Sam 20
20
Sam 20
Fablahi mae nafano
Noa khoze mae Devet.
(Mae pirisi ie ne fablahiza mae nafano)
1Gheati toreza LOD mala toghogho ghoe kate au ghoe ka hoholo ie.
Noa God mae ku'eda Jekop kaina barifotigho ghoe.
2Magne au ka noa Suga Blahi ie ka gukhu Zaeon.
Gheati toreza magne mala toghogho ni fahehetagho eu ghoe.
3Gheati toreza magne mala theome gatho ihora nou faafara ghoe re.
Ni eulanauwa magne kaina hneahneghara nou faafara ghoe te gahu ka kha'aghi te faafara lao ka magne re.
4Gheati toreza magne mala gu'ari tamu hna te ngagughora ghoe re.
Ni toghogho ka hna gloku tela kulu ghathora hui ghoe mala eira teure.
5Gheati kaina aku fabi'o balu proaprosa kate uluza ghoe magra ie.
Gheati kaina tufuni hneahnegha ni kilo uluza nahngagna noda God.
Ni gheati eulanauwa, ngagughamiza lui LOD te mala gu'ari goifata fate'o te tore ra ghoe ka magne re.
(Vese lao ka mavitu)
6Rei laseza hui te LOD gne fafateza hui noda mae nafano tati ie, ni kaina toghoza magne ka magra ie.
Magne au ka noa nau blahi klia, ni rogiza noa tharai mae nafano teugne ni kaina toghoza magne. Ni ka noa noilaghi bi'o, God kaina toghoza mae nafano gne mala ulu ka magra ie.
7Keha nanonire farouronu ka nodi amire, keha nanonire farouronu ka nodi chariotre.
Ni tati farouronu ka noa noilaghi noda LOD God.
8Ni nanoni te farouronu ka goifata teure, kaina glape ni uthu eu ka magra ie.
Euwateuwe, tati kaina kegra heta tifa e tifa.
(Vese lao ka God)
9 LOD, toghoza mae nafano ie mala tapla sorura magne mae naokare.
Ni rogi meighami kate kilo arigho.
Currently Selected:
Sam 20: ggaNTP
Highlight
Copy
Compare
Share
Want to have your highlights saved across all your devices? Sign up or sign in
© 2025 SIL Solomon Islands
