اوّلِ پِترُس 5

فصلِ پنجُم

نصِیحَت بَلدِه رِیش سفیدا و جوانا

1ما که خود مه یگ رِیش سفید و شاهِدِ رَنج-و-عَذابِ مسیح اَستُم و شرِیکِ بُزُرگی-و-جلالی که ظاهِر مُوشه، دَ رِیش سفیدای که دَ مینکل شُمو اَسته، نصِیحَت مُونُم: 2گَلِه خُدا ره که دَز شُمو سِپُرده شُده چوپونی کُنِید و فِکر خُو ره سُون شی بِگِیرِید، لیکِن نَه از رُوی مجبُوری، بَلکِه دَ رضای خُو، [امُو رقم که خُدا میخایه]#۵‏:۲ نوِشتِه داخِل قَوس دَ بعضی نُسخه های قدِیمی نِییه. و نَه ام بخاطرِ فایدِه شرم‌آوَر، بَلکِه بخاطرِ شَوق-و-علاقِه که دَرید. 3دَ بَلِه کسای که دَز شُمو سِپُرده شُده باداری نَکُنِید، بَلکِه بَلدِه امزُو گَله یگ سرمَشق بَشِید. 4و غَیتِیکه چوپونِ بُزُرگ#۵‏:۴ چوپونِ بُزُرگ یعنی عیسیٰ مسیح. ظاهِر مُوشه، شُمو تاجِ بُزُرگی-و-جلال ره دَ دِست میرِید که هرگِز خاصیَت خُو ره از دِست نَمِیدیه.

5امی رقم اَی جوانا، تابِع رِیش سفیدا بَشِید. اَرے، پگ شُمو قد یگدِیگِه خُو دَ فروتنی رفتار کُنِید،#۵‏:۵ دَ جای «دَ فروتنی رفتار کُنِید» دَ زِبونِ یونانی «فروتنی ره بُپوشِید» نوِشته یَه. چراکه

”خُدا قد آدمای مغرُور مُخالِفَت مُونه،

لیکِن دَ آدمای بےکِبر فَیض مُوبَخشه.“

6پس خودون خُو ره دَ زیرِ دِستِ پُرقُدرتِ خُدا فروتن کُنِید تا دَ وختِ مُعیَّن شُمو ره سربِلَند کُنه. 7تمامِ تشوِیش های خُو ره دَزُو ایله بِدِید، چراکه اُو دَ فِکر شُمو اَسته. 8آدِر و بیدار بَشِید، چراکه دُشمون شُمو اِبلِیس رقمِ شیرِ غُران اِیسُو-و-اُوسُو مِیگرده و مُوپاله تاکه یَگو کس ره قُورت کُنه. 9پس دَ ایمان خُو محکم-و-اُستوار مَنده دَ برابرِ ازُو مُقاوِمَت کُنِید، چُون شُمو خبر دَرِید که بِرارونِ ایماندار شُمو دَ تمامِ دُنیا دَ امزی رقم رَنج-و-عذاب گِرِفتار اَسته. 10مگم خُدای تمامِ فَیض ها که شُمو ره دَ بُزُرگی-و-جلالِ اَبَدی خُو دَ وسِیلِه مسیح کُوی کده، بعد از کم وری رَنج-و-عذاب، خود شی شُمو ره سرِپای، اُستوار، قَوی و برقرار مُونه. 11قُدرت-و-قُوَت تا اَبَداُلاباد ازُو باد. آمین.

سلام های آخِری

12ما دَ کومَکِ سِیلوانُس که اُو ره یگ بِرارِ وفادار حِساب مُونُم، امی خطِ کوتاه ره بَلدِه شُمو نوِشته کدُم تا شُمو ره تشوِیق کنُم و شاهِدی بِدیُم که فَیضِ حقِیقی خُدا اینَمی اَسته که بیان کدُم؛ دَز شی محکم-و-اُستوار بُمنِید. 13جماعتِ ایماندارای#۵‏:۱۳ دَ جای «جماعتِ ایماندار» دَ زِبونِ یونانی «خوار» نوِشته یَه. شارِ بابُل که قد شُمو قَتی اِنتِخاب شُده و باچِه روحانی مه مَرقَس دَز شُمو سلام رَیی مُونه. 14یگدِیگِه خُو ره قد رُوی ماخی مُحَبَت‌آمیز سلام بُگِید. سلامَتی-و-آرامِش نصِیبِ پگ شُمو که دَ مسیح تعلُق دَرِید. آمین.

Currently Selected:

اوّلِ پِترُس 5: HAZ

Highlight

Copy

Want to have your highlights saved across all your devices? Sign up or sign in

Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:

Scripture taken from Hazaragi Bible.

Learn More About Hazaragi Bible