Sam 13
13
Sam 13
Tore totogho ka LOD kate au paapara
Noa khoze mae Devet.
(Vese lao ka God)
1LOD, kaina ngiha fata ghoe ghatho ihoghau rei ie? Kaina fei ghatho ihoghau fatheve hui la rei ghoe gnea?
Kaina ngiha fata ghoe te pologhau rei ie?
2Kaina ngihagno atha koko na ghoe nakahra ninigrana te dufighau rei gnea?
Kaina ngiha naga'e, ni ngiha bongi eu rei kaina te au di'agnagnafa ie?
Kaina ngiha fata nogu mae naokare te ulughau rei ka magra ie?
3LOD, ghoe nogu God rei. Kofu meighau ni rogira eu nogu tharai rei re.
Ke fahehetaghau ni tovi sakreghau mala leme.
4Meuni theome toghoghau rei ghoe ie, nogu mae naoka rei re kaina lepo eu'ani, “Tati la uluza hui magne.”
Eume, hatimare kaina hneahnegha lui eigna tela ulughau rei ie.
5Ni rei tufuni fatutu'anigho ghoe, eigna nou nahma ghoe ie tufuni bi'o lui.
Agnoni, rei kaina tufuni hneahnegha lui, eigna ghoe kaina te toghoghau ie.
6 LOD, rei kaina koze kilo ulugho,
eigna ghoe tufuni keli harighau lui rei.
Currently Selected:
Sam 13: ggaNTP
Highlight
Copy
Compare
Share
Want to have your highlights saved across all your devices? Sign up or sign in
© 2025 SIL Solomon Islands
