JESAYA 4
4
1Ano mezuva olyo vakadi vatano‐navavali ngava kwata mugara gumwe, makura ngava mu tantere asi: “Ose tatu lirere nokulidwareka nyaamwetu, nye tu kwafa tupu tu tumbukire medina lyoge, asi tu dire kukara nonomuga doudike.”
Jerusarema tava si tungurura
2Mezuva olyo apa ngasi sika mo siruwo, Hompa nga ninka nkenye simeno nositji si kure si nenepe si wape unene. Mbunga nazinye zaIsraeli ezi zina hupu po, ngazi hafa tazi lipanda muzangu ogu guna kara mosirongo. 3Nkenye ogu ga hupa mo moJerusarema, ogu ga horowora Karunga a paruke ngava mu tumbura asi mupongoki. 4Hompa nga pangura nononkondo dendi, nye nga kuhura muhoko gwendi nokukuhwa po unzoni waJerusarema nohonde ezi za zozera mo. 5Age nga kuhura hena Ndundu zaSiyoni nava navenye vana pongo ko. Hompa nga va tumina eremo posiruwo somutenya, ano masiku musi nouzera. Uyerere waKarunga ngau kudumika nokugamena sitata nasinye, 6Uyerere waHompa ngau tendeka sitata koupyu wezuva, age nga si ninka si kare evango lyegameno lyokugamena komvhura nekepepo.
Currently Selected:
JESAYA 4: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
