JESAYA 52
52
Karunga nga yoworora Jerusarema
1Jerusarema, nkondopa
o nenepe hena!
Sitata ove sokupongoka saKarunga,
lidwareka yidwara yombeyo!
Vapagani kapi hena ngava
hwilira momarungavero goge.
2Likukumuna nyamoge
o manguruke, ove Jerusarema!
Tunda mo mombundu, o hingere
kosipundi soge souhompa!
Liditureni malyenge aga
ga mu manga one
nonkwate dombunga zaSiyoni!
3 Hompa ta tantere mbunga zendi asi: “Apa mwa kara vapika, kapi ava mu futu yimaliva; nepemanguruko lyeni napo kapi ngapa pita yuma. 4Apa mwa zire mu ka kare vanayirongo moEgipite, nyamweni mwa yi here; ano Asiliya kwa mu twere komusininiko, nye ga hana kumufuta yuma. 5Ano moBabironiya namo yiyo yooyo ya horoka mo; one nonkwate, nye nayimwe si ava mu futu. Ava ava mu pangere kulikanganga, tava litumbadeke oku tava swaura nge nkenye apa. 6Komeho oko ngomu ka diva asi ame Karunga nyame na yi mu tantera.”
7Ee, yireru omu ya wapa
yokumona ntumi zina kutavakana
nondundu, zi rete
mbudi zongwa, mbudi
zompora! Age ta zuvhisa
efundo, a tantere Siyoni asi:
“Karunga goge yige Hompa! ”
8Ava ava kungu sitata kuna kuzigira,
tava zigire kumwe morwehafo!
Awo kuna kuyilimonena nomeho
gawo mutengu gwaHompa koSiyoni!
9Yambukeni, mu hamberere
namuvenye kumwe,
one marunda gaJerusarema!
Hompa nga yoworora sitata sendi
oku ta hengagwida mbunga zendi.
10 Hompa nga ruganesa nonkondo
dendi dokupongoka;
age nga parura mbunga zendi,
ano uzuni mudima ngau yi mona.
11Yi diveni asi tomu tundu mo
moBabironiya, namuvenye ava
omu simbi yipako yontembeli!
Mwa ha guma kweyi yokunyata;
likuhureni nyaamweni
mu tunde mo.
12Siruwo esi kapi nomu genderera
kutunda mo;
kapi nomu za ngwendi vava
vana kuduka.
Hompa Karunga gweni yige nga
mu pitisira ta mu popere
konombinga nadinye.
Mukereli goruhepo
13 Hompa ta tanta asi:
“Mukereli gwange nga ragopa
mosirugana sendi;
age ngava mu fumadeka unene.
14Mbunga zange kwa zi pwagere pokumumona;
sinhwi sendi kwa si yipikire
ngwendi kapisi somuntu.
15Ano ntaantani nomuhoko
dononzi kuna kumutetuka,
ano ohompa ngava mwena
pore zawo kositetu.
Ngava mona tava kwata egano
yuma eyi va dira kudiva rumwe.”
Currently Selected:
JESAYA 52: KWN
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
JESAYA 52
52
Karunga nga yoworora Jerusarema
1Jerusarema, nkondopa
o nenepe hena!
Sitata ove sokupongoka saKarunga,
lidwareka yidwara yombeyo!
Vapagani kapi hena ngava
hwilira momarungavero goge.
2Likukumuna nyamoge
o manguruke, ove Jerusarema!
Tunda mo mombundu, o hingere
kosipundi soge souhompa!
Liditureni malyenge aga
ga mu manga one
nonkwate dombunga zaSiyoni!
3 Hompa ta tantere mbunga zendi asi: “Apa mwa kara vapika, kapi ava mu futu yimaliva; nepemanguruko lyeni napo kapi ngapa pita yuma. 4Apa mwa zire mu ka kare vanayirongo moEgipite, nyamweni mwa yi here; ano Asiliya kwa mu twere komusininiko, nye ga hana kumufuta yuma. 5Ano moBabironiya namo yiyo yooyo ya horoka mo; one nonkwate, nye nayimwe si ava mu futu. Ava ava mu pangere kulikanganga, tava litumbadeke oku tava swaura nge nkenye apa. 6Komeho oko ngomu ka diva asi ame Karunga nyame na yi mu tantera.”
7Ee, yireru omu ya wapa
yokumona ntumi zina kutavakana
nondundu, zi rete
mbudi zongwa, mbudi
zompora! Age ta zuvhisa
efundo, a tantere Siyoni asi:
“Karunga goge yige Hompa! ”
8Ava ava kungu sitata kuna kuzigira,
tava zigire kumwe morwehafo!
Awo kuna kuyilimonena nomeho
gawo mutengu gwaHompa koSiyoni!
9Yambukeni, mu hamberere
namuvenye kumwe,
one marunda gaJerusarema!
Hompa nga yoworora sitata sendi
oku ta hengagwida mbunga zendi.
10 Hompa nga ruganesa nonkondo
dendi dokupongoka;
age nga parura mbunga zendi,
ano uzuni mudima ngau yi mona.
11Yi diveni asi tomu tundu mo
moBabironiya, namuvenye ava
omu simbi yipako yontembeli!
Mwa ha guma kweyi yokunyata;
likuhureni nyaamweni
mu tunde mo.
12Siruwo esi kapi nomu genderera
kutunda mo;
kapi nomu za ngwendi vava
vana kuduka.
Hompa Karunga gweni yige nga
mu pitisira ta mu popere
konombinga nadinye.
Mukereli goruhepo
13 Hompa ta tanta asi:
“Mukereli gwange nga ragopa
mosirugana sendi;
age ngava mu fumadeka unene.
14Mbunga zange kwa zi pwagere pokumumona;
sinhwi sendi kwa si yipikire
ngwendi kapisi somuntu.
15Ano ntaantani nomuhoko
dononzi kuna kumutetuka,
ano ohompa ngava mwena
pore zawo kositetu.
Ngava mona tava kwata egano
yuma eyi va dira kudiva rumwe.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003