2 Vakolinte 8
8
Yigava yovakriste
1Vakwetu, ose kuna hara tu mu divise ko eyi lya rugana efironkenda lyaKarunga monombungakriste daMakedoniya. 2Awo kwa kere nomaheteko gomanzi morwamaudigu gavene noruhepo rorunene, nye ehafo lyawo enene lya kere, yiyo va gava mauhwi gomanene nonomutjima donongwa. 3Ame nyame ndipo zawo asi awo kwa geve paapa va hulira, hawe, kwa pitakanesere. Nye meharo lyavene 4kwa tu likwamberere unene asi va va tambwire megwanekero lyava ava kwafa vantu vaKarunga. 5Awo kwa rugana yokupitakenesa pweyi twa gazarere. Yeeyi kwa hovere kuligava vene kwaHompa, ntani kwetu, moomu ga yi harere Karunga. 6Yipo nye twa ninka tu korangede Titusa, asi a sikise mo sirugana oso sonkenda mokatji keni namo, moomu ga si tameka nare. 7One vanangawo mweyi mwa kara nayo nayinye eyi: mepuro nomounongo wokuudisa nemedivo nomouradi wokutukwafa nemeharo eli mwa tu hara. Ano kareni nye vagavi nomosirugana esi sonkenda.
8Ezi kapisi veta nina kumutulira po. Nye kuna hara tupu kumulikida omu vana radipa vakweneni vamwe mokukwafa, ni heteke eharo lyeni nsene asi lyosili. 9One mwa diva nkenda zaHompa gwetu Jesus Kristusa asi, nampili ngomu ga kere ngawo, ga ya kere moruhepo mwarweni, asi one mu kare nongawo morwaruhepo rwendi.
10Ame tani mu pukurura mosininke esi, one ava komu kere womuhowo mumvhogu, kapisi meharo tupu lyokukwafa, nye nomokukwafa kwene namo. 11Sikiseni mo nye eyi mwa tameka! One mwa kere neharo lyokuyirugana, ano ntaantani tareni nye omu nomu yi sikisa mo pweyi mwa weka. 12Nye eharo lyokugava nsene polili, Karunga kupanda uhwi weni moomu mwa yi wekera, kapisi neyi mwa dira kuweka.
13Ame kapi nina gazara asi ni yi rerupikire vakweneni, nye one yi mu digopere, hawe, yi hetakane pauhunga. 14Pwantaantani, one muna kara neyi yoyinzi. Sininke sosiwa po nsene mu yi kwafesa vanaruhepo. Nye none nsene ngomu kara moruhepo, nawo ngava mu kwafesesa kweyi va weka, makura yininke ngayi lize nye. 15Moomu ga tanta matjangwa asi:
“Ogu ga lipongaikira yoyinzi,
neisi ga hupisa po,
ano nogu ga lipongaikira yoyinunu,
kapi ga hepa yuma.”
Titusa novakwawo
16Ose tatu pandura Karunga morwa ana radipike Titusa a ya mu kwafe ngwendi nyose! 17Kapi ana kuwiza kweni morwehundiro lyetu tupu, nye namwene nare ga yi tokomena yokuwiza kweni neharo lyewa. 18Ose kuna kumutuma namukwawo ogu ga fumana monombungakriste nadinye, morwakuudisa kwendi Mbudi zoNgwa. 19Nye kapisi yeeyi yelike, nye age hena kwa mu horowora nombungakriste, a gende kumwe nose mosiruganankenda esi tuna kurugana morwakufumadekesa Hompa, nomorwakugava undipo weharo lyetu lyokukwafa vakwetetu.
20Ose kuyigendesa momuwa asi, va ha tu pa usima morwasirugana esi sokupongaika yigava yoyinzi. 21Yeeyi ose kwa tamba eyi yoyiwa po, kapisi kosipara saHompa selike, nokoyipara yovantu nako.
22Ose kuna kutuma mukwetetu gumwe kumwe novena vavali. Ose twa mu kona‐kona rorunzi, makura twa mu mona asi ga kara nouradi wounene. Ntaantani ana radiperere nye, kupitakana pwanare, yeeyi age kwa mu huguvara unene‐nene. 23Ogo Titusa, murugani mukwetu mokumukwafa. Owo vakwawo, nontumi donombungakriste dokufumadekesa Kristusa. 24Va tambureni mawoko gavali, nombungakriste nadinye di mone eharo lyeni neyi asi kulifumadeka kwetu mwarweni monzira kwa kara.
Currently Selected:
2 Vakolinte 8: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
2 Vakolinte 8
8
Yigava yovakriste
1Vakwetu, ose kuna hara tu mu divise ko eyi lya rugana efironkenda lyaKarunga monombungakriste daMakedoniya. 2Awo kwa kere nomaheteko gomanzi morwamaudigu gavene noruhepo rorunene, nye ehafo lyawo enene lya kere, yiyo va gava mauhwi gomanene nonomutjima donongwa. 3Ame nyame ndipo zawo asi awo kwa geve paapa va hulira, hawe, kwa pitakanesere. Nye meharo lyavene 4kwa tu likwamberere unene asi va va tambwire megwanekero lyava ava kwafa vantu vaKarunga. 5Awo kwa rugana yokupitakenesa pweyi twa gazarere. Yeeyi kwa hovere kuligava vene kwaHompa, ntani kwetu, moomu ga yi harere Karunga. 6Yipo nye twa ninka tu korangede Titusa, asi a sikise mo sirugana oso sonkenda mokatji keni namo, moomu ga si tameka nare. 7One vanangawo mweyi mwa kara nayo nayinye eyi: mepuro nomounongo wokuudisa nemedivo nomouradi wokutukwafa nemeharo eli mwa tu hara. Ano kareni nye vagavi nomosirugana esi sonkenda.
8Ezi kapisi veta nina kumutulira po. Nye kuna hara tupu kumulikida omu vana radipa vakweneni vamwe mokukwafa, ni heteke eharo lyeni nsene asi lyosili. 9One mwa diva nkenda zaHompa gwetu Jesus Kristusa asi, nampili ngomu ga kere ngawo, ga ya kere moruhepo mwarweni, asi one mu kare nongawo morwaruhepo rwendi.
10Ame tani mu pukurura mosininke esi, one ava komu kere womuhowo mumvhogu, kapisi meharo tupu lyokukwafa, nye nomokukwafa kwene namo. 11Sikiseni mo nye eyi mwa tameka! One mwa kere neharo lyokuyirugana, ano ntaantani tareni nye omu nomu yi sikisa mo pweyi mwa weka. 12Nye eharo lyokugava nsene polili, Karunga kupanda uhwi weni moomu mwa yi wekera, kapisi neyi mwa dira kuweka.
13Ame kapi nina gazara asi ni yi rerupikire vakweneni, nye one yi mu digopere, hawe, yi hetakane pauhunga. 14Pwantaantani, one muna kara neyi yoyinzi. Sininke sosiwa po nsene mu yi kwafesa vanaruhepo. Nye none nsene ngomu kara moruhepo, nawo ngava mu kwafesesa kweyi va weka, makura yininke ngayi lize nye. 15Moomu ga tanta matjangwa asi:
“Ogu ga lipongaikira yoyinzi,
neisi ga hupisa po,
ano nogu ga lipongaikira yoyinunu,
kapi ga hepa yuma.”
Titusa novakwawo
16Ose tatu pandura Karunga morwa ana radipike Titusa a ya mu kwafe ngwendi nyose! 17Kapi ana kuwiza kweni morwehundiro lyetu tupu, nye namwene nare ga yi tokomena yokuwiza kweni neharo lyewa. 18Ose kuna kumutuma namukwawo ogu ga fumana monombungakriste nadinye, morwakuudisa kwendi Mbudi zoNgwa. 19Nye kapisi yeeyi yelike, nye age hena kwa mu horowora nombungakriste, a gende kumwe nose mosiruganankenda esi tuna kurugana morwakufumadekesa Hompa, nomorwakugava undipo weharo lyetu lyokukwafa vakwetetu.
20Ose kuyigendesa momuwa asi, va ha tu pa usima morwasirugana esi sokupongaika yigava yoyinzi. 21Yeeyi ose kwa tamba eyi yoyiwa po, kapisi kosipara saHompa selike, nokoyipara yovantu nako.
22Ose kuna kutuma mukwetetu gumwe kumwe novena vavali. Ose twa mu kona‐kona rorunzi, makura twa mu mona asi ga kara nouradi wounene. Ntaantani ana radiperere nye, kupitakana pwanare, yeeyi age kwa mu huguvara unene‐nene. 23Ogo Titusa, murugani mukwetu mokumukwafa. Owo vakwawo, nontumi donombungakriste dokufumadekesa Kristusa. 24Va tambureni mawoko gavali, nombungakriste nadinye di mone eharo lyeni neyi asi kulifumadeka kwetu mwarweni monzira kwa kara.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003