Лебийлиле 23
23
Шабат кюн эм байрамла
1Раббий Муссагъа былай айтханды:
2– Исраил улулагъа билдир, алагъа Раббийни байрамларыны юсюнден айт. Ол кюнледе сыйлы жыйылыула къурагъыз. Ма, Мени байрамларым.
3Алты кюн ишлегиз, жетинчи кюн а – шабат, тынчлыкъ кюндю, сыйлы жыйылыу кюндю. Бир тюрлю ишге къатышмагъыз. Бу – сизни битеу жашагъан жерлеригизде Раббийни шабат кюнюдю.
4Раббийни сыйлы жыйылыу этилген байрамлары быладыла. Аланы заманында бардырыгъыз.
Къутхарылыу байрамы эм Ачымагъан Ётмекле байрамы
(Чыгъ. 12:14-20; Сан. 28:16-25; Эсг. 16:1-8)
5Биринчи айны онтёртюнчю кюнюнде, ингирде, къарангы болгъунчу, Раббийни Къутхарылыу байрамы башланады. 6Ол айны онбешинчи кюнюнде Раббийни Ачымагъан Ётмекле байрамы жетеди; жети кюнню ачымагъан ётмек ашагъыз. 7Биринчи кюн сыйлы жыйылыу этигиз, бир тюрлю ишге къатышмагъыз. 8Жети кюн Раббийге отда кюйдюрюлген къурманла келтиригиз. Жетинчи кюн а сыйлы жыйылыу этигиз, бир тюрлю ишге къатышмагъыз.
Биринчи кюлте келтириу
9Раббий Муссагъа былай айтханды:
10– Исраил улулагъа сёлешип, былай айт:
Мен сизге берген жерге келгенигизден сора, тирлик жыйгъанда, битимигизни биринчи кюлтесин#23:10 Кюлте – орулгъан басылмагъан мирзеу битимледен этилген бир къысым; орус. сноп. дин къуллукъчугъа тапдырыгъыз. 11Кюлте къабыл болсун деп, дин къуллукъчу аны Раббийни аллында, шабат кюнден сора, экинчи кюн силкиндирсин. 12Кюлте силкиндирген кюн толусунлай кюйдюрюлген къурманнга Раббийге къыяусуз къозу союгъуз. 13Къозу бла бирге ётмек саугъагъа зейтун жау бла къатышдырылгъан бидиш ундан эфаны ондан экисин#23:13 4,5 литрге жууукъ. 17-чи аятда да алай. келтиригиз. Ол, Раббийге жагъымлы ийис берген, отда кюйдюрюлген къурманды. Бу саугъа бла бирге, къуюлгъан саугъагъа, чагъырдан гинни тёртден бирин#23:13 1 литрге жууукъ. келтиригиз. 14Аллахыгъызгъа бу къурманны кесерик кюннге дери жангы битимледен этилген ётмек, къууурулгъан неда чий мирзеу ашамагъыз. Битеу жашагъан жерлеригизде сизни келлик тёлюлеригизге бу – ёмюрлюк жорукъду.
Битимле байрамы
(Сан. 28:26-31; Эсг. 16:9-12)
15Шабат кюнден сора экинчи кюнден тебиреп, жангы кюлтени кётюрюп келтирген кюнден ары, жети толу ыйыкъ санагъыз. 16Жетинчи шабат кюнден сора экинчи кюннге дери, элли кюн санагъыз. Ол кюн Раббийге жангы битимден саугъа этигиз. 17Жашагъан жерлеригизден Раббийге кётюрюлген къурманнга ётмек келтиригиз. Ётмекле бидиш ундан эфаны ондан экисинден, ачытхы бла басылгъанла болсунла. Бу – Раббийге биринчи битимледен кётюрюп келтирилген саугъады. 18Ётмекле бла бирге жети къыяусуз къозу, бир бугъа эм эки къочхар келтиригиз. Ала, ашлыкъ саугъалары бла эм къуюлгъан саугъалары бла бирге, толусунлай отда кюйдюрюлген къурманнга, Раббийге жагъымлы ийис этер ючюн жоралансынла. 19Гюнях ючюн къурманнга бир теке, саламатлыкъ къурманнга да эки къозу кесигиз. 20Дин къуллукъчу бу эки къозуну биринчи битимледен этилген ётмекле бла бирге кётюрюп, Раббийни аллына келтирсин. Была – Раббийни сыйлы саугъаларыдыла, ала дин къуллукъчуну болсунла. 21Ол кюн халкъны чакъырып сыйлы жыйылыу этигиз, бир тюрлю ишге къатышмагъыз. Бу сизни битеу жашагъан жерлеригизде сизни келлик тёлюлеригизге ёмюрлюк жорукъду.
22Жерлеригизде битим жыйгъанда, сабанларыгъызны къыйырына дери ормагъыз. Оракъдан жерге тюшюп къалгъан машакъланы да жыймагъыз. Аланы факъыргъа бла тыш адамгъа къоюгъуз. Мен – Раббийме, сизни Аллахыгъыз.
Сур Быргъыла байрамы
(Сан. 29:1-6)
23Раббий Муссагъа былай айтханды:
24– Исраил улулагъа былай айт:
Жетинчи айны биринчи кюнюнде сизде ырахатлыкъ кюн болсун. Ол кюн Сур Быргъыла#23:24 Сур быргъы – орус. труба (музыкальный инструмент). таууш этип, сыйлы жыйылыу этигиз. 25Бир тюрлю ишге къатышмагъыз; Раббийге отда кюйдюрюлген къурманла келтиригиз.
Тазалау Кюн байрамы
(Сан. 29:7-11)
26Раббий Муссагъа былай айтханды:
27– Жетинчи айны онунчу кюню Тазалау Кюн болсун. Сыйлы жыйылыу бардырыгъыз. Кесигизни жууаш этигиз#23:27 Неда: «ораза тутугъуз».. Раббийге отда кюйдюрюлген къурманла келтиригиз. 28Ол кюн бир тюрлю ишге къатышмагъыз. Бу – Тазалау Кюндю. Бу кюн сизни Раббий Аллахыгъызны, аллында сизни ючюн тазалау этилсин. 29Ол кюн кесин жууаш этмеген адам ёз халкъыны арасындан жокъ этилсин. 30Ол кюн адам бир ишге къатышса, ол жанны Мен ёз халкъыны арасындан жокъ этерме. 31Бир тюрлю ишге къатышмагъыз. Битеу жашагъан жерлеригизде сизни келлик тёлюлеригизге бу – ёмюрлюк жорукъду. 32Бу, сизге толу тынчлыкъ кюндю, кесигизни жууаш этигиз. Айны тогъузунчу кюнюню ингиринден экинчи кюнню ингирине дери ырахатлыкъны бузмагъыз.
Чатырла байрамы
(Сан. 29:12-39; Эсг. 16:13-17)
33Раббий Муссагъа былай айтханды:
34– Исраил улулагъа былай айт:
Жетинчи айны онбешинчи кюнюнден Чатырла байрамы башлансын. Раббийге жети кюнню байрам этигиз. 35Биринчи кюн сыйлы жыйылыу этигиз, бир тюрлю ишге къатышмагъыз. 36Жети кюнню Раббийге отда кюйдюрюлген къурманла келтиригиз. Сегизинчи кюн сыйлы жыйылыу болсун, Раббийге отда кюйдюрюлген къурманла келтиригиз. Бу байрамны ахыргъы этилген жыйылыууду. Бир тюрлю ишге къатышмагъыз.
37Была – Раббийни байрамларыдыла. Бу кюнледе сыйлы жыйылыу этерге, Раббийге отда кюйдюрюлген къурманла – толусунлай кюйдюрюлген къурманла, ашлыкъ саугъала, союлгъан къурманла бла къуюлгъан саугъала келтирирге керексиз. 38Быланы Раббийни шабат кюнлерини юсюне да тутаргъа керексиз; башха саугъаларыгъызны, нюзюр саугъаларыгъызны эм кеси ыразылыкъдан берген саугъаларыгъызны юсюне да Раббийге келтирирге керексиз.
39Жетинчи айны онбешинчи кюнюнде, жеригизден битимлени жыйгъандан сора, жети кюнню Раббийге байрам этигиз. Биринчи кюн бла сегизинчи кюн ырахатлыкъ кюнле болсунла. 40Биринчи кюн ариу тереклени бутакъларын, хурма тереклени, кенг чапыракълы тереклени, ёзен тал тереклени бутакъларын алыгъыз да сизни Раббий Аллахыгъызны аллында жети кюнню ичинде къууанч бардырыгъыз. 41Раббийни бу байрамын жыл сайын, жети кюнню ичинде этигиз. Битеу жашагъан жерлеригизде сизни келлик тёлюлеригизге бу – ёмюрлюк жорукъду. Бу байрамны жетинчи айда этигиз. 42Жети кюн чатырлада туругъуз. Исраилде жашагъан битеу кеси адамларыгъыз бу кюнледе чатырлада жашасынла. 43Сора Мен Исраил улуларын Мисир жеринден алып чыкъгъанымда, аланы чатырлада жашатханымы сизни келлик тёлюлеригиз билирле. Мен – Раббийме, сизни Аллахыгъыз.
44Алай бла, Мусса Исраил халкъына Раббийни байрамларыны юсюнден билдиргенди.
Currently Selected:
Лебийлиле 23: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Лебийлиле 23
23
Шабат кюн эм байрамла
1Раббий Муссагъа былай айтханды:
2– Исраил улулагъа билдир, алагъа Раббийни байрамларыны юсюнден айт. Ол кюнледе сыйлы жыйылыула къурагъыз. Ма, Мени байрамларым.
3Алты кюн ишлегиз, жетинчи кюн а – шабат, тынчлыкъ кюндю, сыйлы жыйылыу кюндю. Бир тюрлю ишге къатышмагъыз. Бу – сизни битеу жашагъан жерлеригизде Раббийни шабат кюнюдю.
4Раббийни сыйлы жыйылыу этилген байрамлары быладыла. Аланы заманында бардырыгъыз.
Къутхарылыу байрамы эм Ачымагъан Ётмекле байрамы
(Чыгъ. 12:14-20; Сан. 28:16-25; Эсг. 16:1-8)
5Биринчи айны онтёртюнчю кюнюнде, ингирде, къарангы болгъунчу, Раббийни Къутхарылыу байрамы башланады. 6Ол айны онбешинчи кюнюнде Раббийни Ачымагъан Ётмекле байрамы жетеди; жети кюнню ачымагъан ётмек ашагъыз. 7Биринчи кюн сыйлы жыйылыу этигиз, бир тюрлю ишге къатышмагъыз. 8Жети кюн Раббийге отда кюйдюрюлген къурманла келтиригиз. Жетинчи кюн а сыйлы жыйылыу этигиз, бир тюрлю ишге къатышмагъыз.
Биринчи кюлте келтириу
9Раббий Муссагъа былай айтханды:
10– Исраил улулагъа сёлешип, былай айт:
Мен сизге берген жерге келгенигизден сора, тирлик жыйгъанда, битимигизни биринчи кюлтесин#23:10 Кюлте – орулгъан басылмагъан мирзеу битимледен этилген бир къысым; орус. сноп. дин къуллукъчугъа тапдырыгъыз. 11Кюлте къабыл болсун деп, дин къуллукъчу аны Раббийни аллында, шабат кюнден сора, экинчи кюн силкиндирсин. 12Кюлте силкиндирген кюн толусунлай кюйдюрюлген къурманнга Раббийге къыяусуз къозу союгъуз. 13Къозу бла бирге ётмек саугъагъа зейтун жау бла къатышдырылгъан бидиш ундан эфаны ондан экисин#23:13 4,5 литрге жууукъ. 17-чи аятда да алай. келтиригиз. Ол, Раббийге жагъымлы ийис берген, отда кюйдюрюлген къурманды. Бу саугъа бла бирге, къуюлгъан саугъагъа, чагъырдан гинни тёртден бирин#23:13 1 литрге жууукъ. келтиригиз. 14Аллахыгъызгъа бу къурманны кесерик кюннге дери жангы битимледен этилген ётмек, къууурулгъан неда чий мирзеу ашамагъыз. Битеу жашагъан жерлеригизде сизни келлик тёлюлеригизге бу – ёмюрлюк жорукъду.
Битимле байрамы
(Сан. 28:26-31; Эсг. 16:9-12)
15Шабат кюнден сора экинчи кюнден тебиреп, жангы кюлтени кётюрюп келтирген кюнден ары, жети толу ыйыкъ санагъыз. 16Жетинчи шабат кюнден сора экинчи кюннге дери, элли кюн санагъыз. Ол кюн Раббийге жангы битимден саугъа этигиз. 17Жашагъан жерлеригизден Раббийге кётюрюлген къурманнга ётмек келтиригиз. Ётмекле бидиш ундан эфаны ондан экисинден, ачытхы бла басылгъанла болсунла. Бу – Раббийге биринчи битимледен кётюрюп келтирилген саугъады. 18Ётмекле бла бирге жети къыяусуз къозу, бир бугъа эм эки къочхар келтиригиз. Ала, ашлыкъ саугъалары бла эм къуюлгъан саугъалары бла бирге, толусунлай отда кюйдюрюлген къурманнга, Раббийге жагъымлы ийис этер ючюн жоралансынла. 19Гюнях ючюн къурманнга бир теке, саламатлыкъ къурманнга да эки къозу кесигиз. 20Дин къуллукъчу бу эки къозуну биринчи битимледен этилген ётмекле бла бирге кётюрюп, Раббийни аллына келтирсин. Была – Раббийни сыйлы саугъаларыдыла, ала дин къуллукъчуну болсунла. 21Ол кюн халкъны чакъырып сыйлы жыйылыу этигиз, бир тюрлю ишге къатышмагъыз. Бу сизни битеу жашагъан жерлеригизде сизни келлик тёлюлеригизге ёмюрлюк жорукъду.
22Жерлеригизде битим жыйгъанда, сабанларыгъызны къыйырына дери ормагъыз. Оракъдан жерге тюшюп къалгъан машакъланы да жыймагъыз. Аланы факъыргъа бла тыш адамгъа къоюгъуз. Мен – Раббийме, сизни Аллахыгъыз.
Сур Быргъыла байрамы
(Сан. 29:1-6)
23Раббий Муссагъа былай айтханды:
24– Исраил улулагъа былай айт:
Жетинчи айны биринчи кюнюнде сизде ырахатлыкъ кюн болсун. Ол кюн Сур Быргъыла#23:24 Сур быргъы – орус. труба (музыкальный инструмент). таууш этип, сыйлы жыйылыу этигиз. 25Бир тюрлю ишге къатышмагъыз; Раббийге отда кюйдюрюлген къурманла келтиригиз.
Тазалау Кюн байрамы
(Сан. 29:7-11)
26Раббий Муссагъа былай айтханды:
27– Жетинчи айны онунчу кюню Тазалау Кюн болсун. Сыйлы жыйылыу бардырыгъыз. Кесигизни жууаш этигиз#23:27 Неда: «ораза тутугъуз».. Раббийге отда кюйдюрюлген къурманла келтиригиз. 28Ол кюн бир тюрлю ишге къатышмагъыз. Бу – Тазалау Кюндю. Бу кюн сизни Раббий Аллахыгъызны, аллында сизни ючюн тазалау этилсин. 29Ол кюн кесин жууаш этмеген адам ёз халкъыны арасындан жокъ этилсин. 30Ол кюн адам бир ишге къатышса, ол жанны Мен ёз халкъыны арасындан жокъ этерме. 31Бир тюрлю ишге къатышмагъыз. Битеу жашагъан жерлеригизде сизни келлик тёлюлеригизге бу – ёмюрлюк жорукъду. 32Бу, сизге толу тынчлыкъ кюндю, кесигизни жууаш этигиз. Айны тогъузунчу кюнюню ингиринден экинчи кюнню ингирине дери ырахатлыкъны бузмагъыз.
Чатырла байрамы
(Сан. 29:12-39; Эсг. 16:13-17)
33Раббий Муссагъа былай айтханды:
34– Исраил улулагъа былай айт:
Жетинчи айны онбешинчи кюнюнден Чатырла байрамы башлансын. Раббийге жети кюнню байрам этигиз. 35Биринчи кюн сыйлы жыйылыу этигиз, бир тюрлю ишге къатышмагъыз. 36Жети кюнню Раббийге отда кюйдюрюлген къурманла келтиригиз. Сегизинчи кюн сыйлы жыйылыу болсун, Раббийге отда кюйдюрюлген къурманла келтиригиз. Бу байрамны ахыргъы этилген жыйылыууду. Бир тюрлю ишге къатышмагъыз.
37Была – Раббийни байрамларыдыла. Бу кюнледе сыйлы жыйылыу этерге, Раббийге отда кюйдюрюлген къурманла – толусунлай кюйдюрюлген къурманла, ашлыкъ саугъала, союлгъан къурманла бла къуюлгъан саугъала келтирирге керексиз. 38Быланы Раббийни шабат кюнлерини юсюне да тутаргъа керексиз; башха саугъаларыгъызны, нюзюр саугъаларыгъызны эм кеси ыразылыкъдан берген саугъаларыгъызны юсюне да Раббийге келтирирге керексиз.
39Жетинчи айны онбешинчи кюнюнде, жеригизден битимлени жыйгъандан сора, жети кюнню Раббийге байрам этигиз. Биринчи кюн бла сегизинчи кюн ырахатлыкъ кюнле болсунла. 40Биринчи кюн ариу тереклени бутакъларын, хурма тереклени, кенг чапыракълы тереклени, ёзен тал тереклени бутакъларын алыгъыз да сизни Раббий Аллахыгъызны аллында жети кюнню ичинде къууанч бардырыгъыз. 41Раббийни бу байрамын жыл сайын, жети кюнню ичинде этигиз. Битеу жашагъан жерлеригизде сизни келлик тёлюлеригизге бу – ёмюрлюк жорукъду. Бу байрамны жетинчи айда этигиз. 42Жети кюн чатырлада туругъуз. Исраилде жашагъан битеу кеси адамларыгъыз бу кюнледе чатырлада жашасынла. 43Сора Мен Исраил улуларын Мисир жеринден алып чыкъгъанымда, аланы чатырлада жашатханымы сизни келлик тёлюлеригиз билирле. Мен – Раббийме, сизни Аллахыгъыз.
44Алай бла, Мусса Исраил халкъына Раббийни байрамларыны юсюнден билдиргенди.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024