Лебийлиле Ал сёз
Ал сёз
Бу китапны асламысында, Аллахны къуллукъчулары болгъан Лебий улуланы тюрлю борчларыны юсюнден айтылады. Китапны аты да аны белгилейди.
«Мисирден Чыгъыу» китапда, Аллах Муссаны юсю бла Синай тауда халкъгъа берген жорукълары шарт белгиленедиле. Мында уа, андан сора болгъан затланы юсюнден жазылады. «Лебийлиле» китапны эм аллында (1–10 башла) Аллахны къуллукъчуларына Аллахха къурманла этерик борчларыны юсюнден жорукъла бериледиле. Къурманланы бла сыйлы саугъаланы тюрлю магъаналары барды: адам неда битеу халкъ аланы келтиргенде, бирде Аллах бла келишедиле, бирде Аны аллында тобагъа къайтышадыла, бирде уа, Аллах берген берекетни бир кесегин Анга къайтарып, ыразылыкъларын билдиредиле.
Андан сора (11–16 башла) харамны халалдан айыргъан жорукъла бериледиле. Аланы магъанасы – Аллахны халкъы харкюнлюк жашауунда кесин тазалыкъда сакъларгъа керек болгъаныды. Неден да бек – аш ашагъанында.
Китапны ахыр кесегинде (17–27 башла) адамны энчи жашауунда керекли юйюр, жамауат, берекет бла байламлы кёп жорукъла жазылыпдыла. Быланы асламысы бурун заманда кюнчыгъышда жашагъан миллетлени жорукъларына ушайдыла. Болсада, аланы баш магъанасы – адам Къудуретли Аллаху-Тааланы бийлигине ыразылыкъ бла бой салыуду. Бу китапда айтылгъан: «Тенгинги, кесинги сюйгенингча, сюй», – деген сёз Аллахны халкъыны ичинде келишиулени жарашдыргъан баш жорукъ болгъанды.
Магъанасы
Къурманланы юсюнден жорукъла (1:1–7:38).
Харун бла уланлары дин къуллукъгъа салынадыла (8:1–10:20).
Харамлыкъны бла тазаланыуну юсюнден жорукъла (11:1–16:34).
Харкюнлюк жашауну юсюнден жорукъла (17:1–20:27).
Дин къуллукъчулагъа берилген буйрукъла. Байрамла (21:1–24:23).
Ырахатлыкъ жыл эм Мархамат жыл. Алгъышла бла налатла. Нюзюр этип берилген саугъала (25:1–27:34).
Currently Selected:
Лебийлиле Ал сёз: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024