Exodus 31
31
Varugani woNkongoronzugo
(Ex 35:30—36:1)
1 Hompa ta tantere hena Mosesa asi: 2“Ame na horowora Besareli munwaUli zaHuru gomorudi rwaJuda. 3Ame na mu zwida mpepo zaKarunga asi a kare nounkurungu nomayere nonondunge dankenye karugana, 4mokufaneka paunkurungu nomokurugana yongorodo neyi yosisiliveli neyi yongoporo, 5nokuhonga mamanya gomutaro noyitji nankenye karugana kopaunkurungu. 6Ame na mu horowera hena Oholiyaba munwaAhisamaki gomorudi rwaDana, nga rugane nendi. Nonkurungu na di pe unongo wounzi, asi ngava vhure kurugana nayinye eyi na ku tantere: 7Nkongoronzugo nosikesa, omu ngamu kara yipango, nombando zaso neyi nayinye ya hamena koNkongoronzugo, 8nositafura noyiruganeso yaso, nouzweko wongorodo zene‐zene noyiruganeso yawo nayinye, nosizambero sokututumikidira yedumba lyewa, 9nosizambero sononzambo deswakerero noyiruganeso yaso nayinye, nosiyaha sokulikuhwira netako lyaso, 10noyikoverero yokupongoka peke‐peke, eyi ngava ruganesa oArona novana vendi wovagara noyiruganeso youpristeli, 11nomurora noyitutumikidiso yedumba lyewa. Pokurugana nayinye eyi, ngava yi rugana nawa‐nawa moomu nina ku tantere.”
Ezuva lyEpwizumuko
12 Hompa ta tantere hena Mosesa asi: 13“Tantera hena mbunga asi: ‘Omu sikise mo ezuva lyange lyepwizumuko, yeeyi alyo sidiviso pokatji ketu neni noruvharo rweni sokuhorora asi, ame Hompa nyame na mu ninka asi mu kare vantu vaamwange. 14Ano o sikise mo Ezuva lyEpwizumuko, yeeyi alyo kwa li ku pongwera. Ogu ana kudira kulipongora, yige kufa. A kare ogu ana kurugana mEzuva lyEpwizumuko, kumugusa mo movakwawo. 15O rugane yirugana yoge momazuva gatano‐nalimwe, nye ezuva lyautano‐nauvali, olyo Ezuva lyEpwizumuko lyene‐lyene, alyo kwa pongokera Hompa. Nkenye ogu a rugana karugana mezuva olyo, yige kufa. 16Mbunga zaIsraeli a zi sikise mo Ezuva lyEpwizumuko — nava ngava kwama ko navenye yiwo kulisikisa mo. Aga malikwatakano gokukererera po narunye. 17Esi sidiviso sanarunye sopokatji ketu noVaisraeli, yeeyi ame Hompa kwa sitire eguru nevhu momazuva gatano‐nalimwe, nye mezuva lyautano‐nauvali yipo na hulisire yirugana, ni pwizumuke.’ ”
18 Hompa eyi ga mana kuuyunga naMosesa koNdundu zaSinayi, makura ta mu pe yitafura yivali yoyipango. Ayo kwa kere yitafura yomamanya, eyi ga tjangere Karunga nonyara zamwene.
Currently Selected:
Exodus 31: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Exodus 31
31
Varugani woNkongoronzugo
(Ex 35:30—36:1)
1 Hompa ta tantere hena Mosesa asi: 2“Ame na horowora Besareli munwaUli zaHuru gomorudi rwaJuda. 3Ame na mu zwida mpepo zaKarunga asi a kare nounkurungu nomayere nonondunge dankenye karugana, 4mokufaneka paunkurungu nomokurugana yongorodo neyi yosisiliveli neyi yongoporo, 5nokuhonga mamanya gomutaro noyitji nankenye karugana kopaunkurungu. 6Ame na mu horowera hena Oholiyaba munwaAhisamaki gomorudi rwaDana, nga rugane nendi. Nonkurungu na di pe unongo wounzi, asi ngava vhure kurugana nayinye eyi na ku tantere: 7Nkongoronzugo nosikesa, omu ngamu kara yipango, nombando zaso neyi nayinye ya hamena koNkongoronzugo, 8nositafura noyiruganeso yaso, nouzweko wongorodo zene‐zene noyiruganeso yawo nayinye, nosizambero sokututumikidira yedumba lyewa, 9nosizambero sononzambo deswakerero noyiruganeso yaso nayinye, nosiyaha sokulikuhwira netako lyaso, 10noyikoverero yokupongoka peke‐peke, eyi ngava ruganesa oArona novana vendi wovagara noyiruganeso youpristeli, 11nomurora noyitutumikidiso yedumba lyewa. Pokurugana nayinye eyi, ngava yi rugana nawa‐nawa moomu nina ku tantere.”
Ezuva lyEpwizumuko
12 Hompa ta tantere hena Mosesa asi: 13“Tantera hena mbunga asi: ‘Omu sikise mo ezuva lyange lyepwizumuko, yeeyi alyo sidiviso pokatji ketu neni noruvharo rweni sokuhorora asi, ame Hompa nyame na mu ninka asi mu kare vantu vaamwange. 14Ano o sikise mo Ezuva lyEpwizumuko, yeeyi alyo kwa li ku pongwera. Ogu ana kudira kulipongora, yige kufa. A kare ogu ana kurugana mEzuva lyEpwizumuko, kumugusa mo movakwawo. 15O rugane yirugana yoge momazuva gatano‐nalimwe, nye ezuva lyautano‐nauvali, olyo Ezuva lyEpwizumuko lyene‐lyene, alyo kwa pongokera Hompa. Nkenye ogu a rugana karugana mezuva olyo, yige kufa. 16Mbunga zaIsraeli a zi sikise mo Ezuva lyEpwizumuko — nava ngava kwama ko navenye yiwo kulisikisa mo. Aga malikwatakano gokukererera po narunye. 17Esi sidiviso sanarunye sopokatji ketu noVaisraeli, yeeyi ame Hompa kwa sitire eguru nevhu momazuva gatano‐nalimwe, nye mezuva lyautano‐nauvali yipo na hulisire yirugana, ni pwizumuke.’ ”
18 Hompa eyi ga mana kuuyunga naMosesa koNdundu zaSinayi, makura ta mu pe yitafura yivali yoyipango. Ayo kwa kere yitafura yomamanya, eyi ga tjangere Karunga nonyara zamwene.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003