Жаратылыу 49
49
Якъуп онеки уланына алгъыш береди
1Андан сора Якъуп уланларын чакъырып, былай айтханды:
– Жыйылыгъыз, келлик заманда сизге боллукъ затланы сизге айтайым.
2Якъупну уланлары, жыйылып, эшитигиз,
атагъыз Исраилге тынгылагъыз.
3Рубен! Сен мени тюнгючюмсе,
къудуретимсе эм кючюмю башланнганыса,
махтауда биринчи, къууатда биринчи да сенсе.
4Алай болгъанлыкъгъа, сен сууча тюрлене тураса.
Энди биринчи боллукъ тюйюлсе,
нек десенг, сен атангы тёшегине жатханса,
мени жатхан жерими харам этгенсе.
5Шимон бла Лебий къарындашладыла,
аланы къылычлары кюйсюзлюкню сауутларыдыла.
6Мени жаным аланы кенгешлерине кирмесин,
жыйылыуларына къошулмайым.
Ала ачыуланып, адам ёлтюргендиле,
безиреп, тууарланы бут сингирлерин кесгендиле.
7Ачыулары къатыды, анга налат болсун,
къутуруулары да кюйсюздю, анга налат болсун!
Аланы Якъуп улуланы арасында жаярыкъма,
Исраилде чачарыкъма.
8Яхуда! Сенсе, къарындашларынг махтарыкъ!
Сени къолунг душманларынгы желкелеринде боллукъду.
Атангы уланлары санга баш урлукъдула.
9Яхуда, сен жаш асланса;
уланым, сен уудан келесе.
Ол аслан кибик, жерге чёгеди;
тиши аслан кибик жатады.
Аны тынчлыгъын бузаргъа ким таукел болур?
10Яхуданы къолундан аса таягъы#49:10 Аса таякъ (чюйют. «шевет») – адам къол бла тутуучу къыйыры энишге бюгюлген таякъ. Сыйлы китаплада бу сёз патчахлыкъ оноуну белгилейди. тюшмез;
туудукъларындан да бийлик таякъ алынмаз.
Сора Керти Башчы келир да,
Анга миллетле буйсунуп турурла.
11Ол эшегин жюзюм бутакъгъа байларыкъды,
эшекни гылыуун да сайлама бутакъгъа тагъарыкъды.
Кийимин чагъырда жууарыкъды,
къапталын да жюзюмлени къанында жибитирикди.
12Кёзлери чагъырдан къарадыла,
тишлери да сютден акъдыла.
13Зебулун тенгиз жагъа къатында жашарыкъды,
кемеле тохтаучу жери боллукъду;
аны чеги Сидоннга дери жетерикди.
14Иссахар къой бауланы арасында жатхан къарыулу эшекди.
15Ол тынчайыргъа тап жер,
кёлге жарагъан жер кёрсе,
жюк ташыргъа аркъасын ийилтир
эмда къул кибик ишлеп башлар.
16Дан Исраилни тайпаларындан бирлери болуп,
халкъына хукму этерикди.
17Дан жолда бир жилян,
жол юсюнде уу жилян боллукъду;
ол атны аягъына урлукъду,
аны атлысы артына жыгъыллыкъды.
18Сени къутхарыуунга умут этеме, я Раббий!
19Гадха уа тонаучула чабарыкъдыла,
алай а ол, аланы къыстап, ызларындан къууарыкъды.
20Ашерни ашы татыулу боллукъду,
ол патчахха тийишли ашарыкъла тапдырып турлукъду.
21Нафталий бошланнган журду#49:21 Жур – буу тукъумну къауумундан кийик; орус. косуля, серна.,
ол ариу жашла туудурады.
22Юсюп битимли терекни бутагъыды,
суу чыкъгъан жерни башында битимли терекни бутагъыды;
аны жетеклери къабыргъаны башындан ётедиле.
23Садакъчыла аны аямай инжилтген эдиле,
анга душманлыкъ этип, окъ атхан эдиле.
24Алай болгъанлыкъгъа, аны садагъы къатылай къалгъанды,
аны къарыулу къоллары женгиллей къалгъандыла.
Бу, Якъупну Къудуретлисини къолунданды,
Исраилни Сюрюучюсюню эм Къаясыны аты блады.
25Бу, санга болушуучу атангы Аллахданды,
сени алгъышлы этген Къудуретли Аллахданды,
огъартындан кёклени берекетлери,
жерде болгъан тюпсюзлени берекетлери бла,
эмчеклени бла ана къарынланы берекетлери бла
сени алгъышлы этген Аллахданды.
26Атангы алгъышлары
буруннгу тауланы берекетлеринден
эмда ёмюрлюк дуппурланы монглукъларындан#49:26 Монглукъ – берекетлик, байлыкъ, хар затны эркин болгъаны; орус. обилие, изобилие, достаток, богатство. уллудула.
Ала Юсюпню башында,
къарындашларыны арасында сайланнганны
тёппесинде болсунла.
27Бенямин жыртхыч бёрюдю,
эрттенликде тутханын ашарыкъды, ингирде да сыйырылгъан хазнаны юлеширикди.
28Была барысы да Исраилни онеки тайпасыдыла эмда аталарыны алагъа айтхан сёзю буду. Ол алагъа алгъыш этгенди, хар бирине анга тийишли берекет бла алгъыш бергенди.
Якъуп ауушады
29Сора ол алагъа осуят этип, былай айтханды:
– Мен бираздан ёлюп, ата-бабаларыма къошуллукъма. Мени, аталарымы жанында, хитли Эфронну сабанындагъы дорбунда, 30Кенанны жеринде, Мамрени аллында, Махпела сабанда болгъан дорбунда асырагъыз. Ибрахим ол дорбунну, аллында сабаны бла бирге, хитли Эфрондан кесине энчи къабыр оруннга сатып алгъанды. 31Ибрахимни бла къатыны Сараны да анда асырагъандыла, Исхакъны бла къатыны Рабийгъатны да анда асырагъандыла. Мен да Леяны анда асырагъанма. 32Ол сабан бла анда болгъан дорбун, хетлиледен сатылып алыннганды.
33Якъуп, уланларына осуятын этип бошагъанлай, аякъларын тёшегине салып, жан бергенди эмда ата-бабаларына къошулгъанды.
Currently Selected:
Жаратылыу 49: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Жаратылыу 49
49
Якъуп онеки уланына алгъыш береди
1Андан сора Якъуп уланларын чакъырып, былай айтханды:
– Жыйылыгъыз, келлик заманда сизге боллукъ затланы сизге айтайым.
2Якъупну уланлары, жыйылып, эшитигиз,
атагъыз Исраилге тынгылагъыз.
3Рубен! Сен мени тюнгючюмсе,
къудуретимсе эм кючюмю башланнганыса,
махтауда биринчи, къууатда биринчи да сенсе.
4Алай болгъанлыкъгъа, сен сууча тюрлене тураса.
Энди биринчи боллукъ тюйюлсе,
нек десенг, сен атангы тёшегине жатханса,
мени жатхан жерими харам этгенсе.
5Шимон бла Лебий къарындашладыла,
аланы къылычлары кюйсюзлюкню сауутларыдыла.
6Мени жаным аланы кенгешлерине кирмесин,
жыйылыуларына къошулмайым.
Ала ачыуланып, адам ёлтюргендиле,
безиреп, тууарланы бут сингирлерин кесгендиле.
7Ачыулары къатыды, анга налат болсун,
къутуруулары да кюйсюздю, анга налат болсун!
Аланы Якъуп улуланы арасында жаярыкъма,
Исраилде чачарыкъма.
8Яхуда! Сенсе, къарындашларынг махтарыкъ!
Сени къолунг душманларынгы желкелеринде боллукъду.
Атангы уланлары санга баш урлукъдула.
9Яхуда, сен жаш асланса;
уланым, сен уудан келесе.
Ол аслан кибик, жерге чёгеди;
тиши аслан кибик жатады.
Аны тынчлыгъын бузаргъа ким таукел болур?
10Яхуданы къолундан аса таягъы#49:10 Аса таякъ (чюйют. «шевет») – адам къол бла тутуучу къыйыры энишге бюгюлген таякъ. Сыйлы китаплада бу сёз патчахлыкъ оноуну белгилейди. тюшмез;
туудукъларындан да бийлик таякъ алынмаз.
Сора Керти Башчы келир да,
Анга миллетле буйсунуп турурла.
11Ол эшегин жюзюм бутакъгъа байларыкъды,
эшекни гылыуун да сайлама бутакъгъа тагъарыкъды.
Кийимин чагъырда жууарыкъды,
къапталын да жюзюмлени къанында жибитирикди.
12Кёзлери чагъырдан къарадыла,
тишлери да сютден акъдыла.
13Зебулун тенгиз жагъа къатында жашарыкъды,
кемеле тохтаучу жери боллукъду;
аны чеги Сидоннга дери жетерикди.
14Иссахар къой бауланы арасында жатхан къарыулу эшекди.
15Ол тынчайыргъа тап жер,
кёлге жарагъан жер кёрсе,
жюк ташыргъа аркъасын ийилтир
эмда къул кибик ишлеп башлар.
16Дан Исраилни тайпаларындан бирлери болуп,
халкъына хукму этерикди.
17Дан жолда бир жилян,
жол юсюнде уу жилян боллукъду;
ол атны аягъына урлукъду,
аны атлысы артына жыгъыллыкъды.
18Сени къутхарыуунга умут этеме, я Раббий!
19Гадха уа тонаучула чабарыкъдыла,
алай а ол, аланы къыстап, ызларындан къууарыкъды.
20Ашерни ашы татыулу боллукъду,
ол патчахха тийишли ашарыкъла тапдырып турлукъду.
21Нафталий бошланнган журду#49:21 Жур – буу тукъумну къауумундан кийик; орус. косуля, серна.,
ол ариу жашла туудурады.
22Юсюп битимли терекни бутагъыды,
суу чыкъгъан жерни башында битимли терекни бутагъыды;
аны жетеклери къабыргъаны башындан ётедиле.
23Садакъчыла аны аямай инжилтген эдиле,
анга душманлыкъ этип, окъ атхан эдиле.
24Алай болгъанлыкъгъа, аны садагъы къатылай къалгъанды,
аны къарыулу къоллары женгиллей къалгъандыла.
Бу, Якъупну Къудуретлисини къолунданды,
Исраилни Сюрюучюсюню эм Къаясыны аты блады.
25Бу, санга болушуучу атангы Аллахданды,
сени алгъышлы этген Къудуретли Аллахданды,
огъартындан кёклени берекетлери,
жерде болгъан тюпсюзлени берекетлери бла,
эмчеклени бла ана къарынланы берекетлери бла
сени алгъышлы этген Аллахданды.
26Атангы алгъышлары
буруннгу тауланы берекетлеринден
эмда ёмюрлюк дуппурланы монглукъларындан#49:26 Монглукъ – берекетлик, байлыкъ, хар затны эркин болгъаны; орус. обилие, изобилие, достаток, богатство. уллудула.
Ала Юсюпню башында,
къарындашларыны арасында сайланнганны
тёппесинде болсунла.
27Бенямин жыртхыч бёрюдю,
эрттенликде тутханын ашарыкъды, ингирде да сыйырылгъан хазнаны юлеширикди.
28Была барысы да Исраилни онеки тайпасыдыла эмда аталарыны алагъа айтхан сёзю буду. Ол алагъа алгъыш этгенди, хар бирине анга тийишли берекет бла алгъыш бергенди.
Якъуп ауушады
29Сора ол алагъа осуят этип, былай айтханды:
– Мен бираздан ёлюп, ата-бабаларыма къошуллукъма. Мени, аталарымы жанында, хитли Эфронну сабанындагъы дорбунда, 30Кенанны жеринде, Мамрени аллында, Махпела сабанда болгъан дорбунда асырагъыз. Ибрахим ол дорбунну, аллында сабаны бла бирге, хитли Эфрондан кесине энчи къабыр оруннга сатып алгъанды. 31Ибрахимни бла къатыны Сараны да анда асырагъандыла, Исхакъны бла къатыны Рабийгъатны да анда асырагъандыла. Мен да Леяны анда асырагъанма. 32Ол сабан бла анда болгъан дорбун, хетлиледен сатылып алыннганды.
33Якъуп, уланларына осуятын этип бошагъанлай, аякъларын тёшегине салып, жан бергенди эмда ата-бабаларына къошулгъанды.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024