HOSEYA 12
12
1“Nkenye eyi azi rugana mbunga zaIsraeli kutunda ngurangura dogoro masiku ya hana sikwafa, yezonauko. Egombeko noyirugana youkorokotji kuna kuvhuka mokatji kawo. Awo kuninka magwanekero naAsiliya, tava lirandesa nondando naEgipite.”
2 Hompa kuna kara negawousima kombunga zaJuda age nga futisira Israeli monkedi ezi a rugana. Nga va rugwidira kuwoko mweyi va rugana. 3Zinyakurwawo Jakopo kwa kondjere namukurwendi gomapange Esau, awo mouvali wawo simpe mezimo lyazinyawo; Jakopo eyi ga kura, ta rwana naKarunga — 4age kwa rwire nomuengeli ta fundu. Age kwa lilire, ta hundire etungiko. PoBeteli Karunga ta wiza kwazinyakurwetu Jakopo, ta mu uyungisa. 5Age kwa kere Hompa Karunga Munankondo nadinye — Hompa yilyo edina eli lyokumutongamenesa. 6Ano nontekuru daJakopo, huguvareni mwaKarunga mu tengure kwendi. Kareni mouhunga nomousili, mu ndindire muna mwena, Karunga gweni a rugane.
Nonkango dimwe depanguro
7 Hompa ta tanta asi: “Vantu vaIsraeli kapi va vyuka ngwendi Vakanani; awo kwa hara kukumbagera ngwendi varandi vawo noyiviha yoyimpempa. 8Awo kutanta asi: ‘Ose nongawo. Tuna kongo yokomeho. Nagumwe si gokutupa usima mokugwana ugawo mekotoko.’ 9Nye ame Hompa Karunga gweni ogu na mu gusa moEgipite, ngani mu ninka mu kare hena monotenta, moomu mwa kere apa na wizire kweni momburundu.
10“Ame ngani uyungisa vaporofete, tani va pe mamoneko gomanzi, ano omo movaporofete yimo ngani rondwere vantu vange. 11Nye vakarunga woyimpempa simpe vana kuvatongamena moGiliyata, ano ava ava va tongamene ngava fa. Nontwedu kudizamba moGiligali, ano yizambero yamo ngayi kara nondambo domamanya mosanzara.”
12Zinyakurwetu Jakopo kwa tjwayukilire koMesopotamiya, oku ga ka gwene mukadi, a ruganene mugara peke a mu lisire nonzwi dendi. 13Hompa kwa tumine muporofete, a ka yoworore mbunga zaIsraeli moupika moEgipite a va takamese. 14Mbunga zaIsraeli kwa ninkisire Hompa a handuke unene; awo kwa likokerere nomfa moyirugana yawo yoyidona. Hompa nga va futisira eswau eli va mu retera.
Currently Selected:
HOSEYA 12: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
HOSEYA 12
12
1“Nkenye eyi azi rugana mbunga zaIsraeli kutunda ngurangura dogoro masiku ya hana sikwafa, yezonauko. Egombeko noyirugana youkorokotji kuna kuvhuka mokatji kawo. Awo kuninka magwanekero naAsiliya, tava lirandesa nondando naEgipite.”
2 Hompa kuna kara negawousima kombunga zaJuda age nga futisira Israeli monkedi ezi a rugana. Nga va rugwidira kuwoko mweyi va rugana. 3Zinyakurwawo Jakopo kwa kondjere namukurwendi gomapange Esau, awo mouvali wawo simpe mezimo lyazinyawo; Jakopo eyi ga kura, ta rwana naKarunga — 4age kwa rwire nomuengeli ta fundu. Age kwa lilire, ta hundire etungiko. PoBeteli Karunga ta wiza kwazinyakurwetu Jakopo, ta mu uyungisa. 5Age kwa kere Hompa Karunga Munankondo nadinye — Hompa yilyo edina eli lyokumutongamenesa. 6Ano nontekuru daJakopo, huguvareni mwaKarunga mu tengure kwendi. Kareni mouhunga nomousili, mu ndindire muna mwena, Karunga gweni a rugane.
Nonkango dimwe depanguro
7 Hompa ta tanta asi: “Vantu vaIsraeli kapi va vyuka ngwendi Vakanani; awo kwa hara kukumbagera ngwendi varandi vawo noyiviha yoyimpempa. 8Awo kutanta asi: ‘Ose nongawo. Tuna kongo yokomeho. Nagumwe si gokutupa usima mokugwana ugawo mekotoko.’ 9Nye ame Hompa Karunga gweni ogu na mu gusa moEgipite, ngani mu ninka mu kare hena monotenta, moomu mwa kere apa na wizire kweni momburundu.
10“Ame ngani uyungisa vaporofete, tani va pe mamoneko gomanzi, ano omo movaporofete yimo ngani rondwere vantu vange. 11Nye vakarunga woyimpempa simpe vana kuvatongamena moGiliyata, ano ava ava va tongamene ngava fa. Nontwedu kudizamba moGiligali, ano yizambero yamo ngayi kara nondambo domamanya mosanzara.”
12Zinyakurwetu Jakopo kwa tjwayukilire koMesopotamiya, oku ga ka gwene mukadi, a ruganene mugara peke a mu lisire nonzwi dendi. 13Hompa kwa tumine muporofete, a ka yoworore mbunga zaIsraeli moupika moEgipite a va takamese. 14Mbunga zaIsraeli kwa ninkisire Hompa a handuke unene; awo kwa likokerere nomfa moyirugana yawo yoyidona. Hompa nga va futisira eswau eli va mu retera.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003