JESAYA 51
51
Nonkango dehengagwido lyaJerusarema
1 Hompa ta tanta asi:
“Purakeneni kwange, one ava
muna hara va mu parure,
one ava omu wiza kwange, morwakumukwafa.
Gazareni kemanya eli mwa tunda
neketope omu va mu sima.
2Gazareni, zinyakurweni Abirahamu
naSara oku mwa tundilira.
Apa na zigidire Abirahamu,
kapi ga peke muna,
nye ame kwa mu tungikire
tani mu pe vana;
ano ruvharo rwendi
kwa ru vhukisire unene.
3“Ame ngani fira nkenda Jerusarema
nava navenye va tunga
momapuku gendi.
Sirongo sendi nampili si kare mburundu,
ngani si ninka si kare sikunino,
ngwendi sikunino esi na ninkire moEdeni.
Omu ngamu kara ehafo nelilikido
nomarusumo gehamberero
naga gokupandura nge.
4“Purakeneni kwange vantu vange,
purakeneni kweyi nina kuuyunga.
Ame tani gava erongo lyange konomuhoko,
noveta dange ngadi va retera uzera.
5Ame ngani wiza usimbu ni ya va parure,
ruveze rwefundo lyange
pepi runa kara.
Ame nyaamwange ngani pangera nomuhoko.
Yirongo yokoure
kuna kundindira nge
ni ze ko, awo kuna kundindira nge
ni ka va parure.
6Tareni keguru nepevhu!
Eguru ngali dongonoka po
ngwendi musi;
nevhu ngali kurupa
ngwendi sikoverero sosikuru‐kuru,
ano vantu vapo ngava myoka
ngwendi nondi.
Nye eparu eli ngani reta
ngali karerera narunye,
nefundo lyange yilyo ngali hura ko.
7“Purakeneni nge one ava
mwa diva yoyiwa,
ava mwa tura erongo lyange konomutjima.
Walye omu tjira nsene vantu
tava mu dini nokumuswaura,
8awo ngava va komba po
ngwendi moomu ayi li
yimbumburu yikoverero!
Nye eparu lyange eli ngani reta,
ngali kara narunye;
efundo lyange ngali karerera po
yiruwo nayinye.”
9Katuka Hompa, o tu kwafe!
Ruganesa nonkondo doge
o tu parure; di ruganesa
moomu wa yi
rugene nare.
Nyove wa tetere emukasama
lyemefuta Rahaba
to li topagura.
10Nyove hena wa pwilikire efuta,
to rugana nzira momema,
asi ava wa parwire
va vhure kuvindakana.
11Ava wa yoworora ngava sika
koJerusarema noruhafo,
tava dimbi oku tava zigire nehafo,
Awo ngava hafa narunye,
ngava manguruka narunye
keguwo nokoruhodi.
12 Hompa ta tanta asi:
“Ame nyame ani mu nkondopeke.
Yinke nye nomu tjilira muntu
ogu a fu,
a haga po ngwendi wayi?
13Kuna divara nye Hompa
ogu ga mu unga,
ogu ga zanzumuna eguru,
yiyo ga paka po matateko
gevhu ndi?
Yinke nye nomu kerera nkenye apa
nowoma wehandu lyava
ava mu hepeke,
wava vana liwapaikire
kumuhanagura po?
Ehandu lyawo kapi ngali mu
gwana hena.
14Ava vana kara vanadorongo
ntaantani va manguruke;
awo ngava kara nomwenyo
gokupukura pevhu,
ngava gwana nondya nadinye
edi va hepa.
15“Ame nyame Hompa Karunga goge;
ame kukatura efuta, tani ninki
mankumpi galyo ga ndundume.
Edina lyange nyame Hompa
Munankondo nadinye!
16Ame kwa zanzumuna eguru,
yiyo na paka po matateko gevhu;
ame kuna kutantera Jerusarema asi:
‘Ove mbunga zange!
Na ku pa erongo lyange,
yiyo ani ku gamene nokuwoko kwange.’ ”
Ehagero lyoruhepo rwaJerusarema
17Katuka, Jerusarema!
Pinduka nyamoge, o katuke!
Ove kwa nwa nkinda zefutiso ezi
ga ku pa Hompa
mehandu lyendi asi o zi nwe;
wa zi dindurura, makura
yiyo azi ku pundaukisa.
18Kutupu gokukupitisira,
movantu woge mutupu
gokukukwata kokuwoko.
19Mazonauko gavali
ga ku gwana aga:
sirongo soge yita ya si paka mburundu,
ano vantu woge kuna kufa konzara.
Kutupu ogu gokukufira nkenda.
20Vantu woge vana pili nonkondo,
awo kuna rwapama
mwankenye ekovhu lyonzira;
awo kuna fana horongo
zina gwire mekero lyomukongo.
Ehandu lyaKarunga
tali va zuvhisa ko.
21One vantu vaJerusarema woruhepo,
one muna kupundauka
ngwendi vava asi kuna korwa,
22 Hompa Karunga ta mu popere
oku ta tanta asi:
“Tani mu gusa nkinda ezi
na mu pera mehandu lyange,
Kapi ngomu nwa hena vyinyu
ezi azi mu pundaukisa.
23Ame ngani zi pa ava ava mu hepeke,
ava ava mu ninki mu rare mononzira,
makura tava gendi ko ngwendi
vava vana kugenda kohando.”
Currently Selected:
JESAYA 51: KWN
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
JESAYA 51
51
Nonkango dehengagwido lyaJerusarema
1 Hompa ta tanta asi:
“Purakeneni kwange, one ava
muna hara va mu parure,
one ava omu wiza kwange, morwakumukwafa.
Gazareni kemanya eli mwa tunda
neketope omu va mu sima.
2Gazareni, zinyakurweni Abirahamu
naSara oku mwa tundilira.
Apa na zigidire Abirahamu,
kapi ga peke muna,
nye ame kwa mu tungikire
tani mu pe vana;
ano ruvharo rwendi
kwa ru vhukisire unene.
3“Ame ngani fira nkenda Jerusarema
nava navenye va tunga
momapuku gendi.
Sirongo sendi nampili si kare mburundu,
ngani si ninka si kare sikunino,
ngwendi sikunino esi na ninkire moEdeni.
Omu ngamu kara ehafo nelilikido
nomarusumo gehamberero
naga gokupandura nge.
4“Purakeneni kwange vantu vange,
purakeneni kweyi nina kuuyunga.
Ame tani gava erongo lyange konomuhoko,
noveta dange ngadi va retera uzera.
5Ame ngani wiza usimbu ni ya va parure,
ruveze rwefundo lyange
pepi runa kara.
Ame nyaamwange ngani pangera nomuhoko.
Yirongo yokoure
kuna kundindira nge
ni ze ko, awo kuna kundindira nge
ni ka va parure.
6Tareni keguru nepevhu!
Eguru ngali dongonoka po
ngwendi musi;
nevhu ngali kurupa
ngwendi sikoverero sosikuru‐kuru,
ano vantu vapo ngava myoka
ngwendi nondi.
Nye eparu eli ngani reta
ngali karerera narunye,
nefundo lyange yilyo ngali hura ko.
7“Purakeneni nge one ava
mwa diva yoyiwa,
ava mwa tura erongo lyange konomutjima.
Walye omu tjira nsene vantu
tava mu dini nokumuswaura,
8awo ngava va komba po
ngwendi moomu ayi li
yimbumburu yikoverero!
Nye eparu lyange eli ngani reta,
ngali kara narunye;
efundo lyange ngali karerera po
yiruwo nayinye.”
9Katuka Hompa, o tu kwafe!
Ruganesa nonkondo doge
o tu parure; di ruganesa
moomu wa yi
rugene nare.
Nyove wa tetere emukasama
lyemefuta Rahaba
to li topagura.
10Nyove hena wa pwilikire efuta,
to rugana nzira momema,
asi ava wa parwire
va vhure kuvindakana.
11Ava wa yoworora ngava sika
koJerusarema noruhafo,
tava dimbi oku tava zigire nehafo,
Awo ngava hafa narunye,
ngava manguruka narunye
keguwo nokoruhodi.
12 Hompa ta tanta asi:
“Ame nyame ani mu nkondopeke.
Yinke nye nomu tjilira muntu
ogu a fu,
a haga po ngwendi wayi?
13Kuna divara nye Hompa
ogu ga mu unga,
ogu ga zanzumuna eguru,
yiyo ga paka po matateko
gevhu ndi?
Yinke nye nomu kerera nkenye apa
nowoma wehandu lyava
ava mu hepeke,
wava vana liwapaikire
kumuhanagura po?
Ehandu lyawo kapi ngali mu
gwana hena.
14Ava vana kara vanadorongo
ntaantani va manguruke;
awo ngava kara nomwenyo
gokupukura pevhu,
ngava gwana nondya nadinye
edi va hepa.
15“Ame nyame Hompa Karunga goge;
ame kukatura efuta, tani ninki
mankumpi galyo ga ndundume.
Edina lyange nyame Hompa
Munankondo nadinye!
16Ame kwa zanzumuna eguru,
yiyo na paka po matateko gevhu;
ame kuna kutantera Jerusarema asi:
‘Ove mbunga zange!
Na ku pa erongo lyange,
yiyo ani ku gamene nokuwoko kwange.’ ”
Ehagero lyoruhepo rwaJerusarema
17Katuka, Jerusarema!
Pinduka nyamoge, o katuke!
Ove kwa nwa nkinda zefutiso ezi
ga ku pa Hompa
mehandu lyendi asi o zi nwe;
wa zi dindurura, makura
yiyo azi ku pundaukisa.
18Kutupu gokukupitisira,
movantu woge mutupu
gokukukwata kokuwoko.
19Mazonauko gavali
ga ku gwana aga:
sirongo soge yita ya si paka mburundu,
ano vantu woge kuna kufa konzara.
Kutupu ogu gokukufira nkenda.
20Vantu woge vana pili nonkondo,
awo kuna rwapama
mwankenye ekovhu lyonzira;
awo kuna fana horongo
zina gwire mekero lyomukongo.
Ehandu lyaKarunga
tali va zuvhisa ko.
21One vantu vaJerusarema woruhepo,
one muna kupundauka
ngwendi vava asi kuna korwa,
22 Hompa Karunga ta mu popere
oku ta tanta asi:
“Tani mu gusa nkinda ezi
na mu pera mehandu lyange,
Kapi ngomu nwa hena vyinyu
ezi azi mu pundaukisa.
23Ame ngani zi pa ava ava mu hepeke,
ava ava mu ninki mu rare mononzira,
makura tava gendi ko ngwendi
vava vana kugenda kohando.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003