Sam 15
15
Sam 15
Ihei LOD te tufuni ngaguza
Noa khoze mae Devet.
(Vese lao ka God)
1 LOD, ihei te gizagna te mala ruma ka nou Suga Blahi ie?
Ihei te gizagna te mala tufru sorugho Zaeon, ka nou gukhu blahi ie?
2Nanoni te gizagna te mala eiza igne ie,
mae ihei te leghura ni eira teu koba lana gobigna puhi te ngagughora lana ghoe re,
ni lepora lana goeghoze te tutu'ani ni kohlo.
3Magne theome mala phiapitara keha nanonire.
Magne theome mala e'ei puhi te di'a hariza ihei kheragna fafaudu,
ni theome mala vuavuha lepo mala choghaza nahngagna ihei te au ka naugna re.
4Magne theome mala fafaudu ka ihei te tapla fasapla ka nakhibo,
ni magne mala ghatho bohera koba nanoni te leghuza LOD re.
Magne mala eira koba hna teke na'alepora re,
meubame tufuni ninigrana hariza.
5Magne mala toghoza ihei te the'o noa nanugra, ni theome mala ke tore fapuloza hna teke toghoza mae kheragna ie.
Ni theome tangomana te atha nanugra ka ihei mala lepo fadi'aza mae te kohlo ie.
Mae ihei te eira koba puhi te kohlore,
magne kaina kegra maku fatheve.
Currently Selected:
Sam 15: ggaNTP
Highlight
Copy
Compare
Share
Want to have your highlights saved across all your devices? Sign up or sign in
© 2025 SIL Solomon Islands
