Riwayat Rasul-Rasul Isa 6
6
Pitu tau yapili umin tulung rasul-rasul
1Pang waya nan, muntu tau-tau turit Isa sanarang peno, tau-tau Yahudi ade kenang basa Yunani#6:1 tau-tau Yahudi ade kenang basa Yunani: Kapeno tau ade nyadu lako Isa pang masa nan yanansi tau Yahudi ade biasa kenang basa Aram ade parak ke basa Ibrani. Ke ade lin tau nyadu pang masa nan yanansi tau-tau Yahudi ade kenang basa Yunani. Tau-tau ade kenang basa Yunani nan marasa yasalin cara jampang kalis tau-tau ade kenang basa Ibrani nan. ngote luk tau-tau Yahudi ade kenang basa Ibrani, apaling tau-tau sawai balu tau Yahudi ade kenang basa Yunani nan, nongka dapat panulung ade yabagi umin katelas saruntung ano mara tau-tau balu ade kenang basa Ibrani. 2Ling luk nan sadua olas rasul-rasul nan yakelek sarea tau ade nyadu lako Isa mabau baremin, ke beling, "Nongka balong lamin tubarenang sanapat Firman Alatala kalangan rea tujampang me aiʼ bae. 3Ling luk nan, sanak sawai salaki, nene pili mo pitu tau kalis nene ade tuto luk balong sifat sato, lempo ke Ruh Alatala ke ade bijaksana benar, mabau kami angkat taunan umin jampang me aiʼ nan. 4Ke kewa nan luk bauʼ kami tekun eneng doa ke sanapat Firman Alatala."
5Usul nan yatarima kewa balong ling sarea tau nyadu. Karing taunan yapili mo Stefanus, tau ade rea panyadu lako Alatala ade lempo ke Ruh Alatala. Selin ke Stefanus taunan ampo yapili Filipus, Prokhorus, Nikanor, Timon, Parmenas ke Nikolaus kalis kota Antiokhia ade tama agama Yahudi.
6Sapitu taunan yabawa lako angkang rasul-rasul, teris rasul-rasul eneng doa rena olo ima pang bao taunan mabau dapat panulung kalis Alatala umin sapalangan boat taunan. 7Nan mo luk Firman Alatala sanarang sasir barungan, ke tau-tau turit Isa sanarang peno pang Yerusalem. Selin ke nan peno imam nyadu lako Isa.
Tau-tau tudu Stefanus
8Stefanus lempo ke kawasa ade yabeang ling Alatala, nan bua nya sangada mujizat ke tanda ajaib pang tenga-tenga tau peno. 9Konang ada tau-tau ade tentang Stefanus kewa pangkeling ade keras. Taunan yanansi pida-pida tau Yahudi kalis bale ibada ade yasepan Bale Ibada Ulin-Ulin Ade Ka Yasabebas kalis kota Kirene ke kota Iskandaria. Ke ada si ampo pida-pida tau Yahudi kalis Propinsi Kilikia ke Asia ade turit tentang Stefanus. 10Konang taunan no bauʼ kewa Stefanus apaling Ruh Alatala samampu nya bakarante kewa bijaksana. 11Teris taunan yausuk pida-pida tau kewa tedu-tedu mabau beling, "Ka tumenong tau ta hina Nabi Musa ke Alatala!" 12Nan nya ka luk taunan yausuk tau peno ke tau-tau loka Yahudi ke ahli-ahli Kitab Suci Taurat. Teris taunan yabau Stefanus, yaoras ke yabawa lako angkang Dewan Pengadilan Agama. 13Karing taunan yasangangkang saksi-saksi bola ade beling, "Tau ta teris-teris hina Balaʼ Alatala ade suci ke hukum Taurat. 14Apaling ka kami menong nya beling luk Isa tau Nazaret nan sate yasareba Balaʼ Alatala, ke yauba kamiasa ade ka yasaturin ling Nabi Musa lako kita!" 15Sarea tau ade ada pang Dewan Pengadilan Agama Yahudi nan yapaniat Stefanus ke yaingo idung mata lis caya mara malaikat#6:15 idung mata lis caya mara malaikat: Idung mata Stefanus mungkin lis caya mara idung mata Nabi Musa mara ade ka yatulis pang Kitab Keluaran 34:29 ke ayat 35, ke sangita luk Alatala ada barema-rema ke nya..
Currently Selected:
Riwayat Rasul-Rasul Isa 6: SMW
Highlight
Copy
Compare
Share
Want to have your highlights saved across all your devices? Sign up or sign in
©️2025 The Seed Company
Riwayat Rasul-Rasul Isa 6
6
Pitu tau yapili umin tulung rasul-rasul
1Pang waya nan, muntu tau-tau turit Isa sanarang peno, tau-tau Yahudi ade kenang basa Yunani#6:1 tau-tau Yahudi ade kenang basa Yunani: Kapeno tau ade nyadu lako Isa pang masa nan yanansi tau Yahudi ade biasa kenang basa Aram ade parak ke basa Ibrani. Ke ade lin tau nyadu pang masa nan yanansi tau-tau Yahudi ade kenang basa Yunani. Tau-tau ade kenang basa Yunani nan marasa yasalin cara jampang kalis tau-tau ade kenang basa Ibrani nan. ngote luk tau-tau Yahudi ade kenang basa Ibrani, apaling tau-tau sawai balu tau Yahudi ade kenang basa Yunani nan, nongka dapat panulung ade yabagi umin katelas saruntung ano mara tau-tau balu ade kenang basa Ibrani. 2Ling luk nan sadua olas rasul-rasul nan yakelek sarea tau ade nyadu lako Isa mabau baremin, ke beling, "Nongka balong lamin tubarenang sanapat Firman Alatala kalangan rea tujampang me aiʼ bae. 3Ling luk nan, sanak sawai salaki, nene pili mo pitu tau kalis nene ade tuto luk balong sifat sato, lempo ke Ruh Alatala ke ade bijaksana benar, mabau kami angkat taunan umin jampang me aiʼ nan. 4Ke kewa nan luk bauʼ kami tekun eneng doa ke sanapat Firman Alatala."
5Usul nan yatarima kewa balong ling sarea tau nyadu. Karing taunan yapili mo Stefanus, tau ade rea panyadu lako Alatala ade lempo ke Ruh Alatala. Selin ke Stefanus taunan ampo yapili Filipus, Prokhorus, Nikanor, Timon, Parmenas ke Nikolaus kalis kota Antiokhia ade tama agama Yahudi.
6Sapitu taunan yabawa lako angkang rasul-rasul, teris rasul-rasul eneng doa rena olo ima pang bao taunan mabau dapat panulung kalis Alatala umin sapalangan boat taunan. 7Nan mo luk Firman Alatala sanarang sasir barungan, ke tau-tau turit Isa sanarang peno pang Yerusalem. Selin ke nan peno imam nyadu lako Isa.
Tau-tau tudu Stefanus
8Stefanus lempo ke kawasa ade yabeang ling Alatala, nan bua nya sangada mujizat ke tanda ajaib pang tenga-tenga tau peno. 9Konang ada tau-tau ade tentang Stefanus kewa pangkeling ade keras. Taunan yanansi pida-pida tau Yahudi kalis bale ibada ade yasepan Bale Ibada Ulin-Ulin Ade Ka Yasabebas kalis kota Kirene ke kota Iskandaria. Ke ada si ampo pida-pida tau Yahudi kalis Propinsi Kilikia ke Asia ade turit tentang Stefanus. 10Konang taunan no bauʼ kewa Stefanus apaling Ruh Alatala samampu nya bakarante kewa bijaksana. 11Teris taunan yausuk pida-pida tau kewa tedu-tedu mabau beling, "Ka tumenong tau ta hina Nabi Musa ke Alatala!" 12Nan nya ka luk taunan yausuk tau peno ke tau-tau loka Yahudi ke ahli-ahli Kitab Suci Taurat. Teris taunan yabau Stefanus, yaoras ke yabawa lako angkang Dewan Pengadilan Agama. 13Karing taunan yasangangkang saksi-saksi bola ade beling, "Tau ta teris-teris hina Balaʼ Alatala ade suci ke hukum Taurat. 14Apaling ka kami menong nya beling luk Isa tau Nazaret nan sate yasareba Balaʼ Alatala, ke yauba kamiasa ade ka yasaturin ling Nabi Musa lako kita!" 15Sarea tau ade ada pang Dewan Pengadilan Agama Yahudi nan yapaniat Stefanus ke yaingo idung mata lis caya mara malaikat#6:15 idung mata lis caya mara malaikat: Idung mata Stefanus mungkin lis caya mara idung mata Nabi Musa mara ade ka yatulis pang Kitab Keluaran 34:29 ke ayat 35, ke sangita luk Alatala ada barema-rema ke nya..
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©️2025 The Seed Company