,
nga zonauka po.
16“Ame nyame na sita muhambuli
ogu a tweda mundiro
ta hambura yirwiso.
Ame hena nyame na sita mukwayita,
ogu a ruganesa yirwiso a dipage.
17Nye nosirwiso si simwe
esi ngasi ku rwadeka,
ove hena ngo limburura navenye
ava ava ku rundire.
Vakareli vange ngani va gamena
tani va pe efundo.”
Hompa yimo ana kutanta.
Currently Selected:
JESAYA 54: KWN
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
JESAYA 54
54
Eharo lyaHompa kwaIsraeli
1Jerusarema, ove kwa fene
ngwendi nganze, pwantaantani
dimba oku to zigire morwehafo.
Apa ngesi to kara novana
wovanzi kupitakana womukadi
gomugara ogu ga ha vheguka!
2Goworora tenta ezi wa kara;
repesa nongodi dazo o koreke
nontungo dazo!
3Ngo goworora nomururani
konombinga nadinye;
vantu woge ngava gwana hena sirongo
esi da kwata nomuhoko peke.
4Wa ha tjira — ove
kapi ngava ku fisa hena nomuga,
kapi ngava ku swaura.
Ove ngo divara kudira
kulimburukwa koge ngwendi
mukadona, noulike woge
ngwendi mufisayendi.
5Musiti goge nga kara
ngwendi mugara goge —
edina lyendi Hompa Munankondo.
Karunga mupongoki gwaIsraeli
yige nga ku parura —
age yige mupangeli gouzuni naunye.
6Israeli, ove kwa fana
ngwendi mukadi gomudinkantu
ogu ana livaka pwayendi,
yiyo ana kara noruhodi rorunene.
Nye Hompa ta mu zigida, a
tengwire kwendi ta mu tantere asi:
7“Ame kwa ku siga tupu karuwogona,
Ame ngani ku tengwida neharo lyewa.
8Ehandu ngali litura tupu mokaruwogona,
nye eharo lyange
ngani li ku likida narunye.”
Hompa muparuli goge
yimo ana kutanta.
9“Posiruwo saNowa
ame kwa pingida asi,
kapi hena ngani hanzesa
ruhanzo pevhu.
Ano nye ntaantani ngesi
kuna kutumbwidira asi
ame kapi ngani ku handukira
hena nampili nakauke,
ndi asi ni ku handukire
ni ku tangwise.
10Nondundu noyindundu kuvhura
yi linyungange,
nye eharo lyange lyokukuhara
kapi ngali haga.
Etumbwidiro lyange lyombili
ngani li dameka ngorooro.”
Hompa ogu ga ku hara,
yimo ana kutanta.
Ukaro waJerusarema wokomeho
11 Hompa ta tanta asi:
“Jerusarema, sitata ove soruhepo
sa hana sirugana, ogu wa pira
ogu a ku hengagwida,
ame ngani tungurura matateko
goge nomamanya gondiro.
12Maruhungu goge nago
ngani ga tungwilisa nomamanya
gomageha gondiro.
Ano marungavero goge
nomamanya ngwendi mundiro
nekuma lyoge ngani li
kundurukida maurenga.
13“Vantu woge nyamwange
ngani va ronga,
tani va ragopeke ni va pe mbili.
14Uhungami nouwa
yiwo ngau ku nkondopeka.
Ove ngo yoworoka komahepeko nokoyihuna.
15Nsene pweli ogu nga ku rwisa,
nga yi rugana mwamwene
kapisi peharo lyange.
Ano ogu nga ku kondjesa,
nga zonauka po.
16“Ame nyame na sita muhambuli
ogu a tweda mundiro
ta hambura yirwiso.
Ame hena nyame na sita mukwayita,
ogu a ruganesa yirwiso a dipage.
17Nye nosirwiso si simwe
esi ngasi ku rwadeka,
ove hena ngo limburura navenye
ava ava ku rundire.
Vakareli vange ngani va gamena
tani va pe efundo.”
Hompa yimo ana kutanta.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003