HOSEYA 13
13
Epanguro lyaIsraeli lyokuhulilira
1Nare nsene ezimo lyaEfurayimi lina kuuyunga, makura mazimo makwawo gaIsraeli kuna kumenga; ngava fumadeke Efurayimi. Nye vantu tava zono pokutongamena Bara, ano eyi yiyo ngayi va dipagesa. 2Nelyezuva simpe vana kuzona pokurugana mafano goyivera va ga tongamene — vakarunga woyimpempa wosisiliveli, ava ga faneka magazaro gosintu, yiyo ga va rugana mawoko govantu. Makura tava tanta asi: “Va zambereni nonzambo!” Ngapi nye omu nava vhura vantu kuncumita vakarunga owo woyimpempa — vakarunga womarupe gontwedu! 3Ano vantu ava ngava dongonoka po ngwendi eundu lyongurangura, ngwendi eme eli ali kamuka ko pokusa kezuva. Ngava kara ngwendi rungu oru azi rerura mpepo porupare, ngwendi musi guna kupitira pekende.
4 Hompa ta tanta asi: “Ame nyame Hompa Karunga goge, ogu ga ku gusa moEgipite. Kapi wa paka Karunga peke, nyamelike. Nyamelike nyame muparuli goge. 5Ame kwa ku pakerere mbili mosirongo sosikukutu somburundu. 6Nye apa nye mwa ya hwilira mosirongo sosiwa, tomu kuta tomu pembura, makura yipo nye mwa litumba mu divare nge. 7Ano ame ngani mu rwisa ngwendi nyime. Ngani mu vandera konzira zeni moomu a vandere ngwe. 8Ngani mu rwisa ngwendi erundu eli lina zumbanesa vana valyo, makura ngani mu baburure. Ngani mu tuwura ngwendi nyime, ngani mu papagure ngwendi sikasama.
9“Ngani mu hanagura po, one mbunga zaIsraeli! Makura ogu nga mu kwafa, yilye? 10One kuhundira hompa novagendesi, nye awo ngapi nye omu nava vhura kuparura muhoko? 11Mehandu lyange na mu pa ohompa, ano mehandu lyange lyenene na va gusa po.
12“Nzo nousima waIsraeli kwa u tjangera mosipepa soyihoroka, ano sipepa oso kwa si pungura nawa‐nawa. 13Israeli ga kara nevega lyokukara nomwenyo, nye ugova wendi wounene wou asi kapi a li gusa — ngwendi munona vana kuhara kuhampuruka, makura a ligegere moomo mezimo. 14Kapi ngani parura vantu ava kosirongo sovafe ndi asi ni va yoworore kononkondo donomfa. Nomfa, reta mahepeko goge! Sirongo sovafe, reta ehanauko lyoge! Kapi ngani zi fira nkenda hena mbunga ezi. 15Nampili ngomu a kuyumuka Israeli ngwendi wayi, ngani tuma mpepo zompyu zokoUpumezuva zi tunde momburundu, makura ngazi pwilike marunone nomatope gawo. Azo ngazi gusa po yininke nayinye yomulyo. 16Samaliya ngava mu futisira mokuvyuka nge. Vantu vendi ngava fa moyita; vakeke ngava va daya pevhu, vakadi wovasumba ngava va tuwura.”
Currently Selected:
HOSEYA 13: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
HOSEYA 13
13
Epanguro lyaIsraeli lyokuhulilira
1Nare nsene ezimo lyaEfurayimi lina kuuyunga, makura mazimo makwawo gaIsraeli kuna kumenga; ngava fumadeke Efurayimi. Nye vantu tava zono pokutongamena Bara, ano eyi yiyo ngayi va dipagesa. 2Nelyezuva simpe vana kuzona pokurugana mafano goyivera va ga tongamene — vakarunga woyimpempa wosisiliveli, ava ga faneka magazaro gosintu, yiyo ga va rugana mawoko govantu. Makura tava tanta asi: “Va zambereni nonzambo!” Ngapi nye omu nava vhura vantu kuncumita vakarunga owo woyimpempa — vakarunga womarupe gontwedu! 3Ano vantu ava ngava dongonoka po ngwendi eundu lyongurangura, ngwendi eme eli ali kamuka ko pokusa kezuva. Ngava kara ngwendi rungu oru azi rerura mpepo porupare, ngwendi musi guna kupitira pekende.
4 Hompa ta tanta asi: “Ame nyame Hompa Karunga goge, ogu ga ku gusa moEgipite. Kapi wa paka Karunga peke, nyamelike. Nyamelike nyame muparuli goge. 5Ame kwa ku pakerere mbili mosirongo sosikukutu somburundu. 6Nye apa nye mwa ya hwilira mosirongo sosiwa, tomu kuta tomu pembura, makura yipo nye mwa litumba mu divare nge. 7Ano ame ngani mu rwisa ngwendi nyime. Ngani mu vandera konzira zeni moomu a vandere ngwe. 8Ngani mu rwisa ngwendi erundu eli lina zumbanesa vana valyo, makura ngani mu baburure. Ngani mu tuwura ngwendi nyime, ngani mu papagure ngwendi sikasama.
9“Ngani mu hanagura po, one mbunga zaIsraeli! Makura ogu nga mu kwafa, yilye? 10One kuhundira hompa novagendesi, nye awo ngapi nye omu nava vhura kuparura muhoko? 11Mehandu lyange na mu pa ohompa, ano mehandu lyange lyenene na va gusa po.
12“Nzo nousima waIsraeli kwa u tjangera mosipepa soyihoroka, ano sipepa oso kwa si pungura nawa‐nawa. 13Israeli ga kara nevega lyokukara nomwenyo, nye ugova wendi wounene wou asi kapi a li gusa — ngwendi munona vana kuhara kuhampuruka, makura a ligegere moomo mezimo. 14Kapi ngani parura vantu ava kosirongo sovafe ndi asi ni va yoworore kononkondo donomfa. Nomfa, reta mahepeko goge! Sirongo sovafe, reta ehanauko lyoge! Kapi ngani zi fira nkenda hena mbunga ezi. 15Nampili ngomu a kuyumuka Israeli ngwendi wayi, ngani tuma mpepo zompyu zokoUpumezuva zi tunde momburundu, makura ngazi pwilike marunone nomatope gawo. Azo ngazi gusa po yininke nayinye yomulyo. 16Samaliya ngava mu futisira mokuvyuka nge. Vantu vendi ngava fa moyita; vakeke ngava va daya pevhu, vakadi wovasumba ngava va tuwura.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003