Sito 16
16
i Timotē zi i Pawlo, Sila mukasa kikarun
1meredek i Dērebē zi i Lustēra i Pawlo. i Lustēra ulra sasa temakesi, Timotē tu ngadan; i tainataw a trau i Yodaya, zi maw a sinziya, i temamataw mu trau i Gilisiya. 2na sinziya i Lustēra zi i Ikoniyom salaw semangal kani Timotē. 3maurung kantaw i Pawlo salrangan mukuwa, zi pakalranganay kana kakuwayanan na kikeret kantaw, 'alrana i kani Yodaya na trau malrazam mapiya kani temamataw maw a Gilisiya na trau. 4makaalrang nazu kana zekazekalr mu, nantu i kuret na sito zi na ciyoro i Yērusalem tu verayanay kanazu, zi patalru kanazu za yaturusan. 5mawna kemani, na kiyokay ziyan mupakaarekez tu pakutatena'an, zi tu pinitrauwan marekakazuwan kana wariwari.
tu iya'uway'uy na Makidoniya
6makalrang nazu i Fulika zi i Kalatiya kana pinidare'an, 'alrana na Vangesar Lu'em 'azi tu paturusi nazu za kazu i Asiya siyo palenak za vati. 7a meredek lra i Mēsiya i ngaydiran nazu mu, maranger musavak i Bitiniya siyo, aramawana tu Lu'em ni Yēsu tu paziyaziyaw nazu. 8kemazu zi semakelaw#16.8 <<semakelaw>> karuwa marengay za <<melavat>> i Mēsiya, mukuwa i Toroas nazu. 9a azu za 'aremeng, kiredek za kirekamalri a nirekudayan i Pawlo, kanini na kirekamelri a nirekudayan mena'u za sasa i Makidoniya na trau, matikezir kiyaami marengay kantaw: <<alamu i Makidoniya puwalrangay mi!>> 10i Pawlo kiredek lra kanini na kirekamelri na nirekudayan mu, payas padang mukuwa i Makidoniya, 'alrana malrazam mi na Viruwa i itras venina demaulr kaniyam mukuwa palenaka za fukuing kana trau i kazu.
pakutatena' kani Luzu i Lidiya
11muitras mi za sudang masikasik kemay Toroas, payas mukuwa i Samotērakē, kazuwa wari meredek i Nēapolis. 12kemay kazu piyasavak mi kemakawang, meredek i Makidoniya pinidare'an kana pukaisa na saya kazekalran#16.12 <<i Makidoniya pinidare'an kana pukaisa na saya kazekalran>> zuma ulra pidaya awatranan lulun vinavalray za <<i Makidoniya pinidare'an na penazangal kazekalran>> zi za <<i Makidoniya i kazu kana pidare'an, a saya kiyakarunan na penazangal kazekalran>>. i Filipi; ini na kazekalran maw a Roma na trau demadikes. kazu mi i kani pidawariyan. 13a katalaulepan na wari, mupatraran mi i kazekalran meredek lra i ngaydiran kana zinanuman, kemianger, i kazu kaulra saya a kiyaanunan za Yodaya na trau. kemayan mi, tremepa kana muwazuk na vavayan venavati za vati. 14na kiyangkinger na trau ulra a sasa vavayan kemay i Tēatēra i kazekalran zuwa, i Lidiya tu ngadan, mitrepa meniwan za pinalrahi na inuwan. maw na semasungal kana Viruwa i itras i intaw; tu truwalray ni Luzu nantu anger, zi maruwa temarakinger tu vinavatiyan ni Pawlo. 15kisuwap lra i intaw zi tu niruma'enan mapapiya. pakalikuzan, kiyami kaniyam i intaw: <<nu maw tatena' za pakutena' kani Luzu kema mu kaninku, 'alrazi alamu kikazu kaniyam.>> kemazu zi penakakasa venilin kaniyam.
kazu kana imengan i Filipi
16ulra a saya wari, mukuwa mi kana kiyaanunan, ulra a sasa vavayan na kuli tremepa kaniyam mukuwani. ini na vavayan na kuli kipalrar, maruwa 'emelraw kana 'azi ziya meredek na lremak, mawna kemani zi paruveli kanantu tawki mietan za sazu paisu. 17miturus kani Pawlo zi kaniyam i intaw, pakirev 'emuway'uy marengay: <<nanni na trau maw tu pakarunan kana mara itraitras na Viruwa i itras, pakiyareveng kanmu kana dalan na kiyavaawan!>> 18patrutru kemani za pidawariyan 'emuy'uy i intaw; 'azi lra kiyaseker za rasakan i Pawlo, zi marepiles, marengay kanizu na palrar: <<pakalrang ku tu ngadan ni Yēsu Kiristo, upatraran kemay kanini na trau!>> izu na palrar mu payas mupatraran lra.
19tu tawki na vavayan na kuli malrazam za kemay kani mureput nantu kipaisuwan, tu kezengaw i Pawlo zi i Sila, tu kerusanay mukuwa kana kazuwazuwan kirepana'u kana yawan, 20tu urungaw nazu mukuwa kana ma'izang na Roma i ngawayan, kokso marengay: <<nanni na trau mu maw a Yodaya na trau, maruwaruwa zuwa tremiyura kananiyam kazekalran. 21semasukun za pamelri za kuret nazu, amelri iniyam na Roma na trau kararuwa kituluz, 'azi maruwa pakakawang!>> 22na zinekalranan pakurelrang temengez kanazu, na ma'izang patalru za pulapus zantu kavang, melrepit kanazu. 23na hitay tu pakirevay penukpuk i Pawlo zi i Sila, zi tu imengaw, zi semerat kana ki'alra'alra za tarena'ui. 24kituluz kana seratr temarana'u, tu imengaw nazu, zi tu dadikusaw nantu kuy.
25kararuwa parekazuwa 'esungan, kiyaanun i Pawlo zi i Sila, semenay pulihu kana Viruwa i itras, zuma na inimeng patulre'ay kiyangekinger. 26maherareher ulra a mengunin pakirev, arusay tu kaarekezan na imengan matrikatruk; na 'alrevan ziya payas mukitruwalr peniya, tu kusali kana muimeng na trau mu mutelak mutatani. 27masenekin lra na ki'alra'alra, mena'u kana 'alrevan za mutruwalr peniya mu, ulra penusar lra na inimeng mapiya kema, zi 'emelretrus kana tazaw, maranger miyangula. 28a mena'u i Pawlo, kematamuni 'emuy'uy: <<ivavuli' kanmu i inmu, 'awlray mi i kani mapiya!>>
29na ki'alra'alra paelak za lrawlraw zuwa, semerepang musavak, herareheran miherupu kani Pawlo zi i Sila i kakuyan, 30kamzu tu pilralrangaw nazu pupana, kiyumalr: <<inmu na zazuwa na sinsi, kemakudaya ku za eman zi kararuwa muvaaw awa?>>
31marengay nazu: <<pakutena' kani Luzu Yēsu, inu zi nannu niruma'enan kararuwa kivaaw.>> 32na zazuwa na trau masalr parevati kanantu vati ni Luzu kantaw zi nantu niruma'enan. 33azu kana karauvan mu, maw a azu, na ki'alra'alra tu arelrayaw nazu mukuwa semavesava kanantu vuli'; intaw zi na saruma'enan kisuwap lra mapiya. 34tu arelrayaw i Pawlo zi i Sila mukuwa kantaw, tu pakanay nazu. nazu saruma'enan salaw semangal, 'alrana pakutena' lra kana Viruwa i itras nazu.
35kazuwa wari semavalr, tu ma'izang kana Roma pakarunay tu ma'izang kana kingsas mukuwa marengaya: <<vuwari nazu zazuwa puveruku a!>>
36na ki'alra'alra tu rengayaw i Pawlo: <<ulra tu seratr na ma'izang venuwar kannu zi i Sila, karuwa mu lra mupatraran i aimengan, kaametreh i anger muveruk a.>>
37mawmu, marengay kana ma'izang na kingsas i Pawlo: <<maw mi a Roma na trau, 'azi kikuret za pamelriyan, zi kazu i kazuwazuwan i ngawayan penetepit kaniyam, zi tu imengaw mi ziya. harem marenger tremakatrakaw puveruk kaniyam; 'azi 'inava nu kemani! rengayu na ma'izang kana Roma na milralrang intawa pupatraran kaniyam mu!>>
38na ma'izang na kingsas pakalrazam kana demadikes. kinger nazu za i Pawlo zi i Sila maw na Roma a trau, makaud i anger, 39zi mukuwa i imengan irayan kema kanazu, zi pilralrangaw mupataran nazu, uwaday kanizu na kazekalran kema kanazu. 40i Pawlo zi i Sila mupatraran kana imengan, zi mukuwa kana ruma' ni Lidiya, kazu i kazu mena'u kana sinziya, demele'us pukezang kanazu, kamazu zi muwaday.
Currently Selected:
Sito 16: TPN
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2023