Riwayat Rasul-Rasul Isa 5
5
Ananias ke Safira bola lako Ruh Alatala
1Ada sopo tau salaki ade basingin Ananias. Nya ke sawaiʼ yanansi Safira, yajual sopo katokal tana ade yakamaeng ling taunan. 2Kewa pangeto sawaiʼ sabela pipis tana ade ka yajual nan yasio ling Ananias, ke ade sabela yabawa ke yasera lako rasul-rasul kewa beling nan lowe pipis tana ade ka yajual nan. 3Karing beling mo Petrus, "Ananias kakuda bua atemu yakuasai ling Iblis, jangka mubola lako Ruh Alatala kewa musio sabela pipis tana ade ka mujual nan? 4Sanopoka tana nan mujual kau si baeng, ke kasuda mujual, tetap si pipis tana nan kau baeng. Kakuda pang dalam atemu muboat ade nan luk? Kau nan siong mubola lako manusia konang mubola lako Alatala." 5Muntu yamenong pangkeling nan ling Ananias, teris teri ke mate mo nya. Karing sarea tau ade menong luk nan dadi katakit benar. 6Karing datang mo pida-pida tau taruna, yabokas ke yaisung mayit Ananias nan ko luar ke teris yakubir.
7Kira-kira selang telu jam, tama mo sawaiʼ Ananias, konang nya nongka yato apa ade ka dadi pang nan. 8Karing beling Petrus lako nya, "Bada' lako aku, tutu ke ta lowe ka mujual tana nan?"
Nyamung sawaiʼ Ananias, "Tutu si nan lowe."
9Teris beling Petrus, "Kakuda bua nene sasopo karante sate kelo Ruh Alatala? Gita! Tau-tau ade beru ka kubir salakiʼmu ada manang pang angkang lawang, ke taunan si ade yaisung mayitmu bawa lis." 10Teris teri mo Safira pang angkang Petrus ke mate. Muntu tau-tau taruna nan tama, yadapat mo Safira kamo mate. Karing yaisung mo mayit nya ko luar ke yakubir barendeng ke salakiʼ. 11Teris katakit benar mo jemaah Isa ke sarea tau ade ka menong apa ade kamo dadi nan.
Rasul-rasul pina tanda-tanda ajaib ke mujizat-mujizat
12Rasul-rasul nan peno sangada tanda-tanda ajaib ke mujizat-mujizat pang tenga-tenga tau peno. Sarea tau nyadu rajin baremin kewa sopo ate pang Teras Sulaiman. 13Tau-tau lin nonda ade baraning basaiʼ ke tau-tau nyadu nan, konang taunan tutu-tutu yahormat ling tau peno. 14Sanarang le sanarang peno tau sawai salaki ade nyadu lako Junjungan Ade Ilahi. 15Ling sarea ade ka dadi nan, tau-tau sakit yabawa lis ko ola rea ke yasangulang pang bao pantar atawa tipar, mabau lamin Petrus liwat paling sakedi tau-tau ade sakit nan bauʼ kena ke leno Petrus. 16Ke peno si ampo tau datang kalis kota-kota ade parak ke Yerusalem bawa tau-tau sakit ke tau-tau ade yatama ling setan. Ke sarea taunan yasaterang.
Rasul-rasul yalepas kalis dalam bui ling malaikat
17Teris mulai mo Imam Ade Paling Rea nan ke tau-tau turit nya, yanansi tau-tau kalis golongan Saduki#5:17 Saduki yanansi tau-tau kalis golongan agama Yahudi ade no nyadu luk ada malaikat ke ada katelas kabali kalis kamate, mulai mo yaboat karasate taunan apaling iri benar ate lako rasul-rasul nan. 18Taunan yabau rasul-rasul nan ke yasatama lako dalam bui#5:18 Bui ta yanansi bui biasa pang tau jahat siong bui kusus mara bui pang tahan tau politik atawa tau ade ada masala ke agama.. 19Konang pang waya petang sopo malaikat Alatala yauleng lawang-lawang bui nan ke yabawa lis rasul-rasul nan. 20Ke beling malaikat nan lako taunan, "Lalo ke manang mo pang Balaʼ Alatala ke sanapat mo lako tau peno nan rungan luk katelas ade nonda kasuda." 21Kasuda yamenong pangkeling nan, jaga benar taunan tama mo ko dalam Balaʼ Alatala ke mulai mo ngajar pang nan.
Muntu nan Imam Ade Paling Rea ke tau-tau turit nya yakelek Dewan Pengadilan Agama Yahudi, yanansi sarea tau-tau loka Yahudi, mabau batompok. Ke taunan yasuru bawa rasul-rasul nan kalis dalam bui. 22Konang muntu tau-tau ade ka yasuru nan dapat bui, nonda yadapat rasul-rasul nan pang dalam bui nan. Karing ramalik mo taunan ke ramada', 23"Muntu kami dapat ana lawang-lawang bui nan katutup kewa balong ke sarea pengawal ada manang pang angkang lawang-lawang nan, konang muntu kami uleng lawang-lawang bui nan nonda tudapat sanompo tau pang dalam nan." 24Muntu kepala pengawal Balaʼ Alatala ke imam-imam rea yamenong luk nan, taunan dadi bingung luk apa ade bauʼ dadi mudi.
25Karing datang mo sopo tau ramada, beling nya, "Sanenge! Tau-tau ade ka satama ling sia sarea lako dalam bui ada manang pang dalam Balaʼ Alatala ke muntu ajar tau peno."
Rasul-rasul yasidang
26Karing lalo mo kepala pengawal ke pengawal-pengawal lako Balaʼ Alatala, teris yabawa rasul-rasul nan, konang nongka kewa paksa apaling kepala pengawal ke pengawal-pengawal katakit naʼ kena tau peno nan palentong taunan ke batu. 27Taunan yabawa rasul-rasul nan ke yasangangkang ko angkang Dewan Pengadilan Agama Yahudi. Karing Imam Ade Paling Rea mulai mo yaperiksa rasul-rasul nan. 28Beling Imam Ade Paling Rea nan, "Kuda kamo kami pelang nene kewa keras mabau man mo nene ajar tau kenang Singin nan? Konang to, kamo nene salempo Yerusalem ke pangajar nene ke nene tudu kalangan rea kami Isa nan ka yasamate."
29Konang Petrus ke rasul-rasul nan nyamung, "Kami mesti lebe taat lako Alatala katimbang lako manusia! 30Isa ade ka nene samate pang kayu palang nan kamo yasatelas kalis kamate ling Alatala ade yasemba ling balo tolo kita.
31Ke Isa mo ade ka yasatingi ling Alatala pang satoe kanan Diri, yanansi katokal ade paling tingi ke bakawasa, umin dadi Pemimpin ke Tau Basalamat. Alatala yaboat denan mabau kita tau-tau Yahudi bauʼ ramalik kalis kaboat jahattu ke dosa-dosatu yaampin ling Diri. 32Kami ta saksi ade baeng sanapat sarea luk nan barema ke Ruh Alatala ade kamo yabeang ling Alatala lako tau-tau ade taat lako Diri."
33Beru yamenong pangkeling nan ling Dewan Pengadilan Agama nan, taunan dadi ngarai benar ke sate yasamate rasul-rasul nan. 34Konang sopo tau Farisi kalis Dewan Pengadilan Agama nan ade basingin Gamaliel, yanansi sopo ahli Kitab Suci Taurat ade yahormat benar ling sarea tau peno, koat ke yaparinta mabau rasul-rasul nan yabawa lis sangara. 35Kasuda nan, nya beling lako anggota-anggota Dewan Pengadilan ade lin, "We sanak-sanak salaki, tau-tau Yahudi, timang mo balong-balong apa ade sate nene boat lako tau-tau ta! 36Apaling dunung kamo ada tau ade basingin Teudas, ade aku' diri hebat ke tau-tau ade turit nya malowe kira-kira empat ratis tau. Konang nya yasamate ke tau-tau ade turit nya baseka koto kota ke nomongka basatomas ampo. 37Suda nan, waya sensus penduduk, ada tau ade basingin Yudas, tau Galilea. Nya yaajak peno tau mabau nurit kewa pamerinta. Konang nya ampo yasamate si ke sarea tau ade turit nya baseka koto kota. 38Ling luk nan kubeling lako nene, naʼ mo nene boat apa-apa lako tau-tau ta. Beang mo taunan, apaling lamin maksud ke kaboat taunan kalis manusia pasti mo taunan ya nonda. 39Konang, lamin kalis Alatala, no nene bauʼ saparenang tau-tau ta. Mala nakena nene kewa Alatala." Pasatotang nan yatarima ling taunan. 40Karing yakelek mo rasul-rasul nan ling taunan, teris yarapi' ke yapelang ngajar kenang singin Isa. Kasuda nan nan po yalepas rasul-rasul nan.
41Rasul-rasul nan bilin Dewan Pengadilan Agama nan kewa kameri kamore, apaling rasul-rasul nan yaanggap pantas yasasakit kalangan rea singin Isa. 42Ke saruntung ano pang Balaʼ Alatala ke pang bale-bale tau, rasul-rasul no barenang ngajar ke sanapat Rungan Balong luk Isa nan yanansi Raja Basalamat Ade Yajangiʼ Ling Alatala.
Currently Selected:
Riwayat Rasul-Rasul Isa 5: SMW
Highlight
Copy
Compare
Share
Want to have your highlights saved across all your devices? Sign up or sign in
©️2025 The Seed Company
Riwayat Rasul-Rasul Isa 5
5
Ananias ke Safira bola lako Ruh Alatala
1Ada sopo tau salaki ade basingin Ananias. Nya ke sawaiʼ yanansi Safira, yajual sopo katokal tana ade yakamaeng ling taunan. 2Kewa pangeto sawaiʼ sabela pipis tana ade ka yajual nan yasio ling Ananias, ke ade sabela yabawa ke yasera lako rasul-rasul kewa beling nan lowe pipis tana ade ka yajual nan. 3Karing beling mo Petrus, "Ananias kakuda bua atemu yakuasai ling Iblis, jangka mubola lako Ruh Alatala kewa musio sabela pipis tana ade ka mujual nan? 4Sanopoka tana nan mujual kau si baeng, ke kasuda mujual, tetap si pipis tana nan kau baeng. Kakuda pang dalam atemu muboat ade nan luk? Kau nan siong mubola lako manusia konang mubola lako Alatala." 5Muntu yamenong pangkeling nan ling Ananias, teris teri ke mate mo nya. Karing sarea tau ade menong luk nan dadi katakit benar. 6Karing datang mo pida-pida tau taruna, yabokas ke yaisung mayit Ananias nan ko luar ke teris yakubir.
7Kira-kira selang telu jam, tama mo sawaiʼ Ananias, konang nya nongka yato apa ade ka dadi pang nan. 8Karing beling Petrus lako nya, "Bada' lako aku, tutu ke ta lowe ka mujual tana nan?"
Nyamung sawaiʼ Ananias, "Tutu si nan lowe."
9Teris beling Petrus, "Kakuda bua nene sasopo karante sate kelo Ruh Alatala? Gita! Tau-tau ade beru ka kubir salakiʼmu ada manang pang angkang lawang, ke taunan si ade yaisung mayitmu bawa lis." 10Teris teri mo Safira pang angkang Petrus ke mate. Muntu tau-tau taruna nan tama, yadapat mo Safira kamo mate. Karing yaisung mo mayit nya ko luar ke yakubir barendeng ke salakiʼ. 11Teris katakit benar mo jemaah Isa ke sarea tau ade ka menong apa ade kamo dadi nan.
Rasul-rasul pina tanda-tanda ajaib ke mujizat-mujizat
12Rasul-rasul nan peno sangada tanda-tanda ajaib ke mujizat-mujizat pang tenga-tenga tau peno. Sarea tau nyadu rajin baremin kewa sopo ate pang Teras Sulaiman. 13Tau-tau lin nonda ade baraning basaiʼ ke tau-tau nyadu nan, konang taunan tutu-tutu yahormat ling tau peno. 14Sanarang le sanarang peno tau sawai salaki ade nyadu lako Junjungan Ade Ilahi. 15Ling sarea ade ka dadi nan, tau-tau sakit yabawa lis ko ola rea ke yasangulang pang bao pantar atawa tipar, mabau lamin Petrus liwat paling sakedi tau-tau ade sakit nan bauʼ kena ke leno Petrus. 16Ke peno si ampo tau datang kalis kota-kota ade parak ke Yerusalem bawa tau-tau sakit ke tau-tau ade yatama ling setan. Ke sarea taunan yasaterang.
Rasul-rasul yalepas kalis dalam bui ling malaikat
17Teris mulai mo Imam Ade Paling Rea nan ke tau-tau turit nya, yanansi tau-tau kalis golongan Saduki#5:17 Saduki yanansi tau-tau kalis golongan agama Yahudi ade no nyadu luk ada malaikat ke ada katelas kabali kalis kamate, mulai mo yaboat karasate taunan apaling iri benar ate lako rasul-rasul nan. 18Taunan yabau rasul-rasul nan ke yasatama lako dalam bui#5:18 Bui ta yanansi bui biasa pang tau jahat siong bui kusus mara bui pang tahan tau politik atawa tau ade ada masala ke agama.. 19Konang pang waya petang sopo malaikat Alatala yauleng lawang-lawang bui nan ke yabawa lis rasul-rasul nan. 20Ke beling malaikat nan lako taunan, "Lalo ke manang mo pang Balaʼ Alatala ke sanapat mo lako tau peno nan rungan luk katelas ade nonda kasuda." 21Kasuda yamenong pangkeling nan, jaga benar taunan tama mo ko dalam Balaʼ Alatala ke mulai mo ngajar pang nan.
Muntu nan Imam Ade Paling Rea ke tau-tau turit nya yakelek Dewan Pengadilan Agama Yahudi, yanansi sarea tau-tau loka Yahudi, mabau batompok. Ke taunan yasuru bawa rasul-rasul nan kalis dalam bui. 22Konang muntu tau-tau ade ka yasuru nan dapat bui, nonda yadapat rasul-rasul nan pang dalam bui nan. Karing ramalik mo taunan ke ramada', 23"Muntu kami dapat ana lawang-lawang bui nan katutup kewa balong ke sarea pengawal ada manang pang angkang lawang-lawang nan, konang muntu kami uleng lawang-lawang bui nan nonda tudapat sanompo tau pang dalam nan." 24Muntu kepala pengawal Balaʼ Alatala ke imam-imam rea yamenong luk nan, taunan dadi bingung luk apa ade bauʼ dadi mudi.
25Karing datang mo sopo tau ramada, beling nya, "Sanenge! Tau-tau ade ka satama ling sia sarea lako dalam bui ada manang pang dalam Balaʼ Alatala ke muntu ajar tau peno."
Rasul-rasul yasidang
26Karing lalo mo kepala pengawal ke pengawal-pengawal lako Balaʼ Alatala, teris yabawa rasul-rasul nan, konang nongka kewa paksa apaling kepala pengawal ke pengawal-pengawal katakit naʼ kena tau peno nan palentong taunan ke batu. 27Taunan yabawa rasul-rasul nan ke yasangangkang ko angkang Dewan Pengadilan Agama Yahudi. Karing Imam Ade Paling Rea mulai mo yaperiksa rasul-rasul nan. 28Beling Imam Ade Paling Rea nan, "Kuda kamo kami pelang nene kewa keras mabau man mo nene ajar tau kenang Singin nan? Konang to, kamo nene salempo Yerusalem ke pangajar nene ke nene tudu kalangan rea kami Isa nan ka yasamate."
29Konang Petrus ke rasul-rasul nan nyamung, "Kami mesti lebe taat lako Alatala katimbang lako manusia! 30Isa ade ka nene samate pang kayu palang nan kamo yasatelas kalis kamate ling Alatala ade yasemba ling balo tolo kita.
31Ke Isa mo ade ka yasatingi ling Alatala pang satoe kanan Diri, yanansi katokal ade paling tingi ke bakawasa, umin dadi Pemimpin ke Tau Basalamat. Alatala yaboat denan mabau kita tau-tau Yahudi bauʼ ramalik kalis kaboat jahattu ke dosa-dosatu yaampin ling Diri. 32Kami ta saksi ade baeng sanapat sarea luk nan barema ke Ruh Alatala ade kamo yabeang ling Alatala lako tau-tau ade taat lako Diri."
33Beru yamenong pangkeling nan ling Dewan Pengadilan Agama nan, taunan dadi ngarai benar ke sate yasamate rasul-rasul nan. 34Konang sopo tau Farisi kalis Dewan Pengadilan Agama nan ade basingin Gamaliel, yanansi sopo ahli Kitab Suci Taurat ade yahormat benar ling sarea tau peno, koat ke yaparinta mabau rasul-rasul nan yabawa lis sangara. 35Kasuda nan, nya beling lako anggota-anggota Dewan Pengadilan ade lin, "We sanak-sanak salaki, tau-tau Yahudi, timang mo balong-balong apa ade sate nene boat lako tau-tau ta! 36Apaling dunung kamo ada tau ade basingin Teudas, ade aku' diri hebat ke tau-tau ade turit nya malowe kira-kira empat ratis tau. Konang nya yasamate ke tau-tau ade turit nya baseka koto kota ke nomongka basatomas ampo. 37Suda nan, waya sensus penduduk, ada tau ade basingin Yudas, tau Galilea. Nya yaajak peno tau mabau nurit kewa pamerinta. Konang nya ampo yasamate si ke sarea tau ade turit nya baseka koto kota. 38Ling luk nan kubeling lako nene, naʼ mo nene boat apa-apa lako tau-tau ta. Beang mo taunan, apaling lamin maksud ke kaboat taunan kalis manusia pasti mo taunan ya nonda. 39Konang, lamin kalis Alatala, no nene bauʼ saparenang tau-tau ta. Mala nakena nene kewa Alatala." Pasatotang nan yatarima ling taunan. 40Karing yakelek mo rasul-rasul nan ling taunan, teris yarapi' ke yapelang ngajar kenang singin Isa. Kasuda nan nan po yalepas rasul-rasul nan.
41Rasul-rasul nan bilin Dewan Pengadilan Agama nan kewa kameri kamore, apaling rasul-rasul nan yaanggap pantas yasasakit kalangan rea singin Isa. 42Ke saruntung ano pang Balaʼ Alatala ke pang bale-bale tau, rasul-rasul no barenang ngajar ke sanapat Rungan Balong luk Isa nan yanansi Raja Basalamat Ade Yajangiʼ Ling Alatala.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©️2025 The Seed Company