Yohanē 8
8
na semiya' na vavayan
1[muveruk lra mapiya, mawmu i Yēsu mukuwa i Olēv zenan. 2kazuwa wari a semavalr, muruma' mukuwa kana vangesar ruma' i intaw; na zinekalranan zuwa miya'a kantaw mapiya, zi kemayan i intaw, kemirakaz panadam kanazu. 3na sinsi kana Sēsiyo zi na Palisay na trau murung za sasa a vavayan zuwa; ki'evang a kazu semasiya' i intaw. nazu katikezir i paduk kema kantaw, 4kiyumalr kani Yēsu: <<sinsi, ki'evang ini na vavayan a kazu semasiya'. 5kana kuret semeratr kanta i Mosē, na kemani na vavayan 'azika'azi pininatray za varasa'. eman kema u?>> 6nazu maranger melak kanini na ngay pakakuwatreng kani Yēsu, miya' za ngangay kokso kantaw. mawmu mihelrep i Yēsu, venalray i dare' kanantu tatimus. 7nazu 'azi ziya maziyaazi kiyumaumalr kantaw, zi penatezelr kanantu zazek i Yēsu, marengay kanazu: <<i inmu i savakan i eman na 'azi mipinamelriyan, zi i eman na kiyanguwayan melak kana varasa' temengez kantaw.>> 8piya lra marengay kanini na ngay, masalr ziya mihelrep i intaw, venavalray i dare'. 9a kinger kanini na ngay nazu, zi muvaveruk sasa sasa, iyanguwayan muveruk kemay kana ma'izang, talikuzakuzan musama' lra i Yēsu zi izu na matikezir ziya i kazu na vavayan. 10zi penatezelr kanantu zazek i Yēsu, kiyumalr kantaw marengay: <<tainataw a, muiyan lra nazu mapiya? iniyan za trau muvilin kemuret kanannu pinamelriyan ziyamaw?>>
11marengay i intaw: <<sinsi, iniyan.>>
marengay i Yēsu: <<'inava, zi 'azi ku kakuret kanannu pinamelriyan. uwa lra, iaasalr lra pamelri!>>]#8.11 ulra pidaya awatranan lulun 'azi muravak i savak ini na saya reput; zuma ulra pidaya awatranan lulun tu puwayay ini na reput kana Yohanē fukuing 21.25 vatras i likuzan; ulra pidaya awatranan lulun puwayanay kana Luka fukuing 21.38 i likuzan; ulra ziya pidaya awatranan lulun puwayanay kana Yohanē fukuing 7.36 i likuzan.
i Yēsu a senan i punapunan
12marengay ziyan i Yēsu kana mapiya: <<maw ku na senan i punapunan; na kurelrang kaninku mu, aelak za senan na uwavaawan, 'azi lra kakawang i 'aremengan.>>
13na Palisay na trau marengay kantaw: <<puwasay u kannu i innu; nu uwasay iniyan za pauwayan.>> 14marengay i Yēsu: <<nu maw uwasay ku kaninku mu, ku uwasay a maw na tatena'; 'alrana malrazam ku za zuwa ku kemay i iyan, auwa i iyan. mawmu 'azi mu malrazam za zuwa ku kemay i iyan, auwa i iyan. 15melak mu kana vakesiyu na trau kemuret za trau; mawmu 'azi ku kemakuret za trau. 16nu kemuret ku lra za trau mu, ku ikakuret mu a maw penatezelr; 'alrana amelri ku sasa na kemuret, a maw izu na pazuwa kaninku i Amalri mukasa kaninku kemuret. 17nanmu valray na kuret vinavalrayan, ulra a zazuwa marepauwa tu i uwasay, tu i uwasay mu mipauwayan. 18uwasay ku kaninku i inku; izu na pazuwa kaninku i Amalri kemazu uwasay kaninku.>>
19kemazu zi kiyumalr nazu: <<ulra i iyan i Temama?>>
temuvang i Yēsu: <<'azi mu malrazam kaninku, kemazu 'azi malrazam kani Amalri; anu malrazam mu kaninku mu, zi kalrazam kani Amalri.>>
20nanni na ngay maw i Yēsu kazu kana 'alili i vangesar ruma' panadam kana trau tu nirengay. a azu iniyan za trau za 'emevang kantaw, 'alrana 'azi ziyan meredek tu wari.
ku auwayan 'azi mu pakauwa
21marengay ziyan i Yēsu kanazu: <<uwaveruk ku lra; aaya' mu kaninku, mawmu kiyanatray mu kananmu pinamelriyan. nanku auwayan, 'azi mu pakauwa.>>
22marengay tu yawan i Yodaya na trau: <<marengay i intaw <ku auwayan, 'azi mu pakauwa>, kamelriya lra auwa miyangulaya i intaw?>>
23marengay i Yēsu: <<zuwa mu kemay i dare', zuwa ku kemay i itras; muravakan mu i punapunan, 'azi ku muravakan i punapunan. 24semeneng marengay ku, uri kiyanatray mu kananmu pinamelriyan. nu 'azi mu pakutatena' kaninku mu mawna <taw ku na kazu lra zi kazu munayun> izu na sasa, uri kiyanatray mu kananmu pinamelriyan.>>
25zi kiyumalr nazu: <<i eman u?>>
temuvang i Yēsu: <<kemay kemirakaz mu marengay ku lra kanmu.#8.25 <<kemay kemirakaz mu marengay ku lra kanmu>> karuwa marengay za <<karaeman rarengay ku kanmu>>. 26na kireeman kanmu, ulra sazu a lremak rarengay ku, kasayvangan. mawmu, na pazuwa kaninku izu na sasa maw na tatena', kemazu lra ku kiningeran kemay kantaw ku rengayanay kana trau i punapunan.>>
27nazu 'azi malrazam kanantu nirengay ni Yēsu na kireeman kani Temamataw na lremak. 28semeneng marengay i Yēsu kanazu: <<a puitras mu kanantu Alrak na trau mu, kalrazam mu lra i inku mu mawna <taw ku na kazu lra zi kazu munayun> kema, pawnung kalrazam kaninku za 'azi ku pakalrang kaninku i inku kemakuda za eman, mawmau marengay ku tu ipanadam ni Amalri kaninku. 29na pazuwa kaninku izu na sasa kurekas kaninku; 'azi ma'atelr kaninku, pakasalrengeseng kaninku, 'alrana kemazu marayas ku kikarun kanantu kinasahar na lremak.>>
30kazuwan na trau za kinger kani Yēsu kananni na ngay mu pakutatena' lra kantaw.
na muvuwar na trau zi na kuli
31marengay i Yēsu kana pakutatena' kantaw na Yodaya na trau: <<nu patrutru mu miturus kananku ipanadam, zi tatena' maw nanku temakesi lra; 32kalrazam mu kana tatena' vati, uwavuwar mu kana tatena' vati.>>
33temuvang nazu: <<nintaw mi temuwan ni Aburaham, 'azi mi ziyan mutukuli kani eman, marengay u <uwavuwar mu>, a eman tu pauwayan ini na ngay ziyamaw?>>
34marengay i Yēsu kanazu: <<penazangala ku marengay kanmu, na mipinamelriyan ziyan na trau maw tu kuli na pinamelriyan. 35na kuli kazu i ruma' iniyan za tiyakeziran; mawmu alrak na ma'inayan kemazu marayas puwavak kana ruma'. 36nu maw tu Alrak na Viruwa i itras na venuwar kanmu mu, tatena' mu za muvuwar na trau lra. 37malrazam ku kanmu za nintaw temuwan ni Aburaham, mawmu maranger mu pinatray kaninku, 'alrana 'azi mu muwai kituluz kananku ipanadam. 38ku nirengay tu ipanadam ni Amalri kaninku; zi i inmu maw kikarun mu tu nirengay ni temama kanmu.>>
39temuvang nazu: <<naniyam temuwamuwan maw i Aburaham.>>
marengay i Yēsu: <<nu tatena' mu za maw temuwan ni Aburaham mu, 'azi mu ka'azi kikarun kanantu kiniyakarun ni Aburaham. 40marengay ku lra kanmu kananku kiningeran kemay kana Viruwa i itras na tatena' vati, mawmu maranger mu pinatray kaninku. zi i Aburaham 'azi ziyan kemakuda za kemani na lremak! 41kiyakarun mu kanantu kiniyakarun kananmu temama.>>
temuvang nazu: <<mawmau a sasa ta Ama na Viruwa i itras, amelri mi na kinipualrak a!>>
42marengay i Yēsu kanazu: <<nu tatena' za i Temama na Viruwa i itras, 'azi mu ka'azi sahar kaninku, 'alrana maw ku zuwa kemay kana Viruwa i itras, zi kazu ku i kani lra. amelri ku pakalrang kaninku zi zuwa. maw i intaw na pakarun kaninku. 43kemuda zi 'azi mu malrazam kananku ngay awa? 'alrana nanku ngay 'azi mu kiyanger. 44a maw ziya nintaw mu lralrak na palrar, pakarasa mu kurelrang kanantu alengatran ni temama kemakuda. kemay melrivak mawna piyanatray i intaw, 'aziyan kazu kana tatena' vati, 'alrana kainiyanan za tatena' vati i intaw. venavetra' i intaw maw mupana kanantu pauwayan, 'alrana mawna vavetra' i intaw, zi maw za rakar na vetra' peniya. 45'alrana mararengay ku kana tatena' vati, zi 'azi mu pakutatena' kaninku. 46i kanmu savakan i eman na karuwa uwasay kaninku za ulra ku pinamelriyan? mararengay ku kana tatena' vati, kemuda zi 'azi mu pakutatena' kaninku awa? 47na alrak ziya kana Viruwa i itras, 'azika'azi kinger kanantu ngay na Viruwa i itras; amelri mu zuwa kemay kana Viruwa i itras, semeneng 'azi mu muwai kinger.>>
i Yēsu zi i Aburaham
48na yawan i Yodaya na trau kiyumalr kani Yēsu: <<kema mi maw u na Samaliya na trau, pawnung ulra kipalrar u, kamelriya lra pamelri marengay ziyamaw?>>
49marengay i Yēsu: <<'azi ku kipalrar; kemaira ku semungal kani Amalri, mawmu semiri mu kaninku. 50'azi ku kiyaami za lihu i inku, mawmu ulra a sasa paruveli kaninku na kiyami pupeduk paresaresan. 51penazangala ku marengay kanmu, na miturus kananku ipanadam na trau mu 'azi kiyanatray munayun.>>
52marengay nazu kantaw: <<harem patulre'ay mi lra za malrazam ulra kipalrar u! minatray lra i Aburaham, zi minatray lra na patralritralri, mawmu marengay u <na miturus kananku ipanadam mu 'azi kiyanatray munayun>. 53ka'uringetr u marengay za maraayawan u kananiyam temuwamuwan kani Aburaham ziyamaw? minatray lra i Aburaham, zi minatray lra na patralritralri, kamawanaw u kani eman kema u ziyamaw?>>
54temuvang i Yēsu: <<nu pulihu ku kaninku mu, nanku lihu iniyan za pauwayan. izu na pulihu kaninku mu maw i Amalri, maw nanmu nirengayan na Viruwa i itras izu na sasa. 55'azi mu ziyan malrazam kantaw, mawmu malrazam ku kantaw. nu marengay ku za 'azi ku malrazam kantaw, zi maresan ku kanmu za maw na venavetra' lra. mawmu malrazam ku kantaw, pawnung miturus kanantu ipanadam. 56nanmu temuwamuwan i Aburaham aziyu ziyan semangamangal kiyalriman kananku zazuwayan na wari; a mena'u lra, kasemangalan i intaw.>>
57marengay nazu kantaw: <<'azi u ziyan meredek za makalruwatr 'ami, mena'u u lra kani Aburaham ziyamaw?#8.57 <<mena'u u lra kani Aburaham ziyamaw>> zuma ulra pidaya na awatranan lulun vinavalray za <<i Aburaham mena'u lra kannu ziyamaw>>.>>
58temuvang i Yēsu: <<penazangala ku marengay kanmu, a pinialrak i Aburaham pakangawayan mu, i inku mu <taw ku na kazu lra zi kazu munayun> lra.>>
59kemazu zi, nazu melak kana varasa' uri tatengez kantaw, mawmu muwaliki i Yēsu, kemay kana vangesar ruma' mupatraran.
Currently Selected:
Yohanē 8: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023
Yohanē 8
8
na semiya' na vavayan
1[muveruk lra mapiya, mawmu i Yēsu mukuwa i Olēv zenan. 2kazuwa wari a semavalr, muruma' mukuwa kana vangesar ruma' i intaw; na zinekalranan zuwa miya'a kantaw mapiya, zi kemayan i intaw, kemirakaz panadam kanazu. 3na sinsi kana Sēsiyo zi na Palisay na trau murung za sasa a vavayan zuwa; ki'evang a kazu semasiya' i intaw. nazu katikezir i paduk kema kantaw, 4kiyumalr kani Yēsu: <<sinsi, ki'evang ini na vavayan a kazu semasiya'. 5kana kuret semeratr kanta i Mosē, na kemani na vavayan 'azika'azi pininatray za varasa'. eman kema u?>> 6nazu maranger melak kanini na ngay pakakuwatreng kani Yēsu, miya' za ngangay kokso kantaw. mawmu mihelrep i Yēsu, venalray i dare' kanantu tatimus. 7nazu 'azi ziya maziyaazi kiyumaumalr kantaw, zi penatezelr kanantu zazek i Yēsu, marengay kanazu: <<i inmu i savakan i eman na 'azi mipinamelriyan, zi i eman na kiyanguwayan melak kana varasa' temengez kantaw.>> 8piya lra marengay kanini na ngay, masalr ziya mihelrep i intaw, venavalray i dare'. 9a kinger kanini na ngay nazu, zi muvaveruk sasa sasa, iyanguwayan muveruk kemay kana ma'izang, talikuzakuzan musama' lra i Yēsu zi izu na matikezir ziya i kazu na vavayan. 10zi penatezelr kanantu zazek i Yēsu, kiyumalr kantaw marengay: <<tainataw a, muiyan lra nazu mapiya? iniyan za trau muvilin kemuret kanannu pinamelriyan ziyamaw?>>
11marengay i intaw: <<sinsi, iniyan.>>
marengay i Yēsu: <<'inava, zi 'azi ku kakuret kanannu pinamelriyan. uwa lra, iaasalr lra pamelri!>>]#8.11 ulra pidaya awatranan lulun 'azi muravak i savak ini na saya reput; zuma ulra pidaya awatranan lulun tu puwayay ini na reput kana Yohanē fukuing 21.25 vatras i likuzan; ulra pidaya awatranan lulun puwayanay kana Luka fukuing 21.38 i likuzan; ulra ziya pidaya awatranan lulun puwayanay kana Yohanē fukuing 7.36 i likuzan.
i Yēsu a senan i punapunan
12marengay ziyan i Yēsu kana mapiya: <<maw ku na senan i punapunan; na kurelrang kaninku mu, aelak za senan na uwavaawan, 'azi lra kakawang i 'aremengan.>>
13na Palisay na trau marengay kantaw: <<puwasay u kannu i innu; nu uwasay iniyan za pauwayan.>> 14marengay i Yēsu: <<nu maw uwasay ku kaninku mu, ku uwasay a maw na tatena'; 'alrana malrazam ku za zuwa ku kemay i iyan, auwa i iyan. mawmu 'azi mu malrazam za zuwa ku kemay i iyan, auwa i iyan. 15melak mu kana vakesiyu na trau kemuret za trau; mawmu 'azi ku kemakuret za trau. 16nu kemuret ku lra za trau mu, ku ikakuret mu a maw penatezelr; 'alrana amelri ku sasa na kemuret, a maw izu na pazuwa kaninku i Amalri mukasa kaninku kemuret. 17nanmu valray na kuret vinavalrayan, ulra a zazuwa marepauwa tu i uwasay, tu i uwasay mu mipauwayan. 18uwasay ku kaninku i inku; izu na pazuwa kaninku i Amalri kemazu uwasay kaninku.>>
19kemazu zi kiyumalr nazu: <<ulra i iyan i Temama?>>
temuvang i Yēsu: <<'azi mu malrazam kaninku, kemazu 'azi malrazam kani Amalri; anu malrazam mu kaninku mu, zi kalrazam kani Amalri.>>
20nanni na ngay maw i Yēsu kazu kana 'alili i vangesar ruma' panadam kana trau tu nirengay. a azu iniyan za trau za 'emevang kantaw, 'alrana 'azi ziyan meredek tu wari.
ku auwayan 'azi mu pakauwa
21marengay ziyan i Yēsu kanazu: <<uwaveruk ku lra; aaya' mu kaninku, mawmu kiyanatray mu kananmu pinamelriyan. nanku auwayan, 'azi mu pakauwa.>>
22marengay tu yawan i Yodaya na trau: <<marengay i intaw <ku auwayan, 'azi mu pakauwa>, kamelriya lra auwa miyangulaya i intaw?>>
23marengay i Yēsu: <<zuwa mu kemay i dare', zuwa ku kemay i itras; muravakan mu i punapunan, 'azi ku muravakan i punapunan. 24semeneng marengay ku, uri kiyanatray mu kananmu pinamelriyan. nu 'azi mu pakutatena' kaninku mu mawna <taw ku na kazu lra zi kazu munayun> izu na sasa, uri kiyanatray mu kananmu pinamelriyan.>>
25zi kiyumalr nazu: <<i eman u?>>
temuvang i Yēsu: <<kemay kemirakaz mu marengay ku lra kanmu.#8.25 <<kemay kemirakaz mu marengay ku lra kanmu>> karuwa marengay za <<karaeman rarengay ku kanmu>>. 26na kireeman kanmu, ulra sazu a lremak rarengay ku, kasayvangan. mawmu, na pazuwa kaninku izu na sasa maw na tatena', kemazu lra ku kiningeran kemay kantaw ku rengayanay kana trau i punapunan.>>
27nazu 'azi malrazam kanantu nirengay ni Yēsu na kireeman kani Temamataw na lremak. 28semeneng marengay i Yēsu kanazu: <<a puitras mu kanantu Alrak na trau mu, kalrazam mu lra i inku mu mawna <taw ku na kazu lra zi kazu munayun> kema, pawnung kalrazam kaninku za 'azi ku pakalrang kaninku i inku kemakuda za eman, mawmau marengay ku tu ipanadam ni Amalri kaninku. 29na pazuwa kaninku izu na sasa kurekas kaninku; 'azi ma'atelr kaninku, pakasalrengeseng kaninku, 'alrana kemazu marayas ku kikarun kanantu kinasahar na lremak.>>
30kazuwan na trau za kinger kani Yēsu kananni na ngay mu pakutatena' lra kantaw.
na muvuwar na trau zi na kuli
31marengay i Yēsu kana pakutatena' kantaw na Yodaya na trau: <<nu patrutru mu miturus kananku ipanadam, zi tatena' maw nanku temakesi lra; 32kalrazam mu kana tatena' vati, uwavuwar mu kana tatena' vati.>>
33temuvang nazu: <<nintaw mi temuwan ni Aburaham, 'azi mi ziyan mutukuli kani eman, marengay u <uwavuwar mu>, a eman tu pauwayan ini na ngay ziyamaw?>>
34marengay i Yēsu kanazu: <<penazangala ku marengay kanmu, na mipinamelriyan ziyan na trau maw tu kuli na pinamelriyan. 35na kuli kazu i ruma' iniyan za tiyakeziran; mawmu alrak na ma'inayan kemazu marayas puwavak kana ruma'. 36nu maw tu Alrak na Viruwa i itras na venuwar kanmu mu, tatena' mu za muvuwar na trau lra. 37malrazam ku kanmu za nintaw temuwan ni Aburaham, mawmu maranger mu pinatray kaninku, 'alrana 'azi mu muwai kituluz kananku ipanadam. 38ku nirengay tu ipanadam ni Amalri kaninku; zi i inmu maw kikarun mu tu nirengay ni temama kanmu.>>
39temuvang nazu: <<naniyam temuwamuwan maw i Aburaham.>>
marengay i Yēsu: <<nu tatena' mu za maw temuwan ni Aburaham mu, 'azi mu ka'azi kikarun kanantu kiniyakarun ni Aburaham. 40marengay ku lra kanmu kananku kiningeran kemay kana Viruwa i itras na tatena' vati, mawmu maranger mu pinatray kaninku. zi i Aburaham 'azi ziyan kemakuda za kemani na lremak! 41kiyakarun mu kanantu kiniyakarun kananmu temama.>>
temuvang nazu: <<mawmau a sasa ta Ama na Viruwa i itras, amelri mi na kinipualrak a!>>
42marengay i Yēsu kanazu: <<nu tatena' za i Temama na Viruwa i itras, 'azi mu ka'azi sahar kaninku, 'alrana maw ku zuwa kemay kana Viruwa i itras, zi kazu ku i kani lra. amelri ku pakalrang kaninku zi zuwa. maw i intaw na pakarun kaninku. 43kemuda zi 'azi mu malrazam kananku ngay awa? 'alrana nanku ngay 'azi mu kiyanger. 44a maw ziya nintaw mu lralrak na palrar, pakarasa mu kurelrang kanantu alengatran ni temama kemakuda. kemay melrivak mawna piyanatray i intaw, 'aziyan kazu kana tatena' vati, 'alrana kainiyanan za tatena' vati i intaw. venavetra' i intaw maw mupana kanantu pauwayan, 'alrana mawna vavetra' i intaw, zi maw za rakar na vetra' peniya. 45'alrana mararengay ku kana tatena' vati, zi 'azi mu pakutatena' kaninku. 46i kanmu savakan i eman na karuwa uwasay kaninku za ulra ku pinamelriyan? mararengay ku kana tatena' vati, kemuda zi 'azi mu pakutatena' kaninku awa? 47na alrak ziya kana Viruwa i itras, 'azika'azi kinger kanantu ngay na Viruwa i itras; amelri mu zuwa kemay kana Viruwa i itras, semeneng 'azi mu muwai kinger.>>
i Yēsu zi i Aburaham
48na yawan i Yodaya na trau kiyumalr kani Yēsu: <<kema mi maw u na Samaliya na trau, pawnung ulra kipalrar u, kamelriya lra pamelri marengay ziyamaw?>>
49marengay i Yēsu: <<'azi ku kipalrar; kemaira ku semungal kani Amalri, mawmu semiri mu kaninku. 50'azi ku kiyaami za lihu i inku, mawmu ulra a sasa paruveli kaninku na kiyami pupeduk paresaresan. 51penazangala ku marengay kanmu, na miturus kananku ipanadam na trau mu 'azi kiyanatray munayun.>>
52marengay nazu kantaw: <<harem patulre'ay mi lra za malrazam ulra kipalrar u! minatray lra i Aburaham, zi minatray lra na patralritralri, mawmu marengay u <na miturus kananku ipanadam mu 'azi kiyanatray munayun>. 53ka'uringetr u marengay za maraayawan u kananiyam temuwamuwan kani Aburaham ziyamaw? minatray lra i Aburaham, zi minatray lra na patralritralri, kamawanaw u kani eman kema u ziyamaw?>>
54temuvang i Yēsu: <<nu pulihu ku kaninku mu, nanku lihu iniyan za pauwayan. izu na pulihu kaninku mu maw i Amalri, maw nanmu nirengayan na Viruwa i itras izu na sasa. 55'azi mu ziyan malrazam kantaw, mawmu malrazam ku kantaw. nu marengay ku za 'azi ku malrazam kantaw, zi maresan ku kanmu za maw na venavetra' lra. mawmu malrazam ku kantaw, pawnung miturus kanantu ipanadam. 56nanmu temuwamuwan i Aburaham aziyu ziyan semangamangal kiyalriman kananku zazuwayan na wari; a mena'u lra, kasemangalan i intaw.>>
57marengay nazu kantaw: <<'azi u ziyan meredek za makalruwatr 'ami, mena'u u lra kani Aburaham ziyamaw?#8.57 <<mena'u u lra kani Aburaham ziyamaw>> zuma ulra pidaya na awatranan lulun vinavalray za <<i Aburaham mena'u lra kannu ziyamaw>>.>>
58temuvang i Yēsu: <<penazangala ku marengay kanmu, a pinialrak i Aburaham pakangawayan mu, i inku mu <taw ku na kazu lra zi kazu munayun> lra.>>
59kemazu zi, nazu melak kana varasa' uri tatengez kantaw, mawmu muwaliki i Yēsu, kemay kana vangesar ruma' mupatraran.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023