Sam 9
9
Sam 9
Tarai lepo fakeliza LOD
Noa khoze mae Devet.
(Vese lao ka God)
1 LOD, ka tufuni nakahragu fate'o, rei ngagughau te lepo fakeligho.
Ni eulanauwa, rei kaina thuturi ra nou gloku fate'o ghoe te kelire.
2God, rei kaina koze balu hneahnegha eimu ghoe.
Ni rei kaina koze lepo fakeliza nahngamu.
3Kate figri faleghu te kofigho ghoe nogu mae naokare,
hatimare kafua uthu soru ne leme.
4Kate fateza ghoe nanoni ie, puhimu ghoe ie tufuni kohlo lui.
Ni kate fateghau rei ghoe ie, ghoe tufuni phileghau rei.
5Ghoe fapaapara ra hui nanoni te bongihehe re, ni choghara lui nanoni te di'are.
Ni ghoe la atha koko hui nahngadi hatimare re, eume kaina the'o kahe nanoni nate gatho fapulora tifa e tifa.
6Nomi mae naoka gheatire la tufuni hui nodi. Ghoe la tufuni re'o fahuira nodi gruru bi'o re,
euwateuwe, la the'o kahe nanoni te gathora hatimare re.
(Vese lao ka mavitu)
7Ni LOD, kaina nafano tifa e tifa.
Magne hokro hui ka noa sape nafano ie mala fatera nanonire.
8Magne funei fruniza nauthoglu gne ka puhi te kohlo.
Euwateuwe, magne fatera nanonire ka puhi te keli.
(Vese lao ka God)
9LOD, ghoe jateula suga te maku ia euwa.
Nanoni te au paapara ka nodi mae naokare, hatimare tangomana te ari au ka teuwae.
Ni kate au fadiadi'a ie, hatimare tangomana te ari polo ka teuwae.
10Nanoni te lasegho ghoe re na fatutu'anigho,
eigna ghoe, LOD, theome figri pogru ra nanoni te mei ka ghoe mala toghora re.
(Vese lao ka mavitu)
11Tati koze kilo uluza LOD, mae ihei te funei fruni i Zaeon.
Thuturi fataklera ka nanoni fate'o re hna te eira magne re.
12God theome ke ghatho ihora nanoni te au paapara re.
Ni magne kaina fapaapara ra ihei teke fapaapara ra keha nanonire.
(Vese lao ka God)
13 LOD, kokhoni meighau! Kofu meira khata ni di'agnagnafa teu te eira mae naoka ka rei re.
Kokhoni meighau ni fakahrighau ka gleme.
14Gignoa igne rei kaina kegra haghe ke uludi nanonigna Jerusalem re,
mala thuturira gobigna goifata te kilo ulugho rei re.
Ni rei kaina tufuni hneahnegha, eigna ghoe neke fakahrighau rei.
(Vese lao ka mavitu)
15Mae bongihehere neke dokha khora malami gheati nekeuwa, ni hatimare thaidi lana teke plulu tagna ie.
Hatimare ke khale ka dengedeu teke nana'a thaidi ie.
16 LOD ne falalase ka nanonire te magne fatera ka puhi te kohlo ie.
Ni nanoni te di'a puhidire, puhidi hatimare te di'are te choghara thaidire.
17Nanoni fate'o te di'a te figri pogruza God re,
hatimare kaina kafua leme.
18Nanoni te kumare LOD kaina toghora.
Ni nodi grouronu hatimare re, magne kaina theome ke ghatho ihora e tifa.
(Vese lao ka God)
19 LOD chadi mei! Ni tovi sakrera nanonire mala ulugho!
Udi meira nanoni te bongihehe re ke ulumu mala fate faleme ra.
20 LOD, falalase sonighoe nou noilaghi ie mala hmau hatimare,
mala laseza hatimare te hatimare the'o nodi noilaghi ie.
Currently Selected:
Sam 9: ggaNTP
Highlight
Copy
Compare
Share
Want to have your highlights saved across all your devices? Sign up or sign in
© 2025 SIL Solomon Islands
Sam 9
9
Sam 9
Tarai lepo fakeliza LOD
Noa khoze mae Devet.
(Vese lao ka God)
1 LOD, ka tufuni nakahragu fate'o, rei ngagughau te lepo fakeligho.
Ni eulanauwa, rei kaina thuturi ra nou gloku fate'o ghoe te kelire.
2God, rei kaina koze balu hneahnegha eimu ghoe.
Ni rei kaina koze lepo fakeliza nahngamu.
3Kate figri faleghu te kofigho ghoe nogu mae naokare,
hatimare kafua uthu soru ne leme.
4Kate fateza ghoe nanoni ie, puhimu ghoe ie tufuni kohlo lui.
Ni kate fateghau rei ghoe ie, ghoe tufuni phileghau rei.
5Ghoe fapaapara ra hui nanoni te bongihehe re, ni choghara lui nanoni te di'are.
Ni ghoe la atha koko hui nahngadi hatimare re, eume kaina the'o kahe nanoni nate gatho fapulora tifa e tifa.
6Nomi mae naoka gheatire la tufuni hui nodi. Ghoe la tufuni re'o fahuira nodi gruru bi'o re,
euwateuwe, la the'o kahe nanoni te gathora hatimare re.
(Vese lao ka mavitu)
7Ni LOD, kaina nafano tifa e tifa.
Magne hokro hui ka noa sape nafano ie mala fatera nanonire.
8Magne funei fruniza nauthoglu gne ka puhi te kohlo.
Euwateuwe, magne fatera nanonire ka puhi te keli.
(Vese lao ka God)
9LOD, ghoe jateula suga te maku ia euwa.
Nanoni te au paapara ka nodi mae naokare, hatimare tangomana te ari au ka teuwae.
Ni kate au fadiadi'a ie, hatimare tangomana te ari polo ka teuwae.
10Nanoni te lasegho ghoe re na fatutu'anigho,
eigna ghoe, LOD, theome figri pogru ra nanoni te mei ka ghoe mala toghora re.
(Vese lao ka mavitu)
11Tati koze kilo uluza LOD, mae ihei te funei fruni i Zaeon.
Thuturi fataklera ka nanoni fate'o re hna te eira magne re.
12God theome ke ghatho ihora nanoni te au paapara re.
Ni magne kaina fapaapara ra ihei teke fapaapara ra keha nanonire.
(Vese lao ka God)
13 LOD, kokhoni meighau! Kofu meira khata ni di'agnagnafa teu te eira mae naoka ka rei re.
Kokhoni meighau ni fakahrighau ka gleme.
14Gignoa igne rei kaina kegra haghe ke uludi nanonigna Jerusalem re,
mala thuturira gobigna goifata te kilo ulugho rei re.
Ni rei kaina tufuni hneahnegha, eigna ghoe neke fakahrighau rei.
(Vese lao ka mavitu)
15Mae bongihehere neke dokha khora malami gheati nekeuwa, ni hatimare thaidi lana teke plulu tagna ie.
Hatimare ke khale ka dengedeu teke nana'a thaidi ie.
16 LOD ne falalase ka nanonire te magne fatera ka puhi te kohlo ie.
Ni nanoni te di'a puhidire, puhidi hatimare te di'are te choghara thaidire.
17Nanoni fate'o te di'a te figri pogruza God re,
hatimare kaina kafua leme.
18Nanoni te kumare LOD kaina toghora.
Ni nodi grouronu hatimare re, magne kaina theome ke ghatho ihora e tifa.
(Vese lao ka God)
19 LOD chadi mei! Ni tovi sakrera nanonire mala ulugho!
Udi meira nanoni te bongihehe re ke ulumu mala fate faleme ra.
20 LOD, falalase sonighoe nou noilaghi ie mala hmau hatimare,
mala laseza hatimare te hatimare the'o nodi noilaghi ie.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 SIL Solomon Islands