Maruku 16
16
Siela ki Yésu
(Matai 28.1-8; Luka 24.1-12; Yuhani 20.1-10)
1Sribtɨdranga tébarbarvia na vienɨ, ki Magedala Malriya, ningdria ki Yakobu Malriya, si Salromi olengé na sasɨbe, nuwama drisidrisi tabotɨnadra ki Yésu. 2Ku niciobi blilesɨni, rosudra na avé, kidri lemalili avétha tabubla.
3-4Ikédra dadɨrane ka, pakdrɨdrɨmɨ ku tatuméyani, <<Aci nukɨmanima psopra thogathegé ku tabubla sodadana lapi?>> (Kdri sesa na lapi ka sakura tɨradro.) Makasi ku msévagarɨdra cɨngɨlɨ ka, iku alapi othɨgathɨgé ngadria. 5Ku mɨdanɨdra modringi tabubla, lacɨngɨlɨ sesa thɨbarɨ iké tlovétha vɨnanɨ inunu, skupingi tpupulia mathɨngedanga na ɨbɨlɨ; rɨsalia mrɨkmɨ.
6Ku thɨbarɨ ka masobka, <<Musadra ikrɨkmɨ, urugukɨmwa usɨlapɨ mumudria ku kitɨtcsɨ ziuzika na Nazarethe ico ki Yésu. Kidri ka ikai kɨné, sielanga modripi! Cɨngɨla, amani kɨné ku tpékanidria. 7Muibunga mwa tilila ku sétodra, odra ki Pitiru, msobaka, <Ptolémamwa muwa Galrilri, ikénidria ka, nuduruma mumu cɨngɨlɨdria, tumémadria ku tilila ninmwa.> >>
8Kidri ka markɨmɨ si lakuldru, ribungunga abɨbɨrɨ sɨvagé tabubla, gia pidɨke. Kidri ka iyara kɨné dɨdepɨ ptapɨdrɨngɨ tilila na makaiciconga, iku tumanɨnidria ka akuludru.
Iké druma buruenɨ sulatɨ pébu tuméyani bɨka
Ki Yésu ka pubuelɨ pcɨngɨlɨ Magedala Malriya
(Matai 28.9-10; Yuhani 20.11-18)
[9Ku niciobi mierɨ, sieladranga Yésu ka, palalénga pcɨngɨlɨ ki Magedala Malriya (ki Yésu ka pasliké boetɨdra pigia ngiptu na gɨralɨ.) 10Amua tililadria ku kisapra Yésu na icico; icɨngɨcɨngɨ mloru tubi. 11Bicringidra sielanga ki Yésu mia si Malria ucɨngɨlɨnga latililadria, si itkabɨkanɨlaa.
Pubuelɨ pcɨngɨlɨ drusa na séto
(Luka 24.13-35)
12Kɨné depɨ ribteninga, ki Yésu iké ku sarkédra druma na técavenadra pcngɨlɨ drusa séto ku avétha ckɨckɨlɨ. 13Kɨné drusa séto ka siviri tililadria ku druma na séto, makasi itkabɨkanɨlaa.
Pubuelɨ pcɨngɨlɨ ku mngesle ksasanɨ séto
(Matai 28.16-20; Luka 24.36-49; Yuhani 20.19-23; Nisikawlane 1.6-8)
14Ibrilanga, ku Yésu avétha icɨngɨcɨngɨ kuenɨ ku mngesle ksasanɨ séto buolɨ pcɨngɨlɨ. Mgaucudria; tumanɨnidria ka ipɨktɨ tékabkanadra si matɨkɨ mkɨcɨngɨ kdrɨdrɨmɨ, itkabɨkanɨ ku ucɨngɨlɨ na ico sielanɨdra modripinga ku atililadra. 15Lapsobakadria, <<Mua kétakmɨnga tbɨlɨnga tékatabuala makadédanga, tilila makaiconga prabu Hukuing. 16Ina tékabkanɨ si lakibabano ka, ktormanama kipsopara; ina itkabɨkanɨ ka, nukéma ku akɨtani psaila. 17Ina tékabɨkanɨ ka nuduruma iké ku depɨ ni Pɨlɨngɨ na kɨcɨnga Ticomtia: nuduruma ptalu aracɨli pigia na gɨralɨ, msobka bouvana Séré bɨka. 18Sarké ma rima pora na sura, ungulu makakuanga iké na amasɨ ka nupréngviaya, sarké rimédra depɨ macemɨ na ico ka, iku cemɨnedra ka kragagima.>>
Kitromna nbɨlɨngɨ tbɨlɨnga ki Yésu
(Luka 24.50-53; Nisikawlane 1.9-11)
19Ki Pɨlɨngɨ Yésu ku msobakéninga dria kɨné babɨka, latormanadria mwa nbɨlɨngɨ tbɨlɨnga, inunu iké Ticomtia ku vnanɨdra. 20Ku sétodra ka lagia, mua makatékanga prabu Hukuing; Pɨlɨngɨ ikédria tapra, ptalu ku sidepadra Pɨlɨngɨ, ptapɨdrɨngɨ pirigu agiadra tilila kɨné babɨka ka matkadrɨngé mia.]
Iké druma buruenɨ sulatɨ tuméyani srɨpɨngɨ bɨka
[ 9 Ku bébibé amua cɨngɨlɨ Pitiru si lesédra, mra maka abicringi ngadra tilila. 10 Ku sribtɨdranga kné dɨdepɨ, ki Yésu ka uru sétodra musilikia susorosu ni mua sɨrɨdpɨ na avé, prabu tilila ku mabula, nuduria brothi, nuduruma ico ktromana ku nusa kodridripiani na bɨka.]
Currently Selected:
Maruku 16: Maolin23
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2023
