HOSEYA 5
5
1“Purakeneni eyi, one vapristeli! Yi pakereni mbili, one Vaisraeli! Purakeni one mwa hamena kepata lyosiuhompa! One kwa mu gazarare mu pangure youhunga — ano epanguro kweni ngali vyuka! One kuna kara rutenda poMisipa, ekwe lyokuzanzumuna kondundu zaTaboro, 2etope lyere positata saAkasiya, nye namuvenye ngani mu futisa. 3Omu ga fana Israeli na diva mo — age nokuvhura si kuhorama nge. Age kwa kara muhalimburukwi, ano vantu vendi yiyo va dira kuwapera kutongamena nge.”
Hoseya ta rondora youkarunga woyimpempa
4Udona ou va rugana vantu yiwo una kuvasilika kutengwira kwaKarunga gwawo. Ukarunga woyimpempa wa va kwata unene, kapi hena vana diva Hompa. 5Kulitumba kombunga zaIsraeli kuna kukuga ku va vyuke vene. Nonzo dawo yido dina kuvaninkisa va gwe, ano mbunga zaJuda nazo tazi gu kumwe nawo. 6Awo kugusa nonzwi dawo nonongombe va ka zambere Hompa nonzambo, nye nomutompo si. Nokumugwana si morwa ga va siga. 7Awo kwa kara vahalimburukwi kwaHompa, vana vawo kapi va mu hamena. Ano ngesi awo noyirongo yawo ntaantani va yi hanagure po.
Yita pokatji kaJuda naIsraeli
8Sikeni nombendo doyita moGibeya! Tooneni katenda moRama! Kugeni nkugo zoyita moBeteli! Zendeni koyirwa, one vagara wonkwaMbenyameni! 9Ezuva lyefutiso tali wiza, makura Israeli nga kare mapuku. Mbunga zaIsraeli, eyi ngayi horoka nawa‐nawa!
10 Hompa ta tanta asi: “Ame na handuka morwa vagendesi vaJuda va homona Israeli, yiyo va mu vaka sirongo. Ano ame ngani va pimpira ehandu ngwendi mema goruhanzo. 11Israeli kuna kumona kanyando; ga zumbanesa sirongo esi sa kere samwene‐mwene, morwa age kukondja a papare ekwafo kwava va hana kumukwafa. 12Ngani reta ehanauko kwaIsraeli, tani reta ezonauko kombunga zaJuda.
13“Israeli apa ga mwene omu ana kuvera napa ga mwene Juda yironda yamwene, makura Israeli ta zi koAsiliya kwahompa gomunene a ka papare ekwafo, nye age kapi ga vhulire kuvaninka va kanguke ndi asi a verure yironda yawo. 14Ame ngani rwisa mbunga zaIsraeli naJuda ngwendi nyime. Nyamwange ngani va papagura tani va sigi. Apa nye ngani va purututa, kutupu ogu nga vhura kuvaparura.
15“Ngani zumba vantu dogoro tava sikilire mo mokuhepera nonzo dawo, makura ngava papare nge. Mpamwe moruhepo rwawo ngava heteka kugwana nge.”
Currently Selected:
HOSEYA 5: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
