2 Vakolinte 7
7
1Vakwetu ava na hara, matumbwidiro nagenye aga kwetu ga hamena. Ano atu lizereseni nyamwetu kwanayinye eyi ayi nyateke korutu nokomwenyo. Tu kondjereni po etjiroKarunga, oku tatu mu lipongwere muntu namunye.
Ehafo lyaPaurusa
2Tu peni mo evega monomutjima deni. Nagumwe si ogu twa rugana yoyidona, nagumwe si ogu twa zonagura, nagumwe si ogu twa hakana. 3Ame kapi nina kuyiuyungira eyi asi tani mu pangura. Nare na tanta asi ose kwa mu hara unene asi tu kareni kumwe nkenye apa, tu paruke ndi tu fe. 4Ame kwa mu huguvara unene; kulifumadeka kwange mwarweni kunene. Uradi mwange kuna zura, ruhafo rwange runene momaudigu getu nagenye.
5Napa si twa wizire moMakedoniya, kapi twa gwene epwizumuko nampili nakauke. Maudigu kwa tu kere konombinga nadinye; novantu yikotjongana, ano monomutjima detu utjirwe. 6Nye Karunga ogu a pe upampi ava ava gu nomutjima pevhu, age kwa tu hengagwida pokuwiza Titusa. 7Kapisi kuwiza kwendi kwelike, nye noupampi weni ou mwa mu hengagwidisa. Yeeyi ga ya tu sansekera hena ediworoko lyeni neguwo lyeni nouradi weni mwarwange. Ehafo lyange yipo nye lina vhukire unene.
8Ame nampili ngomu na mu guvisisa kombilive zange, kapi nina yi pakere mbili. Nye na yi pakerere tupu mbili morwa na mwene asi mbilive za mu guvisire mpili ngomu ka kere asi karuwogona tupu. 9Ntaantani na hafa, nye kapisi morweguwo lyeni, nye yeeyi mwa guvararere mu litezurure. Ose kapi twa mu reterere simpagwa, yeeyi one kwa guvarerere moomu ga yi harerere Karunga. 10Eguwo lyekeharo lyaKarunga kureta elitezururo, eli ali reta eparu. Eguwo lyangoso muntu nokulilivera si. Nye eguwo lyeyi youzuni kureta nomfa. 11Tareni tupu nye eyi lya mu retera eguwo lyekeharo lyaKarunga. Lyene elipangero tupu nye, wene uradi tupu nye, wene utondwe wonzo tupu nye, sene sinka tupu nye, lyene ediworoko tupu nye, wene upampi tupu nye, gene maliwapaiko tupu nye gokunyokera udona. Mwanayinye muna moneka asi, one mutupu mo usima mosininke esi.
12Nampili ngomu na mu tjangerere, kapi na tembe ogu ga rugana yoyidona ndi gogu va rugana yoyidona, nye mwangesi asi ni mu likide uradi weni morwetu mu u limonene nyone vene kosipara saKarunga. 13Eyi yiyo nye yina tu pe mupampi.
Eyi yina tu hafesa unene ehafo lyaTitusa, yeeyi mpepo zendi mwa zi tendeka one namuvenye. 14Yeeyi nsene na mu fumadeka kosipara sendi, kapi ya fisa nge nomuga, moomu ya kara eyi twa mu tantera yosili, neyi twa mu fumadeka kwaTitusa, nayo ya moneka asi yosili. 15One kwa mu za unene komutjima, mokudiworoka elimburuko lyeni namuvenye, nomu mwa mu tambwire moutjirwe oku tomu kankama. 16Ee, ehafo lyange musi kounene morwa kuvhura kumuhuguvara mwanayinye!
Currently Selected:
2 Vakolinte 7: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
2 Vakolinte 7
7
1Vakwetu ava na hara, matumbwidiro nagenye aga kwetu ga hamena. Ano atu lizereseni nyamwetu kwanayinye eyi ayi nyateke korutu nokomwenyo. Tu kondjereni po etjiroKarunga, oku tatu mu lipongwere muntu namunye.
Ehafo lyaPaurusa
2Tu peni mo evega monomutjima deni. Nagumwe si ogu twa rugana yoyidona, nagumwe si ogu twa zonagura, nagumwe si ogu twa hakana. 3Ame kapi nina kuyiuyungira eyi asi tani mu pangura. Nare na tanta asi ose kwa mu hara unene asi tu kareni kumwe nkenye apa, tu paruke ndi tu fe. 4Ame kwa mu huguvara unene; kulifumadeka kwange mwarweni kunene. Uradi mwange kuna zura, ruhafo rwange runene momaudigu getu nagenye.
5Napa si twa wizire moMakedoniya, kapi twa gwene epwizumuko nampili nakauke. Maudigu kwa tu kere konombinga nadinye; novantu yikotjongana, ano monomutjima detu utjirwe. 6Nye Karunga ogu a pe upampi ava ava gu nomutjima pevhu, age kwa tu hengagwida pokuwiza Titusa. 7Kapisi kuwiza kwendi kwelike, nye noupampi weni ou mwa mu hengagwidisa. Yeeyi ga ya tu sansekera hena ediworoko lyeni neguwo lyeni nouradi weni mwarwange. Ehafo lyange yipo nye lina vhukire unene.
8Ame nampili ngomu na mu guvisisa kombilive zange, kapi nina yi pakere mbili. Nye na yi pakerere tupu mbili morwa na mwene asi mbilive za mu guvisire mpili ngomu ka kere asi karuwogona tupu. 9Ntaantani na hafa, nye kapisi morweguwo lyeni, nye yeeyi mwa guvararere mu litezurure. Ose kapi twa mu reterere simpagwa, yeeyi one kwa guvarerere moomu ga yi harerere Karunga. 10Eguwo lyekeharo lyaKarunga kureta elitezururo, eli ali reta eparu. Eguwo lyangoso muntu nokulilivera si. Nye eguwo lyeyi youzuni kureta nomfa. 11Tareni tupu nye eyi lya mu retera eguwo lyekeharo lyaKarunga. Lyene elipangero tupu nye, wene uradi tupu nye, wene utondwe wonzo tupu nye, sene sinka tupu nye, lyene ediworoko tupu nye, wene upampi tupu nye, gene maliwapaiko tupu nye gokunyokera udona. Mwanayinye muna moneka asi, one mutupu mo usima mosininke esi.
12Nampili ngomu na mu tjangerere, kapi na tembe ogu ga rugana yoyidona ndi gogu va rugana yoyidona, nye mwangesi asi ni mu likide uradi weni morwetu mu u limonene nyone vene kosipara saKarunga. 13Eyi yiyo nye yina tu pe mupampi.
Eyi yina tu hafesa unene ehafo lyaTitusa, yeeyi mpepo zendi mwa zi tendeka one namuvenye. 14Yeeyi nsene na mu fumadeka kosipara sendi, kapi ya fisa nge nomuga, moomu ya kara eyi twa mu tantera yosili, neyi twa mu fumadeka kwaTitusa, nayo ya moneka asi yosili. 15One kwa mu za unene komutjima, mokudiworoka elimburuko lyeni namuvenye, nomu mwa mu tambwire moutjirwe oku tomu kankama. 16Ee, ehafo lyange musi kounene morwa kuvhura kumuhuguvara mwanayinye!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003