زبُور 99
99
دَ سِتایشِ خُدای مُقَدَّس
1خُداوند پادشاهی مُونه،
بیل که قَوم ها بِلَرزه!
اُو دَ مینکلِ کِرُوبی ها#۹۹:۱ «کِرُوبی ها» اِمکان دَره که «ملایکه های مُقَرِب» معنیٰ بِدیه. امچُنان بَلدِه فامِیدو دَ بارِه «کِرُوبی ها» دَ کِتابِ خرُوج ۲۵:۲۰-۱۸ رُجوع کُنِید. دَ تَخت خُو شِشته،
بیل که زمی تکان بُخوره.
2خُداوند دَ صَهیون بُزُرگ اَسته،
اُو دَ بَلِه تمامِ قَوم ها مُتعال اَسته.
3بیل که اُونا نامِ بُزُرگ و باهَیبَت تُو ره سِتایش کنه،
اُو مُقَدَّس اَسته.
4 بیل که قُوَتِ پادشاه که دوستدارِ اِنصاف اَسته سِتایش شُنه.
تُو برابری ره برقرار کدے،
و اِنصاف و عدالت ره دَ اسرائیل دَ جای اَوُردے.
5خُداوند، خُدای مو ره سِتایش کُنِید،
و دَ پیشِ قَدمگاهِ شی سَجده کُنِید.
اُو مُقَدَّس اَسته.
6مُوسیٰ و هارُون از جُملِه پیشوایون شی بُود
و سموئیل از جُملِه کسای که نامِ ازُو ره کُوی مُوکد؛
اُونا دَ پیشِ خُداوند ناله-و-فریاد کد
و اُو دُعای ازوا ره قبُول کد.
7اُو دَ وسِیلِه ستُونِ آوُر قد ازوا توره گُفت؛
اُونا احکام و قانُونِ ازُو ره که اُو دَزوا دَد دَ جای اَوُرد.
8اَی خُداوند، خُدای مو،
تُو دُعای ازوا ره قبُول کدی؛
تُو بَلدِه ازوا خُدای بخشاینده بُودی،
لیکِن ازوا بخاطرِ کارای بَدِ ازوا اِنتِقام گِرِفتی.
9خُداوند، خُدای مو ره سِتایش کُنِید،
و دَ کوهِ مُقَدَّس شی اُو ره سَجده کُنِید،
چراکه خُداوند، خُدای مو مُقَدَّس اَسته.
Currently Selected:
زبُور 99: HAZ
Highlight
Copy
Compare
Share
Want to have your highlights saved across all your devices? Sign up or sign in
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from Hazaragi Bible.
Copyright © 2025 UBS. Used by permission. All rights reserved.
