Sam 28
28
Sam 28
Tharai gna tootogho
Noa khoze Devet.
(Vese lao ka God)
1 LOD, rei kilogho ghoe,
eigna ghoe nogu hnimoto te maku mala polo rei ie.
Farogo mei ka nogu tharai rei re!
Jame theome ho'ilepora ghoe nogu tharai rei re, rei gne kaina leme.
2Kate kofu ari rei ka nou Suga Blahi ie,
rei ngafa haghe khamegu re ni tarai.
Rei tahngi ari ka ghoe mala toghoghau,
eume farogo mei ka nogu tharai ie.
3Kate fatera ghoe nanoni te di'a puhidi,
gnadi puhi te eira hatimare re, tovi ahe faudughau baludi.
Hatimare lase lepo famaemahe lui ka keha nanonire, ni gaoghatho di'a ie fodu ka gnagnafadire.
4Fapaapara ra gnadi hna puhi teke leghura, ni gnadi hna puhi di'a teke eira hatimare re.
Fapaapara ra gnadi hna puhi fate'o teke eira, ni foli fapulo tadi thokagna nasapla teke eira hatimare re.
5 LOD, hatimare theome ke ghathora lana nou gloku,
ni hna teke eira teu ghoe re.
Eume, ghoe fapaapara ra ni daka sorura pari mala hui hatimare ka teuwae.
(Vese lao ka mavitu)
6Rei lepo fakeliza LOD! Eigna magne rogighau,
kate tahngi lao rei mala toghoghau teuwe.
7 LOD lana nogu mae nahneta, te kegra fotighau koba ie, rei fatutu'aniza magne.
Magne toghoghau ni fahneahneghaghau rei.
Eigna teuwae, rei koze lepo fakeliza magne ka nogu koze hneahnegha re.
8 LOD koikofira noa nanonire,
magne kegra fotira ni fakahrira eu ihei magne teke fafatera re.
Magne neke fafateghau rei mala mae nafano, mala funei frunira noa nanonire.
9LOD, toghora nou nanonire, ni fablahira eu ihei ghoe te tufudire.
Koikofi fakelira fatheve jateula nou sipsip.
Currently Selected:
Sam 28: ggaNTP
Highlight
Copy
Compare
Share
Want to have your highlights saved across all your devices? Sign up or sign in
© 2025 SIL Solomon Islands
Sam 28
28
Sam 28
Tharai gna tootogho
Noa khoze Devet.
(Vese lao ka God)
1 LOD, rei kilogho ghoe,
eigna ghoe nogu hnimoto te maku mala polo rei ie.
Farogo mei ka nogu tharai rei re!
Jame theome ho'ilepora ghoe nogu tharai rei re, rei gne kaina leme.
2Kate kofu ari rei ka nou Suga Blahi ie,
rei ngafa haghe khamegu re ni tarai.
Rei tahngi ari ka ghoe mala toghoghau,
eume farogo mei ka nogu tharai ie.
3Kate fatera ghoe nanoni te di'a puhidi,
gnadi puhi te eira hatimare re, tovi ahe faudughau baludi.
Hatimare lase lepo famaemahe lui ka keha nanonire, ni gaoghatho di'a ie fodu ka gnagnafadire.
4Fapaapara ra gnadi hna puhi teke leghura, ni gnadi hna puhi di'a teke eira hatimare re.
Fapaapara ra gnadi hna puhi fate'o teke eira, ni foli fapulo tadi thokagna nasapla teke eira hatimare re.
5 LOD, hatimare theome ke ghathora lana nou gloku,
ni hna teke eira teu ghoe re.
Eume, ghoe fapaapara ra ni daka sorura pari mala hui hatimare ka teuwae.
(Vese lao ka mavitu)
6Rei lepo fakeliza LOD! Eigna magne rogighau,
kate tahngi lao rei mala toghoghau teuwe.
7 LOD lana nogu mae nahneta, te kegra fotighau koba ie, rei fatutu'aniza magne.
Magne toghoghau ni fahneahneghaghau rei.
Eigna teuwae, rei koze lepo fakeliza magne ka nogu koze hneahnegha re.
8 LOD koikofira noa nanonire,
magne kegra fotira ni fakahrira eu ihei magne teke fafatera re.
Magne neke fafateghau rei mala mae nafano, mala funei frunira noa nanonire.
9LOD, toghora nou nanonire, ni fablahira eu ihei ghoe te tufudire.
Koikofi fakelira fatheve jateula nou sipsip.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 SIL Solomon Islands