Санау 7
7
Сыйлы Чатыр битдирилгени ючюн келтирилген саугъала
1Мусса Сыйлы Чатырны къурап бошагъан кюн, ол аны битеу кереклери бла майлап, сыйлы этгенди. Андан сора, ол къурман этилиучю жерни бла аны кереклерин да майлап, сыйлы этгенди. 2Сора, Исраилни бачамалары, юйюрлерини башчылары, санаугъа жууаплы болгъан тайпаланы бачамалары келгендиле. 3Ала Раббийге саугъагъа башлары жабылгъан алты арба бла онеки ёгюз келтиргендиле. Хар эки бачамадан бирер арба эм хар бачамадан бирер ёгюз эди. Ала бу саугъаланы Сыйлы Чатырны аллына келтиргендиле.
4Сора Раббий Муссагъа былай айтханды:
5– Аладан быланы ал да, Тюбешиу Чатырда къуллукъгъа хайырландыр. Быланы лебийлилеге, хар бирини къуллугъуну кереклисине кёре бер.
6Мусса арбаланы бла ёгюзлени алып, лебийлилеге бергенди. 7Эки арбаны бла тёрт ёгюзню ол, къуллукъларына кёре, Гершон улулагъа бергенди. 8Тёрт арба бла сегиз ёгюз а ол, къуллукъларына кёре, Мерарий улулагъа буюрулгъанды. Дин къуллукъчу Харунну уланы Итамар аланы башчысы эди. 9Кохат улулагъа уа зат да бермегенди, нек дегенде, аланы жумушлары – сыйлы затла бла байламлыды, имбашларында ташыргъа керекдиле.
10Къурман этилиучю жер майланнган кюн, аны сыйлы этер ючюн бачамала къурманларын бла саугъаларын къурман этилиучю жерни аллына келтиргендиле.
11Нек дегенде, Раббий Муссагъа былай айтханды:
– Къурман этилиучю жерни сыйлы этер ючюн, саугъасын хар кюнден бир бачама келтирсин.
12Биринчи кюн саугъасын Яхуданы тайпасындан Аминадаб улу Нахшон келтиргенди.
13Аны саугъасы буду: 1 500 грамм ауурлугъу болгъан кюмюш табакъ бла 840 грамм ауурлугъу болгъан кюмюш аякъ (ала, мирзеу саугъа этер ючюн, зейтун жау бла къатыш, бидиш ундан толу эдиле); 14ариу ийисли затладан толу 120 грамм ауурлугъу болгъан алтын пиала; 15толусунлай кюйдюрюлген къурманнга бир бугъа, бир къочхар эм бир къозу; 16гюнях ючюн къурманнга бир теке, 17саламатлыкъ къурманнга эки бугъа, беш къочхар, беш теке, беш къозу. Аминадаб улу Нахшон быллай саугъа келтиргенди.
18Экинчи кюн саугъасын Иссахар тайпаны бачамасы Цуар улу Нетанел келтиргенди.
19Аны саугъасы буду: 1 500 грамм ауурлугъу болгъан кюмюш табакъ бла 840 грамм ауурлугъу болгъан кюмюш аякъ (ала, мирзеу саугъа этер ючюн, зейтун жау бла къатыш, бидиш ундан толу эдиле); 20ариу ийисли затладан толу 120 грамм ауурлугъу болгъан алтын пиала; 21толусунлай кюйдюрюлген къурманнга бир бугъа, бир къочхар эм бир къозу; 22гюнях ючюн къурманнга бир теке, 23саламатлыкъ къурманнга эки бугъа, беш къочхар, беш теке, беш къозу. Цуар улу Нетанел быллай саугъа келтиргенди.
24Ючюнчю кюн саугъасын Зебулун тайпаны бачамасы Хелон улу Элиаб келтиргенди.
25Аны саугъасы буду: 1 500 грамм ауурлугъу болгъан кюмюш табакъ бла 840 грамм ауурлугъу болгъан кюмюш аякъ (ала, мирзеу саугъа этер ючюн, зейтун жау бла къатыш, бидиш ундан толу эдиле); 26ариу ийисли затладан толу 120 грамм ауурлугъу болгъан алтын пиала; 27толусунлай кюйдюрюлген къурманнга бир бугъа, бир къочхар эм бир къозу; 28гюнях ючюн къурманнга бир теке, 29саламатлыкъ къурманнга эки бугъа, беш къочхар, беш теке, беш къозу. Хелон улу Элиаб быллай саугъа келтиргенди.
30Тёртюнчю кюн саугъасын Рубен тайпаны бачамасы Шедеур улу Элисур келтиргенди.
31Аны саугъасы буду: 1 500 грамм ауурлугъу болгъан кюмюш табакъ бла 840 грамм ауурлугъу болгъан кюмюш аякъ (ала, мирзеу саугъа этер ючюн, зейтун жау бла къатыш, бидиш ундан толу эдиле); 32ариу ийисли затладан толу 120 грамм ауурлугъу болгъан алтын пиала; 33толусунлай кюйдюрюлген къурманнга бир бугъа, бир къочхар эм бир къозу; 34гюнях ючюн къурманнга бир теке, 35саламатлыкъ къурманнга эки бугъа, беш къочхар, беш теке, беш къозу. Шедеур улу Элисур быллай саугъа келтиргенди.
36Бешинчи кюн саугъасын Шимон тайпаны бачамасы Цуришаддай улу Шелумиел келтиргенди.
37Аны саугъасы буду: 1 500 грамм ауурлугъу болгъан кюмюш табакъ бла 840 грамм ауурлугъу болгъан кюмюш аякъ (ала, мирзеу саугъа этер ючюн, зейтун жау бла къатыш, бидиш ундан толу эдиле); 38ариу ийисли затладан толу 120 грамм ауурлугъу болгъан алтын пиала; 39толусунлай кюйдюрюлген къурманнга бир бугъа, бир къочхар эм бир къозу; 40гюнях ючюн къурманнга бир теке, 41саламатлыкъ къурманнга эки бугъа, беш къочхар, беш теке, беш къозу. Цуришаддай улу Шелумиел быллай саугъа келтиргенди.
42Алтынчы кюн саугъасын Гад тайпаны бачамасы Деуел улу Элиясаф келтиргенди.
43Аны саугъасы буду: 1 500 грамм ауурлугъу болгъан кюмюш табакъ бла 840 грамм ауурлугъу болгъан кюмюш аякъ (ала, мирзеу саугъа этер ючюн, зейтун жау бла къатыш, бидиш ундан толу эдиле); 44ариу ийисли затладан толу 120 грамм ауурлугъу болгъан алтын пиала; 45толусунлай кюйдюрюлген къурманнга бир бугъа, бир къочхар эм бир къозу; 46гюнях ючюн къурманнга бир теке, 47саламатлыкъ къурманнга эки бугъа, беш къочхар, беш теке, беш къозу. Деуел улу Элиясаф быллай саугъа келтиргенди.
48Жетинчи кюн саугъасын Эфрайим тайпаны бачамасы Аммихуд улу Элишама келтиргенди.
49Аны саугъасы буду: 1 500 грамм ауурлугъу болгъан кюмюш табакъ бла 840 грамм ауурлугъу болгъан кюмюш аякъ (ала, мирзеу саугъа этер ючюн, зейтун жау бла къатыш, бидиш ундан толу эдиле); 50ариу ийисли затладан толу 120 грамм ауурлугъу болгъан алтын пиала; 51толусунлай кюйдюрюлген къурманнга бир бугъа, бир къочхар эм бир къозу; 52гюнях ючюн къурманнга бир теке, 53саламатлыкъ къурманнга эки бугъа, беш къочхар, беш теке, беш къозу. Аммихуд улу Элишама быллай саугъа келтиргенди.
54Сегизинчи кюн саугъасын Манаше тайпаны бачамасы Педасур улу Гамалиел келтиргенди.
55Аны саугъасы буду: 1 500 грамм ауурлугъу болгъан кюмюш табакъ бла 840 грамм ауурлугъу болгъан кюмюш аякъ (ала, мирзеу саугъа этер ючюн, зейтун жау бла къатыш бидиш ундан толу эдиле); 56ариу ийисли затладан толу 120 грамм ауурлугъу болгъан алтын пиала; 57толусунлай кюйдюрюлген къурманнга бир бугъа, бир къочхар эм бир къозу; 58гюнях ючюн къурманнга бир теке, 59саламатлыкъ къурманнга эки бугъа, беш къочхар, беш теке, беш къозу. Педасур улу Гамалиел быллай саугъа келтиргенди.
60Тогъузунчу кюн саугъасын Бенямин тайпаны бачамасы Гидеоний улу Абидан келтиргенди.
61Аны саугъасы буду: 1 500 грамм ауурлугъу болгъан кюмюш табакъ бла 840 грамм ауурлугъу болгъан кюмюш аякъ (ала, мирзеу саугъа этер ючюн, зейтун жау бла къатыш бидиш ундан толу эдиле); 62ариу ийисли затладан толу 120 грамм ауурлугъу болгъан алтын пиала; 63толусунлай кюйдюрюлген къурманнга бир бугъа, бир къочхар эм бир къозу; 64гюнях ючюн къурманнга бир теке, 65саламатлыкъ къурманнга эки бугъа, беш къочхар, беш теке, беш къозу. Гидеоний улу Абидан быллай саугъа келтиргенди.
66Онунчу кюн саугъасын Дан тайпаны бачамасы Аммишаддай улу Ахиезер келтиргенди.
67Аны саугъасы буду: 1 500 грамм ауурлугъу болгъан кюмюш табакъ бла 840 грамм ауурлугъу болгъан кюмюш аякъ (ала, мирзеу саугъа этер ючюн, зейтун жау бла къатыш бидиш ундан толу эдиле); 68ариу ийисли затладан толу 120 грамм ауурлугъу болгъан алтын пиала; 69толусунлай кюйдюрюлген къурманнга бир бугъа, бир къочхар эм бир къозу; 70гюнях ючюн къурманнга бир теке, 71саламатлыкъ къурманнга эки бугъа, беш къочхар, беш теке, беш къозу. Аммишаддай улу Ахиезер быллай саугъа келтиргенди.
72Онбиринчи кюн саугъасын Ашер тайпаны бачамасы Охран улу Пагиел келтиргенди.
73Аны саугъасы буду: 1 500 грамм ауурлугъу болгъан кюмюш табакъ бла 840 грамм ауурлугъу болгъан кюмюш аякъ (ала, мирзеу саугъа этер ючюн, зейтун жау бла къатыш бидиш ундан толу эдиле); 74ариу ийисли затладан толу 120 грамм ауурлугъу болгъан алтын пиала; 75толусунлай кюйдюрюлген къурманнга бир бугъа, бир къочхар эм бир къозу; 76гюнях ючюн къурманнга бир теке, 77саламатлыкъ къурманнга эки бугъа, беш къочхар, беш теке, беш къозу. Охран улу Пагиел быллай саугъа келтиргенди.
78Онекинчи кюн саугъасын Нафталий тайпаны бачамасы Энан улу Ахира келтиргенди.
79Аны саугъасы буду: 1 500 грамм ауурлугъу болгъан кюмюш табакъ бла 840 грамм ауурлугъу болгъан кюмюш аякъ (ала, мирзеу саугъа этер ючюн, зейтун жау бла къатыш бидиш ундан толу эдиле); 80ариу ийисли затладан толу 120 грамм ауурлугъу болгъан алтын пиала; 81толусунлай кюйдюрюлген къурманнга бир бугъа, бир къочхар эм бир къозу; 82гюнях ючюн къурманнга бир теке, 83саламатлыкъ къурманнга эки бугъа, беш къочхар, беш теке, беш къозу. Энан улу Ахира быллай саугъа келтиргенди.
84Къурман этилиучю жер майланнган кюн, аны сыйлы этер ючюн келтирилген Исраилни бачамаларыны саугъалары быладыла: 12 кюмюш табакъ, 12 кюмюш аякъ эм 12 алтын пиала. 85Хар кюмюш табакъны ауурлугъу 1 500 грамм, хар аякъны ауурлугъу 840 грамм. Битеу бу адырланы ауурлугъу 28 килограмм 800 грамм. 86Ариу ийисли затладан толу 12 алтын пиала, хар бирини ауурлугъу 120 грамм. Барыны ауурлукълары 1440 грамм. 87Толусунлай кюйдюрюлген къурманнга: 12 бугъа, 12 къочхар, 12 къозу, биргелерине, тийишли мирзеу саугъала. Гюнях ючюн къурманнга 12 теке. 88Саламатлыкъ къурманнга: 24 бугъа, 60 къочхар, 60 теке, 60 къозу. Къурман этилиучю жер майланнгандан сора, аны сыйлы этер ючюн быллай къурманла бла саугъала келтиргендиле.
89Мусса Раббий бла ушакъ этерге Тюбешиу Чатыргъа кирген заманда, ол Шагъатлыкъ Кюбюрню башындан – Мархамат Жеринден#7:89 «Мархамат Жер» деп кёчюрюлген чюйют сёз «каппорет» Аллахны ачыуу жумушатылгъан, халкъыны гюняхлары кечилген, ала Аллах бла жарашдырылгъан энчи жерни ангылатады. – эки Керубну#7:89 Керуб – уллу мёлек. арасындан Ауаз эшите эди эмда Ол Мусса бла ушакъ эте эди.
Currently Selected:
Санау 7: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
