Sam 27
27
Sam 27
Fatutu'ani ka LOD
Noa khoze mae Devet.
(Vese lao ka mavitu)
1 LOD lana nogu nabae te fakahrighau rei ie,
eume rei theome ke hmauza ki hnana.
LOD lana nogu mae hneta te barifotighau ka puhi fate'o re,
eume rei theome ke hmauza ki nanoni.
2Kate mei mala magri falemeghau rei teu mae te di'a puhidire,
hatimare kaina kafua uthu pari.
3Neubane mei kahe thotoghei mae mala magrighau,
rei kaina theome ke hmaura lana.
Neubane mei mae nogu naokare magrighau,
rei kaina farouronu lana ka God.
4Kahe puhi lana te toreza rei ka LOD ie.
Rei tufuni ngagughau te au ka noa suga magne fatheve ka nakahragu leuleghu naga'e,
malani kofiza ni ghaoghathoza eu puhigna LOD te tufuni keli lui ie, ni toreza mala batughau koba.
5Kate dufu mei puhi bi'o ka nakhragu rei ie, magne kaina koikofi fakelighau rei.
Magne kaina phopologhau hnua ka noa Suga Blahi ie,
ni kaina tufuni na'ighau fakeli ka khekelegna kahe thina bi'o te fua avu klia.
6Eume, rei kaina ie ulura hatimare mae naoka te mei au falithughau re.
Ni rei kaina tei ka noa Suga Blahi LOD ie, ni kate ei faafara rei ka magne ie, rei kaina aku fabi'o eigna rei ne tufuni hneahnegha.
Uve tutu'ani, rei kaina koze kilo uluza LOD.
(Vese lao ka God)
7Rogi meighau, LOD, kate kilo arigho ie,
kokhoni meighau ni ho'i lepoza nogu tharai ie.
8Kate lepo eu'ani ghoe, “Mei tufru sorughau rei.”
Rei ne lepo eu'ani, “Uve, LOD, rei kaina ari tufru soru tamu.”
9Tovi phopolo nathamu naflomure tagu.
Tovi di'atamughau
tovi figri pogrughau, rei nou nanoni gloku,
ghoe lana nogu mae tootogho rei ie,
tovi tei ka'aghau, God mae Fakahragu.
10Neubane tei ka'aghau magu dogure,
LOD kaina koikofi fakelighau rei.
11 LOD, fagriughau puhimu te kelire,
ni batughau mala leghuza rei nabrau te kohlo ie,
eigna nogu mae naoka rei re la fua chuku.
12Tovi sakre laoghau ka khamedi nogu mae naokare.
Hatimare ei thuturi te phiapita eigu rei,
ni ghoeghoze faheta mala fahmauhmaughau rei.
(Vese lao ka mavitu)
13Tutu'ani lui, rei laseza,
te rei kaina kahra au ghile kofiza
noa nakeli LOD harira noa nanonire.
14Tati fatutu'aniza LOD.
Au fatutu'ani, tovi ghatho paupalu. Tati fatutu'aniza te LOD kaina mei toghoghita ie.
Currently Selected:
Sam 27: ggaNTP
Highlight
Copy
Compare
Share
Want to have your highlights saved across all your devices? Sign up or sign in
© 2025 SIL Solomon Islands
Sam 27
27
Sam 27
Fatutu'ani ka LOD
Noa khoze mae Devet.
(Vese lao ka mavitu)
1 LOD lana nogu nabae te fakahrighau rei ie,
eume rei theome ke hmauza ki hnana.
LOD lana nogu mae hneta te barifotighau ka puhi fate'o re,
eume rei theome ke hmauza ki nanoni.
2Kate mei mala magri falemeghau rei teu mae te di'a puhidire,
hatimare kaina kafua uthu pari.
3Neubane mei kahe thotoghei mae mala magrighau,
rei kaina theome ke hmaura lana.
Neubane mei mae nogu naokare magrighau,
rei kaina farouronu lana ka God.
4Kahe puhi lana te toreza rei ka LOD ie.
Rei tufuni ngagughau te au ka noa suga magne fatheve ka nakahragu leuleghu naga'e,
malani kofiza ni ghaoghathoza eu puhigna LOD te tufuni keli lui ie, ni toreza mala batughau koba.
5Kate dufu mei puhi bi'o ka nakhragu rei ie, magne kaina koikofi fakelighau rei.
Magne kaina phopologhau hnua ka noa Suga Blahi ie,
ni kaina tufuni na'ighau fakeli ka khekelegna kahe thina bi'o te fua avu klia.
6Eume, rei kaina ie ulura hatimare mae naoka te mei au falithughau re.
Ni rei kaina tei ka noa Suga Blahi LOD ie, ni kate ei faafara rei ka magne ie, rei kaina aku fabi'o eigna rei ne tufuni hneahnegha.
Uve tutu'ani, rei kaina koze kilo uluza LOD.
(Vese lao ka God)
7Rogi meighau, LOD, kate kilo arigho ie,
kokhoni meighau ni ho'i lepoza nogu tharai ie.
8Kate lepo eu'ani ghoe, “Mei tufru sorughau rei.”
Rei ne lepo eu'ani, “Uve, LOD, rei kaina ari tufru soru tamu.”
9Tovi phopolo nathamu naflomure tagu.
Tovi di'atamughau
tovi figri pogrughau, rei nou nanoni gloku,
ghoe lana nogu mae tootogho rei ie,
tovi tei ka'aghau, God mae Fakahragu.
10Neubane tei ka'aghau magu dogure,
LOD kaina koikofi fakelighau rei.
11 LOD, fagriughau puhimu te kelire,
ni batughau mala leghuza rei nabrau te kohlo ie,
eigna nogu mae naoka rei re la fua chuku.
12Tovi sakre laoghau ka khamedi nogu mae naokare.
Hatimare ei thuturi te phiapita eigu rei,
ni ghoeghoze faheta mala fahmauhmaughau rei.
(Vese lao ka mavitu)
13Tutu'ani lui, rei laseza,
te rei kaina kahra au ghile kofiza
noa nakeli LOD harira noa nanonire.
14Tati fatutu'aniza LOD.
Au fatutu'ani, tovi ghatho paupalu. Tati fatutu'aniza te LOD kaina mei toghoghita ie.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 SIL Solomon Islands