Лебийлиле 22
22
Къурманла сыйлыдыла
1Раббий Муссагъа былай айтханды
2– Харуннга бла аны уланларына айт да, ала Исраил улуланы сыйлы къурманларына бек сакъ болсунла. Исраил улула аланы Манга багъышлайдыла, ол себепден, Мени сыйлы Атымы бедишлик этмесинле. Мен – Раббийме.
3Алагъа былай айт:
Битеу келлик тёлюлеригизде сизни туудукъларыгъыздан биреу, харам болуп тургъанлай, Исраил улула Раббийге багъышлагъан сыйлы къурманлагъа жууукълашса, аны Мени аллымдан жокъ этерге керекди. Мен – Раббийме.
4Харунну туудукъларындан биреуню тери аурууу неда уятлыгъындан акъгъаны болса, ол тазаланнгынчы, сыйлы къурманла ашамасын. Ёлюкден харам болгъан затха тийген да, урлугъу акъгъан адам да, 5адамны харам этген, сюркелип жюрюген жаныуаргъа тийген да, харамлыгъы болгъан адамгъа тийип харам болгъан да, – 6бу затлагъа тийген адам ингирге дери харам болур. Сууда жуууннгунчу, ол сыйлы къурманла ашамасын. 7Кюн батхандан сора, ол тазагъа саналады эм сыйлы ашны ашаргъа эркинди. Бу – аны ашыды. 8Мыллык неда кийик жаныуарла талагъан хайыуан этни ашамасын. Ашаса уа, харам болур. Мен – Раббийме.
9Дин къуллукъчула Мен буюргъан жумушларын тынгылы толтурсунла. Къуллукъларыны сыйлылыгъын бузсала уа, гюняхларына жууаплы болуп, ёлюрле. Мен – аланы сыйлы этген Раббийме.
10Аладан башха адам сыйлы къурманланы ашамасын. Дин къуллукъчуну кёчгюнчю къонагъы, не жалчысы, сыйлы къурманланы ашамасын. 11Алай а, дин къуллукъчу ахчасына сатып алгъан къул неда аны юйюнде туугъан къул аны ашаргъа болукъду. 12Дин къуллукъчуну къызы дин къуллукъчу болмагъан тыш адамгъа эрге чыкъса, ол сыйлы саугъаладан ашамасын. 13Дин къуллукъчуну къызы тул болуп неда эринден айырылып, сабийи да болмай, жаш заманындача атасыны юйюнде жашаргъа къайтса, ол заманда атасыны ашындан ашаргъа боллукъду. Не бир тыш адам а аны ашамасын.
14Бир адам билмегенлей, сыйлы къурмандан ашаса, дин къуллукъчугъа башха сыйлы къурман къайтарсын, юсюне да аны багъасындан бешинден бирин къошсун. 15Дин къуллукъчула, Исраил улула Раббийге келтирген сыйлы къурманланы харам этмесинле. 16Тыш адамлагъа сыйлы къурманланы ашаргъа къоюп, аланы терс этип, тёлеуге тюшюрмесинле. Мен – аланы сыйлы этген Раббийме.
Къабыл болмагъан къурманла
17Раббий Муссагъа былай айтханды:
18– Харуннга, аны уланларына эм битеу Исраил улулагъа былай айт:
Исраил халкъдан бир адам неда Исраилде жашагъан бир тыш адам, нюзюр ючюн неда кеси ыразылыгъындан Раббийге толусунлай кюйдюрюлген къурман келтиргенде, 19къабыл болур ючюн, къыяусуз тууарладан, къойладан неда эчкиледен эркеги болургъа керекди. 20Къыяуу болгъан хайыуанны келтирмегиз, нек дегенде, Раббий аны къабыл этмез. 21Биреу, нюзюр ючюн неда кеси ыразылыгъындан Раббийге саламатлыкъ къурманнга тууар неда къой-эчки келтирсе, къурманы къабыл болурча, хайыуан къыяусуз болсун. Хайыуанны бир тюрлю кемчилиги болмасын. 22Сокъур, аягъы сыннган, сакъат, аурууу болгъан, къотур неда чыгыр хайыуанны Раббийге келтирмегиз, аланы Раббийге отда кюйдюрюлген къурманнга къурман жерни юсюне салмагъыз. 23Кеси ыразылыкъдан берилген къурманнга сиз, аякълары асыры узун неда асыры къысха болгъан бузоу неда къозу келтирирге боллукъсуз. Нюзюр ючюн къурманнга уа, ала къабыл тюйюлдюле. 24Бюртюклери эзилген, заранланнган, юзюлген неда кесилген хайыуанны Раббийге къурман этмегиз. Жашагъан жеригизде аллай иш болмасын. 25Тыш адамла да аллай хайыуанланы Аллахыгъызгъа къурманлыкъ ашха келтирирлерин унамагъыз. Аланы заранлары барды, къыяулуладыла, ала сизден къабыл этилмезле.
26Раббий Муссагъа былай айтханды:
27– Бузоу, къозу неда улакъ туугъандан сора, ол анасы бла жети кюн турсун. Сегизинчи кюнюнден сора, ол Раббийге отда кюйдюрюлген къурманнга жараулу болур. 28Не бузоуну, не къозуну анасы бла бирге, бир кюн соймагъыз.
29Раббийге шукур къурман келтиргенде, аны, ол къабыл болурча, алай союгъуз. 30Аны этин ол кюн окъуна ашап бошагъыз, эрттенликге дери бир затын къоймагъыз. Мен – Раббийме.
31Мени фарызларымы тутугъуз, аланы толтуругъуз. Мен – Раббийме. 32Мени сыйлы Атымы бедишлик этмегиз. Сора Исраил улуланы арасында Мени сыйлы кёрюрле. Мен – сизни сыйлы этген Раббийме. 33Сизни Аллахыгъыз болур ючюн, Мен сизни Мисирден алып чыгъаргъанма. Мен – Раббийме.
Currently Selected:
Лебийлиле 22: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Лебийлиле 22
22
Къурманла сыйлыдыла
1Раббий Муссагъа былай айтханды
2– Харуннга бла аны уланларына айт да, ала Исраил улуланы сыйлы къурманларына бек сакъ болсунла. Исраил улула аланы Манга багъышлайдыла, ол себепден, Мени сыйлы Атымы бедишлик этмесинле. Мен – Раббийме.
3Алагъа былай айт:
Битеу келлик тёлюлеригизде сизни туудукъларыгъыздан биреу, харам болуп тургъанлай, Исраил улула Раббийге багъышлагъан сыйлы къурманлагъа жууукълашса, аны Мени аллымдан жокъ этерге керекди. Мен – Раббийме.
4Харунну туудукъларындан биреуню тери аурууу неда уятлыгъындан акъгъаны болса, ол тазаланнгынчы, сыйлы къурманла ашамасын. Ёлюкден харам болгъан затха тийген да, урлугъу акъгъан адам да, 5адамны харам этген, сюркелип жюрюген жаныуаргъа тийген да, харамлыгъы болгъан адамгъа тийип харам болгъан да, – 6бу затлагъа тийген адам ингирге дери харам болур. Сууда жуууннгунчу, ол сыйлы къурманла ашамасын. 7Кюн батхандан сора, ол тазагъа саналады эм сыйлы ашны ашаргъа эркинди. Бу – аны ашыды. 8Мыллык неда кийик жаныуарла талагъан хайыуан этни ашамасын. Ашаса уа, харам болур. Мен – Раббийме.
9Дин къуллукъчула Мен буюргъан жумушларын тынгылы толтурсунла. Къуллукъларыны сыйлылыгъын бузсала уа, гюняхларына жууаплы болуп, ёлюрле. Мен – аланы сыйлы этген Раббийме.
10Аладан башха адам сыйлы къурманланы ашамасын. Дин къуллукъчуну кёчгюнчю къонагъы, не жалчысы, сыйлы къурманланы ашамасын. 11Алай а, дин къуллукъчу ахчасына сатып алгъан къул неда аны юйюнде туугъан къул аны ашаргъа болукъду. 12Дин къуллукъчуну къызы дин къуллукъчу болмагъан тыш адамгъа эрге чыкъса, ол сыйлы саугъаладан ашамасын. 13Дин къуллукъчуну къызы тул болуп неда эринден айырылып, сабийи да болмай, жаш заманындача атасыны юйюнде жашаргъа къайтса, ол заманда атасыны ашындан ашаргъа боллукъду. Не бир тыш адам а аны ашамасын.
14Бир адам билмегенлей, сыйлы къурмандан ашаса, дин къуллукъчугъа башха сыйлы къурман къайтарсын, юсюне да аны багъасындан бешинден бирин къошсун. 15Дин къуллукъчула, Исраил улула Раббийге келтирген сыйлы къурманланы харам этмесинле. 16Тыш адамлагъа сыйлы къурманланы ашаргъа къоюп, аланы терс этип, тёлеуге тюшюрмесинле. Мен – аланы сыйлы этген Раббийме.
Къабыл болмагъан къурманла
17Раббий Муссагъа былай айтханды:
18– Харуннга, аны уланларына эм битеу Исраил улулагъа былай айт:
Исраил халкъдан бир адам неда Исраилде жашагъан бир тыш адам, нюзюр ючюн неда кеси ыразылыгъындан Раббийге толусунлай кюйдюрюлген къурман келтиргенде, 19къабыл болур ючюн, къыяусуз тууарладан, къойладан неда эчкиледен эркеги болургъа керекди. 20Къыяуу болгъан хайыуанны келтирмегиз, нек дегенде, Раббий аны къабыл этмез. 21Биреу, нюзюр ючюн неда кеси ыразылыгъындан Раббийге саламатлыкъ къурманнга тууар неда къой-эчки келтирсе, къурманы къабыл болурча, хайыуан къыяусуз болсун. Хайыуанны бир тюрлю кемчилиги болмасын. 22Сокъур, аягъы сыннган, сакъат, аурууу болгъан, къотур неда чыгыр хайыуанны Раббийге келтирмегиз, аланы Раббийге отда кюйдюрюлген къурманнга къурман жерни юсюне салмагъыз. 23Кеси ыразылыкъдан берилген къурманнга сиз, аякълары асыры узун неда асыры къысха болгъан бузоу неда къозу келтирирге боллукъсуз. Нюзюр ючюн къурманнга уа, ала къабыл тюйюлдюле. 24Бюртюклери эзилген, заранланнган, юзюлген неда кесилген хайыуанны Раббийге къурман этмегиз. Жашагъан жеригизде аллай иш болмасын. 25Тыш адамла да аллай хайыуанланы Аллахыгъызгъа къурманлыкъ ашха келтирирлерин унамагъыз. Аланы заранлары барды, къыяулуладыла, ала сизден къабыл этилмезле.
26Раббий Муссагъа былай айтханды:
27– Бузоу, къозу неда улакъ туугъандан сора, ол анасы бла жети кюн турсун. Сегизинчи кюнюнден сора, ол Раббийге отда кюйдюрюлген къурманнга жараулу болур. 28Не бузоуну, не къозуну анасы бла бирге, бир кюн соймагъыз.
29Раббийге шукур къурман келтиргенде, аны, ол къабыл болурча, алай союгъуз. 30Аны этин ол кюн окъуна ашап бошагъыз, эрттенликге дери бир затын къоймагъыз. Мен – Раббийме.
31Мени фарызларымы тутугъуз, аланы толтуругъуз. Мен – Раббийме. 32Мени сыйлы Атымы бедишлик этмегиз. Сора Исраил улуланы арасында Мени сыйлы кёрюрле. Мен – сизни сыйлы этген Раббийме. 33Сизни Аллахыгъыз болур ючюн, Мен сизни Мисирден алып чыгъаргъанма. Мен – Раббийме.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024