HOSEYA 7
7
1“Nani ninka asi ni verure vantu vange Vaisraeli ni va ragopeke hena, nkenye eyi nani mona woowo udinikarunga noudona ou ava rugana. Awo kulikumbagera vene‐navene; awo kuteza mambo tava vaka; awo kuhakana vantu mononzira. 2Nye ndangawo va yi gazare, asi ame ngani diworoka udona naunye ou; nye nonzo dawo kwa va kundurukida, hena ame kapi ngani di kandura po asi na ha di mona.”
Elizuvho lyomombara
3 Hompa ta tanta asi: “Mbunga kukumbagera hompa nomarenga gendi momalizuvho gawo gemehoramo. 4Awo navenye vakumbageli wokudira kuhuguvara. Unkore wawo kuvengauka ngwendi mundiro mesuga ogu ana dili kugumagura muduvi dogoro ndombo tazi pi zi wapere kudosa. 5Ezuva lyosipito sahompa tava korwesa hompa nomarenga gendi nokuvagovapeka novhinyu. 6Nhi, awo kuswakerera ngwendi ediko noudona wawo. Masiku mudima ehandu lyawo kutwera, ano ngurangura makura tali dumuka.
7“Awo kudipaga vapangeli vawo noupyu wehandu lyawo. Vapangeli vawo kwa va dipaga tunda ogu zende ogu, nye nagumwe si ga kanderera kwange ni ya mu kwafe.”
Israeli nonomuhoko
8 Hompa ta tanta asi: “Mbunga zaIsraeli kwa fana ngwendi mboroto ezi zina dili kupya nawa kudosa. Awo kwa huguvara nomuhoko edi da va kundurukida, 9nye kapi va dimburura asi, kuhuguvara vanayirongo yiko kwa va hokwesa nonkondo dawo. Mazuva gawo kwa ga varura, nye awo kapukuru kawo. 10Kulitumba kombunga zaIsraeli kuna kuvatengwira vene. Yininke nayinye eyi ya horauka, kapi ya va tengwidisa kwange, ame Hompa Karunga gwawo. 11Israeli kuna kuteremba‐teremba ngwendi mputukuwa zegova; muhowo mbunga wa kugire ekwafo kwaEgipite, ntani vana kudukira hena kwaAsiliya! 12Nye ame ngani tega ekwe ni va kwate ngwendi yidira apa ngava genda po. Ame ngani va futisira udona ou va rugana.
13“Va pwa kuvapangura! Awo kwa zumba nge yiyo va vyuka nge. Ano awo ngava va hanagura po. Ame kuna hara ni va parure, nye eruganenokarunga lyawo kwange, lyoyimpempa. 14Awo kapi ava kanderere nge vana mana mo, makura yiyo vana liganda vene va kwenauke moomu ava rugana vapagani. Nsene tava kandererere rukokotwa novhinyu, kuligeragura vene ngwendi vapagani. Ee, kurunda‐mutwe gona va kara nako! 15Nye nampili ngomu na va rera tani va nkondopeke, awo tava vyuka nge. 16Awo kutwikira ngorooro kuzumba nge, va ze kwakarunga ga hana nonkondo. Awo kuna kara ngwendi uta wonkanza ou vana rundurura. Yeeyi vagendesi vawo kuna kuuyunga nelitumbo, awo ngava fa nomfa dokudira kudivilisa, makura Vaegipite ngava zore.”
Currently Selected:
HOSEYA 7: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
HOSEYA 7
7
1“Nani ninka asi ni verure vantu vange Vaisraeli ni va ragopeke hena, nkenye eyi nani mona woowo udinikarunga noudona ou ava rugana. Awo kulikumbagera vene‐navene; awo kuteza mambo tava vaka; awo kuhakana vantu mononzira. 2Nye ndangawo va yi gazare, asi ame ngani diworoka udona naunye ou; nye nonzo dawo kwa va kundurukida, hena ame kapi ngani di kandura po asi na ha di mona.”
Elizuvho lyomombara
3 Hompa ta tanta asi: “Mbunga kukumbagera hompa nomarenga gendi momalizuvho gawo gemehoramo. 4Awo navenye vakumbageli wokudira kuhuguvara. Unkore wawo kuvengauka ngwendi mundiro mesuga ogu ana dili kugumagura muduvi dogoro ndombo tazi pi zi wapere kudosa. 5Ezuva lyosipito sahompa tava korwesa hompa nomarenga gendi nokuvagovapeka novhinyu. 6Nhi, awo kuswakerera ngwendi ediko noudona wawo. Masiku mudima ehandu lyawo kutwera, ano ngurangura makura tali dumuka.
7“Awo kudipaga vapangeli vawo noupyu wehandu lyawo. Vapangeli vawo kwa va dipaga tunda ogu zende ogu, nye nagumwe si ga kanderera kwange ni ya mu kwafe.”
Israeli nonomuhoko
8 Hompa ta tanta asi: “Mbunga zaIsraeli kwa fana ngwendi mboroto ezi zina dili kupya nawa kudosa. Awo kwa huguvara nomuhoko edi da va kundurukida, 9nye kapi va dimburura asi, kuhuguvara vanayirongo yiko kwa va hokwesa nonkondo dawo. Mazuva gawo kwa ga varura, nye awo kapukuru kawo. 10Kulitumba kombunga zaIsraeli kuna kuvatengwira vene. Yininke nayinye eyi ya horauka, kapi ya va tengwidisa kwange, ame Hompa Karunga gwawo. 11Israeli kuna kuteremba‐teremba ngwendi mputukuwa zegova; muhowo mbunga wa kugire ekwafo kwaEgipite, ntani vana kudukira hena kwaAsiliya! 12Nye ame ngani tega ekwe ni va kwate ngwendi yidira apa ngava genda po. Ame ngani va futisira udona ou va rugana.
13“Va pwa kuvapangura! Awo kwa zumba nge yiyo va vyuka nge. Ano awo ngava va hanagura po. Ame kuna hara ni va parure, nye eruganenokarunga lyawo kwange, lyoyimpempa. 14Awo kapi ava kanderere nge vana mana mo, makura yiyo vana liganda vene va kwenauke moomu ava rugana vapagani. Nsene tava kandererere rukokotwa novhinyu, kuligeragura vene ngwendi vapagani. Ee, kurunda‐mutwe gona va kara nako! 15Nye nampili ngomu na va rera tani va nkondopeke, awo tava vyuka nge. 16Awo kutwikira ngorooro kuzumba nge, va ze kwakarunga ga hana nonkondo. Awo kuna kara ngwendi uta wonkanza ou vana rundurura. Yeeyi vagendesi vawo kuna kuuyunga nelitumbo, awo ngava fa nomfa dokudira kudivilisa, makura Vaegipite ngava zore.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003