Exodus 32
32
Ntana zongorodo
(Deut 9:6-29)
1Mbunga eyi za mona asi Mosesa ana ka pukura ko kondundu, kapi ana kutunda ko, makura tazi ya wongo kwaArona, tazi tanta asi: “Tu ruganena karunga a tu pitisire komeho ose, yeeyi ogu mugara Mosesa, ogu ga tu gusa moEgipite, kapi tuna yi diva eyi yina ka mu gwana ko oko.”
2Makura Arona ta va tantere asi: “Guseni yimbilingwa yongorodo eyi vana dwara vakadi veni novana veni wovagara nava wovakadi momatwi gawo, makura mu yi retere nge.” 3Makura vantu navenye tava yi kuragura mo yimbilingwa yongorodo momatwi gawo, tava yi twarere Arona. 4Age makura ta yi gusa, ta yi tetagura nontjindjo, ntani ana yi hemuna a rugane sitana.
Makura vantu tava ninki asi: “Israeli, ogu yige Karunga goge ogu ga ku gusa moEgipite.”
5Ano Arona eyi ga yi mona eyi, makura ta tungu sizambero komeho zontana zongorodo, ta divisa asi: “Mungura ngaku kara sipito sokufumadeka Hompa.” 6Ngurangura zonene tava pinduka va zambe nonzambo deswakerero oku tava gava nonzambo dombili. Makura tava hingire va lye oku tava nu, ntani vana kukatuka va dane.
7 Hompa ta tantere Mosesa asi: “Genderera kuhumburuka, yeeyi vantu woge, ava wa gusa moEgipite, vana liretere vene ehudi. 8Vana genderere kuzumba nzira ezi na va tantera asi va zi kwame: vana liruganene ntana zokuhemuna zongorodo, yiyo vana kuzitongamena oku tava zi zambere. Awo hena kuna kutanta asi: ‘Israeli, ogu yige nye karunga goge, ogu ga ku gusa moEgipite.’ ” 9Hompa ta tantere Mosesa asi: “Vantu ava ame na va diva, awo kwa runda nomutwe. 10Siga nge, ni va zonagure po nehandu lyange lyenene. Makura ove noruvharo roge nkumwe ngani mu ninke mu kare muhoko gomunene.”
11Nye Mosesa ta likwambere kwaHompa Karunga gwendi, ta tanta asi: “Hompa, yinke yokutarererera ehandu lyoge li dumukire vantu woge, ava wa mangurura moEgipite nononkondo doge dononene? 12Yangesi ngayi uyungisisa Vaegipite asi: ‘Age kwa va gusilire moEgipite negano lyedona lyokukavadipagera monondundu, a va kombe po nuunu’? Yingasi ehandu lyoge li liture tupu, o lirugwide, wa ha retera vantu woge yihuna ya hura opo. 13Diworoka vantu woge oAbirahamu naIsaka naIsraeli, nomu wa va tumbwidilire nomugano mwanyamoge, to tanta asi: ‘Ngani ku pa ruvharo rokuhura ponombungururu dekeguru. Sirongo esi nasinye ngani si pa ruvharo roge, moomu na yi tumbwidira. Aso ngasi kara ugawo wawo wanarunye.’ ” 14Hompa ta lirugwida, kapi hena ga reterere mbunga zendi ehudi, moomu ga yi tente.
15Mosesa ta tundu ko kondundu a humburuke noyitafura yendi yivali yoyipango, eyi va tjenge kesinya eli nekesinya lina. 16Ayo kwa kere yirugana yaKarunga, netjango eli lya kere po, Karunga ga li tjangere po. Alyo kwa li tjokwerere pomamanya.
17Josuwa ta zuvhu mbunga, tazi lihaverere, makura ta tantere Mosesa asi: “Yirwanangana nina kuzuvha mo omo mokamba.” 18Mosesa ta tanta asi: “Kapisi asi ezwi lyorusumo rwefundo ndi asi lyomalirankali morwakuvafunda, nye ame kuna kuzuvha ezwi lyorudimbo.”
19Mosesa apa ga hedere pepi nokamba, a mone ntana nombunga zina kudana, makura ta handuka unene‐nene. Ta zugumine yitafura, eyi ga simbire pedi lyondundu, tayi tavauka. 20Mosesa ta gusa ntana, ezi va rugene, makura ta zi swakerere ta zi konko, ano usura wazo ta u tjire momema, ta pe Vaisraeli, va nwe. 21Mosesa ta pura Arona asi: “Ee, nani ngapi omu vana kurugana vene ava vantu, o va zonese yihuna ya hura apa?” 22Arona ta limburura asi: “Munekuto, wa ha handuka unene, yeeyi asi vantu ava, wa va diva omu va tokomena kurugana udona. 23Awo kuna tantere nge asi: ‘Tu ruganena karunga ogu na tu pitisira komeho, yeeyi asi mugara ogu Mosesa, ogu ga tu gusa mosirongo saEgipite, kapi tuna diva eyi yina ka mu gwana ko oko.’ 24Ame yipo sa nye na hundire ngorodo kwava kava kara nazo. Ano ava kava kara nazo yiyo vana zi pandununa ko komatwi gawo, va zi retere nge. Ame makura yiyo nina zi tura momundiro, ni zi hemune, yipo nye pana tundu ntana ozo.”
25Ano Mosesa eyi ana mono asi mbunga zina u kuta, morwa asi Arona yige ga va pulisilire eyi va here yokuruganena karunga goyimpempa, va hafese nonkore dawo, 26makura ta ka sikama perungavero, ta zigire asi: “Nkenye ogu ana hama kwaHompa, a wize oku kwange!” Makura Varevhi navenye tava ya mu pongere. 27Mosesa ta va tantere asi: “Hompa Karunga gwaIsraeli kuna kutanta ngesi asi: ‘Opo muna kara ngoso opo, nkenye ogu a dware rufuro rwendi, mu ze omo mwa za kamba omo, kutundilira kerungavero eli dogoro nokekwawo. Tomu dipaga vanavazinyeni novakweneni novamaparambo veni.’ ” 28Varevhi nawo tava rugana moomu ga va tanterere Mosesa. Ezuva olyo kwa dipagere vagara wokuhura pomayovi gatatu ngoso opo. 29Mosesa ta tantere kuVarevhi asi: “Naina muna lipongwere nyamweni mosirugana saHompa soupristeli, pokudipaga vana veni novakuru veni novamumbya veni. Ano naina Hompa ana mu tungike.”
30Eyi kwa sa, Mosesa ta tantere mbunga asi: “One komu tulire emukurunzo. Ano ntaantani ame tani zi ni ka ronde kondundu kwaHompa, mpamwe nani ka mu paparera ko edongonono lyononzo deni.” 31Mosesa makura ta tengwire kwaHompa, ta ka tanta asi: “Ee, nani emunzo musi kounene eli vana tura ava vantu! Kava liruganenene sa karunga gongorodo. 32Nye pwantaantani ngesi, va dongwenena po nonzo dawo. Ano nsene kapi ono kuvadongwenena po, hawe, name dongonona mo edina lyange mobuke ezi wa li tjangera.” 33Hompa ta limburura Mosesa asi: “Ogu ana zono kwange, yige nani dongonona mo mobuke zange. 34Ano ntaantani zende o ka tware vantu kevega eli na ku tantera. Diworoka asi muengeli gwange nga mu pitisira komeho. Nye ezuva lyokuvapangura, nsene ngali sika mo, ntani ngani va futisa morwanonzo dawo.”
35 Hompa makura ta tumu ehamba movantu, morwa va sininikire Arona, a va ruganene ntana zongorodo.
Currently Selected:
Exodus 32: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Exodus 32
32
Ntana zongorodo
(Deut 9:6-29)
1Mbunga eyi za mona asi Mosesa ana ka pukura ko kondundu, kapi ana kutunda ko, makura tazi ya wongo kwaArona, tazi tanta asi: “Tu ruganena karunga a tu pitisire komeho ose, yeeyi ogu mugara Mosesa, ogu ga tu gusa moEgipite, kapi tuna yi diva eyi yina ka mu gwana ko oko.”
2Makura Arona ta va tantere asi: “Guseni yimbilingwa yongorodo eyi vana dwara vakadi veni novana veni wovagara nava wovakadi momatwi gawo, makura mu yi retere nge.” 3Makura vantu navenye tava yi kuragura mo yimbilingwa yongorodo momatwi gawo, tava yi twarere Arona. 4Age makura ta yi gusa, ta yi tetagura nontjindjo, ntani ana yi hemuna a rugane sitana.
Makura vantu tava ninki asi: “Israeli, ogu yige Karunga goge ogu ga ku gusa moEgipite.”
5Ano Arona eyi ga yi mona eyi, makura ta tungu sizambero komeho zontana zongorodo, ta divisa asi: “Mungura ngaku kara sipito sokufumadeka Hompa.” 6Ngurangura zonene tava pinduka va zambe nonzambo deswakerero oku tava gava nonzambo dombili. Makura tava hingire va lye oku tava nu, ntani vana kukatuka va dane.
7 Hompa ta tantere Mosesa asi: “Genderera kuhumburuka, yeeyi vantu woge, ava wa gusa moEgipite, vana liretere vene ehudi. 8Vana genderere kuzumba nzira ezi na va tantera asi va zi kwame: vana liruganene ntana zokuhemuna zongorodo, yiyo vana kuzitongamena oku tava zi zambere. Awo hena kuna kutanta asi: ‘Israeli, ogu yige nye karunga goge, ogu ga ku gusa moEgipite.’ ” 9Hompa ta tantere Mosesa asi: “Vantu ava ame na va diva, awo kwa runda nomutwe. 10Siga nge, ni va zonagure po nehandu lyange lyenene. Makura ove noruvharo roge nkumwe ngani mu ninke mu kare muhoko gomunene.”
11Nye Mosesa ta likwambere kwaHompa Karunga gwendi, ta tanta asi: “Hompa, yinke yokutarererera ehandu lyoge li dumukire vantu woge, ava wa mangurura moEgipite nononkondo doge dononene? 12Yangesi ngayi uyungisisa Vaegipite asi: ‘Age kwa va gusilire moEgipite negano lyedona lyokukavadipagera monondundu, a va kombe po nuunu’? Yingasi ehandu lyoge li liture tupu, o lirugwide, wa ha retera vantu woge yihuna ya hura opo. 13Diworoka vantu woge oAbirahamu naIsaka naIsraeli, nomu wa va tumbwidilire nomugano mwanyamoge, to tanta asi: ‘Ngani ku pa ruvharo rokuhura ponombungururu dekeguru. Sirongo esi nasinye ngani si pa ruvharo roge, moomu na yi tumbwidira. Aso ngasi kara ugawo wawo wanarunye.’ ” 14Hompa ta lirugwida, kapi hena ga reterere mbunga zendi ehudi, moomu ga yi tente.
15Mosesa ta tundu ko kondundu a humburuke noyitafura yendi yivali yoyipango, eyi va tjenge kesinya eli nekesinya lina. 16Ayo kwa kere yirugana yaKarunga, netjango eli lya kere po, Karunga ga li tjangere po. Alyo kwa li tjokwerere pomamanya.
17Josuwa ta zuvhu mbunga, tazi lihaverere, makura ta tantere Mosesa asi: “Yirwanangana nina kuzuvha mo omo mokamba.” 18Mosesa ta tanta asi: “Kapisi asi ezwi lyorusumo rwefundo ndi asi lyomalirankali morwakuvafunda, nye ame kuna kuzuvha ezwi lyorudimbo.”
19Mosesa apa ga hedere pepi nokamba, a mone ntana nombunga zina kudana, makura ta handuka unene‐nene. Ta zugumine yitafura, eyi ga simbire pedi lyondundu, tayi tavauka. 20Mosesa ta gusa ntana, ezi va rugene, makura ta zi swakerere ta zi konko, ano usura wazo ta u tjire momema, ta pe Vaisraeli, va nwe. 21Mosesa ta pura Arona asi: “Ee, nani ngapi omu vana kurugana vene ava vantu, o va zonese yihuna ya hura apa?” 22Arona ta limburura asi: “Munekuto, wa ha handuka unene, yeeyi asi vantu ava, wa va diva omu va tokomena kurugana udona. 23Awo kuna tantere nge asi: ‘Tu ruganena karunga ogu na tu pitisira komeho, yeeyi asi mugara ogu Mosesa, ogu ga tu gusa mosirongo saEgipite, kapi tuna diva eyi yina ka mu gwana ko oko.’ 24Ame yipo sa nye na hundire ngorodo kwava kava kara nazo. Ano ava kava kara nazo yiyo vana zi pandununa ko komatwi gawo, va zi retere nge. Ame makura yiyo nina zi tura momundiro, ni zi hemune, yipo nye pana tundu ntana ozo.”
25Ano Mosesa eyi ana mono asi mbunga zina u kuta, morwa asi Arona yige ga va pulisilire eyi va here yokuruganena karunga goyimpempa, va hafese nonkore dawo, 26makura ta ka sikama perungavero, ta zigire asi: “Nkenye ogu ana hama kwaHompa, a wize oku kwange!” Makura Varevhi navenye tava ya mu pongere. 27Mosesa ta va tantere asi: “Hompa Karunga gwaIsraeli kuna kutanta ngesi asi: ‘Opo muna kara ngoso opo, nkenye ogu a dware rufuro rwendi, mu ze omo mwa za kamba omo, kutundilira kerungavero eli dogoro nokekwawo. Tomu dipaga vanavazinyeni novakweneni novamaparambo veni.’ ” 28Varevhi nawo tava rugana moomu ga va tanterere Mosesa. Ezuva olyo kwa dipagere vagara wokuhura pomayovi gatatu ngoso opo. 29Mosesa ta tantere kuVarevhi asi: “Naina muna lipongwere nyamweni mosirugana saHompa soupristeli, pokudipaga vana veni novakuru veni novamumbya veni. Ano naina Hompa ana mu tungike.”
30Eyi kwa sa, Mosesa ta tantere mbunga asi: “One komu tulire emukurunzo. Ano ntaantani ame tani zi ni ka ronde kondundu kwaHompa, mpamwe nani ka mu paparera ko edongonono lyononzo deni.” 31Mosesa makura ta tengwire kwaHompa, ta ka tanta asi: “Ee, nani emunzo musi kounene eli vana tura ava vantu! Kava liruganenene sa karunga gongorodo. 32Nye pwantaantani ngesi, va dongwenena po nonzo dawo. Ano nsene kapi ono kuvadongwenena po, hawe, name dongonona mo edina lyange mobuke ezi wa li tjangera.” 33Hompa ta limburura Mosesa asi: “Ogu ana zono kwange, yige nani dongonona mo mobuke zange. 34Ano ntaantani zende o ka tware vantu kevega eli na ku tantera. Diworoka asi muengeli gwange nga mu pitisira komeho. Nye ezuva lyokuvapangura, nsene ngali sika mo, ntani ngani va futisa morwanonzo dawo.”
35 Hompa makura ta tumu ehamba movantu, morwa va sininikire Arona, a va ruganene ntana zongorodo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003