Maruku 5
5
Ki Yésu pakragragi modɨrapɨ gɨralɨ buetɨdra na ico
(Matai 8.28-34; Luka 8.26-39)
1Ku muidranga Galrilri tɨbaru tbila, tlikia Gerasén ku icodra. 2Ki Yésu mididedra siliké avangɨ madresɨngɨ sesa na ico salɨké tabubla mboelɨ; kɨné ico ka modɨrapɨ nia gɨralɨ, 3ikiké sdanɨ tobubla, tédra na ico udurudria ruthuku, sarké na kcikci iduru ruthukudria. 4Ukpielɨ dranga na ico sarké kteme kɨtɨmɨ kukudra si rimédra ka idurudria, uavsivsarɨ tortarbɨ, ngutuludria ku kcikci, tédra na ico uduru ruthuku psimɨmɨdria. 5Liliepɨdra masungudra iké tobubla si ruborbo thɨpɨrɨ mra na alapi ngédamɨke.
6Édavlinga cɨngɨlɨ Yésu na, suribungunga pidɨke mukné, mua tulucubungadra ki Yésu pokuru, 7Psakuranga koko, <<Iké Tɨbɨlɨnga Ticomtia Vlakɨdra ku Yésu, nakusu mukuné vedrɨle ptépungu kwa? Nupoké makɨ Ticomtia kuktubiswa, adra iptidɨrangkwa!>> 8(Spasobkéni kɨné ka masobɨkanga nia ki Yésu urunga nia msobaka, <<Gɨralɨ, silikia kɨné ico buetɨni mbalɨte!>>)
9Ki Yésu latililadria, <<Aci ku aracɨsu?>>
Labrikidriico, <<Aracɨli ka <Mapulu>, sakura mapulu knamɨ!>> 10Lakulula kutubi Yésu na adra ipigia nɨma psévgé kɨné tékanɨme.
11Ku midɨdlé na rgɨrgɨ tisisia iké na madro bɨkɨ ukanɨ kne; 12Ku gɨralɨ laktubi Yésu na, msobaka, <<Pigia nɨma pdanɨ nia bɨbɨkɨ, niwaknamɨ mdarape nia bɨbɨkɨ!>> 13Ki Yésu iyo liadria; gɨralɨ ka susiliké ngadria ku ico gia mbalɨte, suvadringingadria ku madro na bɨkɨ (nuwama na drusa kuzulu) surbuelɨnga tɨgase, modringi tɨbaru, athɨthɨdɨ manmdu.
14Iku uthɨdethɨde bɨkɨ na ico rɨsaliya abɨbɨrɨ; tililadria cɨkɨcɨkɨlɨ si spégisidra tumaneni ku acɨngɨladra. Rɨsaliya mngbolɨ mukuné cɨnglɨ acɨku tumanɨnimia. 15Muidranga Yésu na, cɨnglɨdria moderapɨdria mapulu gɨralɨ na ico ka ingnunga, skupingi, pucununga mragi, sukrɨkmɨnga. 16Cɨngɨlɨdra patumanɨni ku dɨdebɨ kini icico, latilila makaiconga muininia mderape buetɨni na gɨralɨ si bɨbɨkɨ ku tumanɨdra. 17Laktubi Yésu na gia svagé kɨné tékakaneme.
18Ki mrageredra avangɨ ki Yésu, iku kéderape buetɨdra na gɨralɨ ku ico kitubi Yésu na msobaka, <<Iyo mia kwa kukɨsapara swa.>>
19Ki Yésu éniliya, latiladria, <<Mwa siviri tilila paprésu, ku tumanɨdra Pɨlɨngɨ skilɨvakɨ niswa si spasparanisua na makadepɨnga.>>
20Iku ico sugianga, skirodru iké Mengesle na Cɨkɨlɨ déda tilila ku iké buetɨdra patɨmanɨnidria adepadra ki Yésu; ubiciringinga na ico ka tédra na ikrɨkmɨnga.
Vlakɨdra ku Yélu na abéya si apulobu cemɨne na abéya
(Matai 9.18-26; Luka 8.40-56)
21Ki Yésu lakiudu na avangɨ msavakele tɨbaru; iké tɨbaru tibila madro na ico isarbu mwa tulucubungadra. 22Ku tilikédria tisarbubua na Yudai ico ka iké sesa na otatarasɨ aracɨni ka Yairu, mukani, iku cɨnglɨdra Yésu na talkubungu iké tulucubungadra. 23Laktubidria, <<Ku vlakɨli abéya sakura na macemɨ, kitubikɨswa nanga sakia lrimésu depɨ, pkargagi, pkodripidria!>>
24Ki Yésu sugianga ngeresɨdria. Madro na ico kisapradria, midrikidrikisi.
25Iku tékanidria iké sesa na abéya mngesle kudrusa cvélé apulobu na cemɨne, 26pacɨngɨlɨ madro na Kuisang, sakura na matérubu, angculunga makainudranga sarké; makasi iku cemɨnedra ingipela, ina makavienɨnga sakukurama kɨmani. 27Ki abéya ka ubciringinga ku adepadra ki Yésu, sukédra mwa mdrardrarludria ku icico, luwa kodrengadra ki Yésu, depɨ ɨbɨlɨni, 28lapakdrɨdrɨmɨ, <<Na depɨli kpingini ka, kɨragragi makɨmia.>>
29Iku cemɨnedra na apulobu ka mkakainga itɨré, larigu margaginga ku taboetɨna cemɨneli miya. 30Ki Yésu ka mkakainga ngilrigu iké na kɨcɨnga siliké buetɨli muboelɨ, sukéngadria ku madronaico ngévrégé, msobaka, <<Aci ku udepɨ kpingili?>>
31Sétodra ka labri, <<Cɨngɨla sakura madro na ico tpaingulu udrikidrikisi swa, nakusu kububuru aci ku udepɨkwa miya?>>
32Iki Yésu lapacɨngcɨnglɨ bila, kurigu aci ku udepɨkwa miya. 33Iku abéya urugu madrɨsɨngadra iké tabuetɨnadra na depɨ, takrukɨkɨmɨ mukuné iké tulucubunga ni Yésu pokuru, lara matɨkadrɨngé depɨ musobaka buelɨ. 34Ki Yésu lapsobakadria, <<Vlakɨ, iku tékabkanasu ka pakodripiswa! Mragragianga siviri! Iku cemɨne su movaranga mtatédra.>>
35Ki Yésu msobakédrala kɨné babɨka, iké na ico salɨké tisarbubua na Yudai ico ku otatarasɨ dadra mukuné, tila Yélu na, <<Vlakɨsu ka mamudunga, nakusu kulala pitipungu singsia na?>>
36Ki Yésu ibiridria#5.36 <<Ki Yésu ibiridria>> si tuméné <<Ki Yésu ka ubciringi>>. ku spasobkédra, lapsobakadria ku tisarbubua na Yudai ico ku otatarasɨ, <<Adra ikuludru, tkabɨkana!>> 37Si lamɨcɨ Pitiru, Yakobu, si Yakobu gilidria sovlé Yuhani ngeresemwa, adra ikisaparamia na druma na ico. 38Lawa dadra ku tisarbubua na Yudai ico ku otatarasɨ, ki Yésu lacɨnglɨdria ku manono ico, psakuranga tubi. 39Ki Yésu ladanɨ musobakadria, <<Nakumu sutubi? Ikné vlavlakɨ ka ikanmudu, siené sierekɨ.>>
40Rɨsaliya tévadria, Yésu ka lapigiadria baltɨ, tkathani ku tévlakɨdria si turu sétodra ksapradria mdanɨ cierekadra abéya vlavlakɨ. 41La blibli rimédra ku vlavlakɨ msobakadria, <<Talrita, Kumi!>> iku tulunedra ka, <<Vlavlakɨ abéya, urukɨswa, icikɨla!>>
42Ku vlavlakɨ abéya mkakainga icikɨle dovdavce. (Idrianɨka mengesle kdrusa cvélédra.) Tumaneni kɨné depɨ rɨsalia mrɨkɨmɨ! 43Ki Yésu ka patapɨdrɨngɨnga tiladria adra igiyia prabu tilila na ico, larudria borania vlavlakɨ na kɨne pkanɨ.
Currently Selected:
Maruku 5: Maolin23
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2023
