HOSEYA 6
6
Elitezururo lyombunga lyoyimpempa
1Mbunga tazi tanta asi: “Tu tengwireni kwaHompa! Age kuna tu zuvhisa kukora, nye nga tu verura nawa‐nawa; age kwa tu rwadeka, nye nga manga yironda yetu. Ndi yimo sa? 2Age nga tu tupura tu kare nomwenyo momazuva gavali ndi gatatu. Ose ngatu kara nomwenyo kosipara sendi. 3Tu kambadareni kudiva Hompa. Age nga wiza kwetu nawa‐nawa, ngwendi moomu ali horoka po ezuva ngurangura zonene nomvhura zopokufu ezi azi woreke evhu.”
4Nye Hompa ta tanta asi: “Israeli naJuda, ame none pwasinke? Eharo lyeni kwange kudongonoka usimbu ngwendi eundu lyongurangura; ngwendi eme eli ali kamuka ko pokusa kezuva. 5Eyi yiyo nye na mu tuminina vaporofete nombudi zange zepanguro nezonauko. Eyi na hepa ko kweni poruzera tupu yina kara: 6Ame kuna hepa ko eharo lyeni lyanarunye, kapisi nonzambo deni doyimuna. Eyi na hepa po unene yokudiva nge vantu vange kupitakana nonzambo dokuswakererera nge.
7“Nye awo kwa hwilira tupu sirongo poAdamu, makura nare vana teza po egwanekero eli twa likwete nawo. 8Giliyata sitata esi sa zura vantu wovadona novarudipagi. 9Vapristeli ngwendi mbunga zovamahaka ava ava ndindire muntu mevando. Nokonzira kooku zokuza kevega lyokupongoka poSikemu, yiko ava tulire unzoni wedipago. Awo kurugana udona naunye ou vana manguruka! 10MoIsraeli na mona mo yihuna eyi: Vantu vange va linyateka vene pokutongamena vakarunga woyimpempa.
11“Ano one ko nye mbunga zaJuda, none na mu tulira po siruwo sokumufutisa kweyi omu rugana.
Currently Selected:
HOSEYA 6: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
HOSEYA 6
6
Elitezururo lyombunga lyoyimpempa
1Mbunga tazi tanta asi: “Tu tengwireni kwaHompa! Age kuna tu zuvhisa kukora, nye nga tu verura nawa‐nawa; age kwa tu rwadeka, nye nga manga yironda yetu. Ndi yimo sa? 2Age nga tu tupura tu kare nomwenyo momazuva gavali ndi gatatu. Ose ngatu kara nomwenyo kosipara sendi. 3Tu kambadareni kudiva Hompa. Age nga wiza kwetu nawa‐nawa, ngwendi moomu ali horoka po ezuva ngurangura zonene nomvhura zopokufu ezi azi woreke evhu.”
4Nye Hompa ta tanta asi: “Israeli naJuda, ame none pwasinke? Eharo lyeni kwange kudongonoka usimbu ngwendi eundu lyongurangura; ngwendi eme eli ali kamuka ko pokusa kezuva. 5Eyi yiyo nye na mu tuminina vaporofete nombudi zange zepanguro nezonauko. Eyi na hepa ko kweni poruzera tupu yina kara: 6Ame kuna hepa ko eharo lyeni lyanarunye, kapisi nonzambo deni doyimuna. Eyi na hepa po unene yokudiva nge vantu vange kupitakana nonzambo dokuswakererera nge.
7“Nye awo kwa hwilira tupu sirongo poAdamu, makura nare vana teza po egwanekero eli twa likwete nawo. 8Giliyata sitata esi sa zura vantu wovadona novarudipagi. 9Vapristeli ngwendi mbunga zovamahaka ava ava ndindire muntu mevando. Nokonzira kooku zokuza kevega lyokupongoka poSikemu, yiko ava tulire unzoni wedipago. Awo kurugana udona naunye ou vana manguruka! 10MoIsraeli na mona mo yihuna eyi: Vantu vange va linyateka vene pokutongamena vakarunga woyimpempa.
11“Ano one ko nye mbunga zaJuda, none na mu tulira po siruwo sokumufutisa kweyi omu rugana.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003