Sam 8
8
Sam 8
Noa noilaghi God ni noa nadulu nanoni
Noa khoze mae Devet.
(Vese lao ka God)
1 LOD, ghoe nomi God gheati,
Nanoni hia te hia ka nauthoglu gne,
laseza nahngamu ghoe ie tufuni dulu.
Nadulumu ghoe ie, haghe liuza manga ie klia.
2Goro sua ni sua gogoso teure, eulanauwa koze kilo uluza nahngamu ghoe ie.
God, ghoe au ka hnimoto te theome tangomana mae nou naokare te ari magrigho,
ni tapla sorugho teu ghoe ie.
3Kate kofu haghe rei ka manga klia te vuavuha ghoe,
ni glaba ni nathunu teu te nana'a ghoe ka tufuni hnimoto mala audire,
rei ne gaoghatho eu'ani,
4“Gheati gne nanoni lana.
Ghathoghami gheati mala ihna nefou ghoe ia?”
5Ni meubanauwa, ghoe vuavuhaghami, ni gumei nou noilaghi ie ka gheati.
Nou noilaghi mala funei frunira, ni koikofira eu gheati nou vuavuha fate'o ka nauthoglu gne.
6Ghoe fafateghami gheati mala funei frunira goifata fate'o teke vuavuha thaimu re,
goifata fate'o teure, gheati au nomi noilaghi ke kliadi.
7Goifata ire; u thotoghei sipsip, ni thotoghei buluka,
ni goifata tautagu fate'o te nasi,
8ni memeha fate'o te flalo ka manga klia,
sasa ni goifata fate'o te au ka glama kholo.
9 LOD, ghoe nomi God gheati.
Nanoni hia te hia ka nauthoglu gne, laseza nahngamu ghoe ie tufuni dulu.
Currently Selected:
Sam 8: ggaNTP
Highlight
Copy
Compare
Share
Want to have your highlights saved across all your devices? Sign up or sign in
© 2025 SIL Solomon Islands
