Sam 10
10
Sam 10
Toreza noa tootogho LOD
(Vese lao ka God)
1 LOD ne fahneuwa ghoe te kegra fatifaghami lui gheati gnea?
Ne fahneuwa ghoe te polo nou lana kate au gheati ka hoholo gnea?
2Nanoni te di'a puhidire fahaehaghe lui ni hiro ra nanoni te kumare mala choghara.
Rei toregho, sakrera mala khale hatimare thaidi ka dengedeu te e'ei thaidi re.
3 LOD, nanoni te di'a puhidire lepo fahaehaghe ra puhi te theome kohlo te ngagura thaidire.
Ni ihei te ngagura lui chuku goifatare, hatimare lepo fadi'agho ni figri pogrugho.
4LOD, nanoni te di'a puhidire theome ke ghatho bohegho lana ghoe.
Ka puhi fahaehaghe te eira re hatimare lepo eu'ani, “God gne theome tangomana te lasera puhi di'a te eira tati re.”
5Ni LOD, ghoe kaina fatera au hatimare!
Mae te di'a puhidi ire, theome ngagura pari ka nodi goeghozere.
Hatimare lepo fadi'ara ni ma'era eu nodi mae naokare.
6Hatimare ne lepo eu'ani, “Tati kaina theome tangomana te glape,
ni the'o kahe puhi nate dufighita ie.”
7Najujupedi hatimare re tufuni fodu ka goeghoze te di'a te mala choghara, phiapitara, ni fahmauhmaura teu nanonire.
Ni hatimare faghose lana mala lepora ghoeghoze te mala choghara nanonire.
8Hatimare polo ka glamagna naure,
tuku mala falemera lana nanoni te theome ke eiza kahe puhi te di'a ie.
9Hatimare polo fa'efra jateula laeon te efra te au ka noa gluma thina ia euwa.
Hatimare polo tukira nanoni te kumare mala athira kate khale hatimare ka nodi dengedeu re.
10Hatimare au noilaghi, eume hatimare la choghara nanoni te glape re.
11Mae te di'a puhidire ne lepo eu'ani ka thaidi, LOD gne theome nanga noara hui puhida tati re!
Magne la bobotho hui nathagnare, eume magne kaina theome kofira hna te eira tati re.
12LOD, mei sonighoe. Mei choghara nanoni te di'a ire.
Ni tovi ghatho ihora nanoni te kumare!
13God, ne fahneuwa ghoe te sakrera hatimare te lepo fapaiparigho gnea?
Ni hatimare lepo eu'ani lanauwa.
“God gne theome tangomana te paraghami gheati ie.”
14 LOD, ghoe la kofira hui puhi teure,
ni ghoe la lasera hui khata ni paapara eu te eira hatimare ka keha nanonire, ni leuleghu fata ie ghoe kaikaliti mala togho ra.
Ihei te glape re, hatimare na'ira thaidi ka khamemu, ni leuleghu fata ie ghoe toghora ihei te leme ka'ai te the'o iheina te mala toghora re.
15Re'o ra sonighoe LOD, nodi noilaghi mae te di'a puhidi are,
ni fapaapara ra mala tovi ke eira hatimare u nafnata puhi te di'a teure.
16 LOD, ghoe mae nafano, the'o ka huimu!
Euwateuwe, ihei te tufru sorura keha god are, kaina the'o kofira ka nauthoglu gne tifa e tifa.
17 LOD, rogira nou nanoni tela di'a soru ka puhidi keha nanoni ire.
Faheahetara, ni rogira nodi natahngi re.
18Rogira nodi natahngi goro sua te leme ka'ai ni ihei te au kokhonira teure, toghora ni tapla sorura eu nanoni te di'a ire.
Mala theome ke fahmaurani hatimare nanonire.
Currently Selected:
Sam 10: ggaNTP
Highlight
Copy
Compare
Share
Want to have your highlights saved across all your devices? Sign up or sign in
© 2025 SIL Solomon Islands
Sam 10
10
Sam 10
Toreza noa tootogho LOD
(Vese lao ka God)
1 LOD ne fahneuwa ghoe te kegra fatifaghami lui gheati gnea?
Ne fahneuwa ghoe te polo nou lana kate au gheati ka hoholo gnea?
2Nanoni te di'a puhidire fahaehaghe lui ni hiro ra nanoni te kumare mala choghara.
Rei toregho, sakrera mala khale hatimare thaidi ka dengedeu te e'ei thaidi re.
3 LOD, nanoni te di'a puhidire lepo fahaehaghe ra puhi te theome kohlo te ngagura thaidire.
Ni ihei te ngagura lui chuku goifatare, hatimare lepo fadi'agho ni figri pogrugho.
4LOD, nanoni te di'a puhidire theome ke ghatho bohegho lana ghoe.
Ka puhi fahaehaghe te eira re hatimare lepo eu'ani, “God gne theome tangomana te lasera puhi di'a te eira tati re.”
5Ni LOD, ghoe kaina fatera au hatimare!
Mae te di'a puhidi ire, theome ngagura pari ka nodi goeghozere.
Hatimare lepo fadi'ara ni ma'era eu nodi mae naokare.
6Hatimare ne lepo eu'ani, “Tati kaina theome tangomana te glape,
ni the'o kahe puhi nate dufighita ie.”
7Najujupedi hatimare re tufuni fodu ka goeghoze te di'a te mala choghara, phiapitara, ni fahmauhmaura teu nanonire.
Ni hatimare faghose lana mala lepora ghoeghoze te mala choghara nanonire.
8Hatimare polo ka glamagna naure,
tuku mala falemera lana nanoni te theome ke eiza kahe puhi te di'a ie.
9Hatimare polo fa'efra jateula laeon te efra te au ka noa gluma thina ia euwa.
Hatimare polo tukira nanoni te kumare mala athira kate khale hatimare ka nodi dengedeu re.
10Hatimare au noilaghi, eume hatimare la choghara nanoni te glape re.
11Mae te di'a puhidire ne lepo eu'ani ka thaidi, LOD gne theome nanga noara hui puhida tati re!
Magne la bobotho hui nathagnare, eume magne kaina theome kofira hna te eira tati re.
12LOD, mei sonighoe. Mei choghara nanoni te di'a ire.
Ni tovi ghatho ihora nanoni te kumare!
13God, ne fahneuwa ghoe te sakrera hatimare te lepo fapaiparigho gnea?
Ni hatimare lepo eu'ani lanauwa.
“God gne theome tangomana te paraghami gheati ie.”
14 LOD, ghoe la kofira hui puhi teure,
ni ghoe la lasera hui khata ni paapara eu te eira hatimare ka keha nanonire, ni leuleghu fata ie ghoe kaikaliti mala togho ra.
Ihei te glape re, hatimare na'ira thaidi ka khamemu, ni leuleghu fata ie ghoe toghora ihei te leme ka'ai te the'o iheina te mala toghora re.
15Re'o ra sonighoe LOD, nodi noilaghi mae te di'a puhidi are,
ni fapaapara ra mala tovi ke eira hatimare u nafnata puhi te di'a teure.
16 LOD, ghoe mae nafano, the'o ka huimu!
Euwateuwe, ihei te tufru sorura keha god are, kaina the'o kofira ka nauthoglu gne tifa e tifa.
17 LOD, rogira nou nanoni tela di'a soru ka puhidi keha nanoni ire.
Faheahetara, ni rogira nodi natahngi re.
18Rogira nodi natahngi goro sua te leme ka'ai ni ihei te au kokhonira teure, toghora ni tapla sorura eu nanoni te di'a ire.
Mala theome ke fahmaurani hatimare nanonire.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 SIL Solomon Islands