Yohanē 9
9
paka'inava kana pinialrakan mavutri'
1i Yēsu kazu i dalan mena'u za sasa kana pinialrakan zi mavutri' lra na trau. 2tu temakesi kiyumalr kantaw: <<sinsi, ini na trau a pinialrak mu mavutri' lra, mureha ni eman pinamelriyan zi kemani? tu pinamelriyan i intaw zi za kanantu pinamelriyan na ma'izangan?>>
3temuvang i Yēsu: <<mavutri' i intaw 'azi kireeman kantaw zi za pinamelriyan kanantu ma'izangan, maw na kazu kantaw i zazek pakurena'u kanantu kinakudayan na Viruwa i itras. 4kana 'uninan ziyan, 'azi ta ika'azi kikarun kanantu kiyakarunan kanizu na pakarun kaninku; nu meredek na 'aremeng mu, iniyan lra za trau karuwa kikarun. 5kazu ku i punapunan mu, maw ku senan kani punapunan.>>
6a marengay lra kanini na ngay, i Yēsu temama i dare', triyuraw za ngalay na dare', zeliyanay kanantu matra na mavutri', 7zi marengay kantaw: <<uwa i inu i Siloya danaw savesavi lra.>> (tu pauwayan na Siloya maw <<kipakarun>>.) zi mukuwa semavesava i intaw, a muruma' mu, maruwa lra mena'u.
8tu 'uda'udar zi na marayas mena'u kantaw za kiyaveray za maderu na trau mu marengay: <<ini amelri na marayas kazu kemayan i kani kiyaveray za maderu na trau ziyamaw?>>
9ulra na marengay: <<maw i intaw>> zi ulra na marengay: <<amelri i intaw, mawmu kamawamawan kantaw.>>
izu na trau marengay i intaw: <<maw ku i intaw.>>
10kiyumalr nazu: <<kemudakuda meli'atr nu matra?>>
11temuvang i intaw: <<na sasa a mingadan kani Yēsu, tremiyur kana ngalay zi na dare' zemeli kananku matra, marengay kaninku: <uwa i inu kana Siloya danaw semavesav.> mukuwa ku semavesava mu, maruwa ku lra menau'.>>
12kiyumalr nazu: <<ulra i iyan izu na trau?>>
temuvang i intaw: <<'azi ku malrazam.>>
na Palisay na trau kiyansa kana lremak na mavutri'
13nazu tu urungaw izu na aziyu ziya mavutri' na trau mukuwa kirepana'uwa kana Palisay na trau. 14i Yēsu tremiyur kana dare' pali'atr kanantu matra izu na wari maw a katalaulepan na wari. 15na Palisay na trau masasalr ziya kiyumalr kanizu na trau za kemuda maruwa mena'u. marengay kanazu i intaw: <<i intaw melak kana dare' zemeli kananku matra, a semavesav ku mu maruwa ku lra mena'u.>>
16ulra papida na Palisay na trau marengay: <<na kemakuda kanini na lremak na trau amelri zuwa kemay kana Viruwa i itras. 'alrana 'azi miyaturus kanantu kuret na katalaulepan na wari.>>
ulra zuma na trau marengay: <<na mipinamelriyan na trau kuwadakuda pupana za kemani na karepalripalri awa?>> mawna kemani zi marepasakisaki lra nazu.
17kemazu zi, na Palisay na trau masasalr kiyumalr kanizu na trau: <<nu maw kemazu tu pali'atraw nu matra, rengay i inu maw a kemudakuda izu na trau awa?>>
temuvang i intaw: <<a patralritralri i intaw.>>
18na yawan i Yodaya na trau 'azi pakutatena' kantaw za mavutri' a aziyu ziyan, harem mena'u lra; ngara palru za atrevungay tu ma'izangan pazuwa. 19kiyumalr nazu: <<i ini na trau maw ninmu alrak ziyamaw? 'azi mu marengay za pinialrak i intaw mu mavutri' lra ziyamaw? nu kemazu mu, harem kemudakuda zi maruwa lra mena'u?>>
20temuvang tu ma'izangan: <<maw niyam alrak i intaw, a pinialrak i intaw maw mavutri', malrazam mi kanini. 21kema ta harem kemuda zi maruwa mena'u i intaw, i eman na pali'atr kanantu matra, 'azi mi malrazam. ma'izang lra i intaw, uwa kiyumalri i intaw mu, temuvanga kanmu i intaw!>> 22tu ma'izangan kemani marengay 'alrana makaud kana yawan na Yodaya na trau; a azu piya lra mazayazayar nazu, nu ulra a trau pakanumau kani Yēsu za maw i Kiristo, zi puverukaw pupana i intaw kana uwaazukan ruma'. 23mawna kemani temuvang tu ma'izangan: <<ma'izang lra i intaw, uwa i inmu kiyumalri i intaw!>>
24nazu masasalr ziya pazuwa kanizu na pinialrak zi mavutri' lra, marengay kantaw: <<inu ika'azi penatezelr marengay kazu i ngawayan kana Viruwa i itras! malrazam mi kani Yēsu maw na mipinamelriyan na trau.>>
25temuvang i intaw: <<i intaw maw aulra nay za mipinamelriyan na trau, 'azi ku malrazam; mawmu malrazam ku saya za lremak: mavutri' ku a aziyu ziyan, harem mu maruwa lra mena'u.>>
26kiyumalr nazu: <<i intaw kemakuda lra za eman kannu? kemuda pali'atr kanannu matra i intaw?>>
27temuvang i intaw: <<marengay ku lra kanmu, 'azi mu muwai kinger. kemuda zi harem maranger mu ziyan kinger awa? kamelriya lra maranger mu mutu temakesi kantaw ziyamaw?>>
28semiri maselru kantaw nazu: <<maw i inu tu temakesi kanizu na trau; iniyam mu maw tu temakesi ni Mosē. 29malrazam mi na Viruwa i itras marengay lra za ngay kani Mosē; kema ta kanizu na trau mu, 'azi mi malrazalrazam za maw zuwa kemay iyan!>>
30temuvang i intaw: <<ka'uli'ulid lra i ini. tu pali'atraw lra nanku matra, mawmu 'azi mu malrazam kantaw za zuwa kemay iyan! 31malrazam mi, na Viruwa i itras 'azi muwai kinger kanantu kiniyanun na mipinamelriyan na trau; i intaw mawmau kinger kana semungal kantaw, pawnung miturus kanantu nirangeran na trau. 32kemay parevuwa' i punapunan, 'azi ta ziyan kinger za ulra a trau pali'atr kana mavutri' a pinialrakan. 33i intaw nu amelri zuwa kemay kana Viruwa i itras mu, 'azi kararuwa kemakuda a eman ziya.>>
34maselru kantaw nazu: <<i inu na ma'izang kana pinamelriyan i savakan na trau, maruwaruwa tematuru panadam kaniyam!>> kemazu zi veneruk kantaw pupatraran kana waazukan ruma' nazu.
na mavutri' i lu'em
35a kinger i Yēsu venevuruk kanazu pupatraran i waazukan ruma'. i likuzan i Yēsu atrevung lra kantaw, marengay kantaw: <<pakutatena' u kana Alrak na trau ziyamaw?>>
36temuvang i intaw: <<sinsi, 'alrazi rengayaw ku za i eman i intaw, maruwaya ku pakutatena' kantaw!>>
37marengay i Yēsu kantaw: <<mena'u u lra kantaw, harem na kimazazayar kannu mu maw i intaw.>>
38marengay i intaw: <<Luzu a, pakutatena' ku!>> zi mihelrupu semungal kani Yēsu.
39marengay i Yēsu: <<zuwa ku i kani punapunan tu pauwayan mu maw sasayvang, na mavutri', maruwa mena'u; na mena'u mu, muveliyas za mavutri'.>>
40na kazu i kazu na papida Palisay na trau a kinger kanini na ngay, zi kiyumalra kantaw: <<kamelriya lra nu kamawanaw mi kana mavutri' ziyamaw?>>
41temuvang i Yēsu: <<nu maw mu na mavutri', zi iniyan mu za pinamelriyan; nu maw marengay mu <maruwa mi mena'u>, nu kemazu mu, kuwazu mu maw na mipinamelriyan.>>
Currently Selected:
Yohanē 9: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023
Yohanē 9
9
paka'inava kana pinialrakan mavutri'
1i Yēsu kazu i dalan mena'u za sasa kana pinialrakan zi mavutri' lra na trau. 2tu temakesi kiyumalr kantaw: <<sinsi, ini na trau a pinialrak mu mavutri' lra, mureha ni eman pinamelriyan zi kemani? tu pinamelriyan i intaw zi za kanantu pinamelriyan na ma'izangan?>>
3temuvang i Yēsu: <<mavutri' i intaw 'azi kireeman kantaw zi za pinamelriyan kanantu ma'izangan, maw na kazu kantaw i zazek pakurena'u kanantu kinakudayan na Viruwa i itras. 4kana 'uninan ziyan, 'azi ta ika'azi kikarun kanantu kiyakarunan kanizu na pakarun kaninku; nu meredek na 'aremeng mu, iniyan lra za trau karuwa kikarun. 5kazu ku i punapunan mu, maw ku senan kani punapunan.>>
6a marengay lra kanini na ngay, i Yēsu temama i dare', triyuraw za ngalay na dare', zeliyanay kanantu matra na mavutri', 7zi marengay kantaw: <<uwa i inu i Siloya danaw savesavi lra.>> (tu pauwayan na Siloya maw <<kipakarun>>.) zi mukuwa semavesava i intaw, a muruma' mu, maruwa lra mena'u.
8tu 'uda'udar zi na marayas mena'u kantaw za kiyaveray za maderu na trau mu marengay: <<ini amelri na marayas kazu kemayan i kani kiyaveray za maderu na trau ziyamaw?>>
9ulra na marengay: <<maw i intaw>> zi ulra na marengay: <<amelri i intaw, mawmu kamawamawan kantaw.>>
izu na trau marengay i intaw: <<maw ku i intaw.>>
10kiyumalr nazu: <<kemudakuda meli'atr nu matra?>>
11temuvang i intaw: <<na sasa a mingadan kani Yēsu, tremiyur kana ngalay zi na dare' zemeli kananku matra, marengay kaninku: <uwa i inu kana Siloya danaw semavesav.> mukuwa ku semavesava mu, maruwa ku lra menau'.>>
12kiyumalr nazu: <<ulra i iyan izu na trau?>>
temuvang i intaw: <<'azi ku malrazam.>>
na Palisay na trau kiyansa kana lremak na mavutri'
13nazu tu urungaw izu na aziyu ziya mavutri' na trau mukuwa kirepana'uwa kana Palisay na trau. 14i Yēsu tremiyur kana dare' pali'atr kanantu matra izu na wari maw a katalaulepan na wari. 15na Palisay na trau masasalr ziya kiyumalr kanizu na trau za kemuda maruwa mena'u. marengay kanazu i intaw: <<i intaw melak kana dare' zemeli kananku matra, a semavesav ku mu maruwa ku lra mena'u.>>
16ulra papida na Palisay na trau marengay: <<na kemakuda kanini na lremak na trau amelri zuwa kemay kana Viruwa i itras. 'alrana 'azi miyaturus kanantu kuret na katalaulepan na wari.>>
ulra zuma na trau marengay: <<na mipinamelriyan na trau kuwadakuda pupana za kemani na karepalripalri awa?>> mawna kemani zi marepasakisaki lra nazu.
17kemazu zi, na Palisay na trau masasalr kiyumalr kanizu na trau: <<nu maw kemazu tu pali'atraw nu matra, rengay i inu maw a kemudakuda izu na trau awa?>>
temuvang i intaw: <<a patralritralri i intaw.>>
18na yawan i Yodaya na trau 'azi pakutatena' kantaw za mavutri' a aziyu ziyan, harem mena'u lra; ngara palru za atrevungay tu ma'izangan pazuwa. 19kiyumalr nazu: <<i ini na trau maw ninmu alrak ziyamaw? 'azi mu marengay za pinialrak i intaw mu mavutri' lra ziyamaw? nu kemazu mu, harem kemudakuda zi maruwa lra mena'u?>>
20temuvang tu ma'izangan: <<maw niyam alrak i intaw, a pinialrak i intaw maw mavutri', malrazam mi kanini. 21kema ta harem kemuda zi maruwa mena'u i intaw, i eman na pali'atr kanantu matra, 'azi mi malrazam. ma'izang lra i intaw, uwa kiyumalri i intaw mu, temuvanga kanmu i intaw!>> 22tu ma'izangan kemani marengay 'alrana makaud kana yawan na Yodaya na trau; a azu piya lra mazayazayar nazu, nu ulra a trau pakanumau kani Yēsu za maw i Kiristo, zi puverukaw pupana i intaw kana uwaazukan ruma'. 23mawna kemani temuvang tu ma'izangan: <<ma'izang lra i intaw, uwa i inmu kiyumalri i intaw!>>
24nazu masasalr ziya pazuwa kanizu na pinialrak zi mavutri' lra, marengay kantaw: <<inu ika'azi penatezelr marengay kazu i ngawayan kana Viruwa i itras! malrazam mi kani Yēsu maw na mipinamelriyan na trau.>>
25temuvang i intaw: <<i intaw maw aulra nay za mipinamelriyan na trau, 'azi ku malrazam; mawmu malrazam ku saya za lremak: mavutri' ku a aziyu ziyan, harem mu maruwa lra mena'u.>>
26kiyumalr nazu: <<i intaw kemakuda lra za eman kannu? kemuda pali'atr kanannu matra i intaw?>>
27temuvang i intaw: <<marengay ku lra kanmu, 'azi mu muwai kinger. kemuda zi harem maranger mu ziyan kinger awa? kamelriya lra maranger mu mutu temakesi kantaw ziyamaw?>>
28semiri maselru kantaw nazu: <<maw i inu tu temakesi kanizu na trau; iniyam mu maw tu temakesi ni Mosē. 29malrazam mi na Viruwa i itras marengay lra za ngay kani Mosē; kema ta kanizu na trau mu, 'azi mi malrazalrazam za maw zuwa kemay iyan!>>
30temuvang i intaw: <<ka'uli'ulid lra i ini. tu pali'atraw lra nanku matra, mawmu 'azi mu malrazam kantaw za zuwa kemay iyan! 31malrazam mi, na Viruwa i itras 'azi muwai kinger kanantu kiniyanun na mipinamelriyan na trau; i intaw mawmau kinger kana semungal kantaw, pawnung miturus kanantu nirangeran na trau. 32kemay parevuwa' i punapunan, 'azi ta ziyan kinger za ulra a trau pali'atr kana mavutri' a pinialrakan. 33i intaw nu amelri zuwa kemay kana Viruwa i itras mu, 'azi kararuwa kemakuda a eman ziya.>>
34maselru kantaw nazu: <<i inu na ma'izang kana pinamelriyan i savakan na trau, maruwaruwa tematuru panadam kaniyam!>> kemazu zi veneruk kantaw pupatraran kana waazukan ruma' nazu.
na mavutri' i lu'em
35a kinger i Yēsu venevuruk kanazu pupatraran i waazukan ruma'. i likuzan i Yēsu atrevung lra kantaw, marengay kantaw: <<pakutatena' u kana Alrak na trau ziyamaw?>>
36temuvang i intaw: <<sinsi, 'alrazi rengayaw ku za i eman i intaw, maruwaya ku pakutatena' kantaw!>>
37marengay i Yēsu kantaw: <<mena'u u lra kantaw, harem na kimazazayar kannu mu maw i intaw.>>
38marengay i intaw: <<Luzu a, pakutatena' ku!>> zi mihelrupu semungal kani Yēsu.
39marengay i Yēsu: <<zuwa ku i kani punapunan tu pauwayan mu maw sasayvang, na mavutri', maruwa mena'u; na mena'u mu, muveliyas za mavutri'.>>
40na kazu i kazu na papida Palisay na trau a kinger kanini na ngay, zi kiyumalra kantaw: <<kamelriya lra nu kamawanaw mi kana mavutri' ziyamaw?>>
41temuvang i Yēsu: <<nu maw mu na mavutri', zi iniyan mu za pinamelriyan; nu maw marengay mu <maruwa mi mena'u>, nu kemazu mu, kuwazu mu maw na mipinamelriyan.>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023