Жаратылыу 40
40
Юсюп тутмакъланы тюшлерин жоралайды
1Бир кесек замандан сора Мисирни патчахыны чагъырчысы бла ётмекчиси жюйюсханларын, Мисирни патчахын ачыуландыргъандыла. 2Фыргъауун эки къуллукъчусуна – тамата чагъырчысына бла тамата ётмекчисине – чамланнганды. 3Аланы къалауурланы таматасыны юйюнде, Юсюп тутмакъ болгъан жерде зинданнга салгъанды. 4Бегеуюллени таматасы Юсюпню алагъа къараргъа салгъанды да, ол алагъа къуллукъ этип тургъанды.
Ала тутмакъда бир талай заман тургъандыла. 5Бир жол Мисирни патчахыны тутмакъда тутулуп тургъан чагъырчысына бла ётмекчисине тюшле кёрюннгендиле, экисине да бир кечеде, хар бирини кесине башха тюш, хар бирине энчи магъаналы тюш кёрюннгенди.
6Юсюп эрттенликде алагъа келгенинде, аланы жунчуп тургъанларын кёргенди. 7Сора ол биргесине бийини юйюнде тутмакъда тургъан, фыргъауунну шапаларына:
– Бетигиз бюгюн былай мудах некди? – деп соргъанды.
8– Биз тюшле кёргенбиз, аланы жоралар адам а жокъду, – дегендиле ала.
– Жоралау Аллахдан тюйюлмюдю да? – дегенди Юсюп. – Тюшлеригизни манга айтчыгъыз.
9Тамата чагъырчы тюшюн Юсюпге айтып:
– Тюшюмде аллымда жюзюм терек кёрдюм, – дегенди. – 10Ол терекде юч бутакъ бар эди. Ол чапыракъ ийди, аны чакъгъаны кёрюндю, сора жюзюм жоккула ёсюп бишдиле. 11Фыргъауунну чагъыр аягъы да мени къолумда эди. Мен жюзюмлени алдым да, аланы сууларын фыргъауунну чагъыр аягъына сыгъып, аякъны фыргъауунну къолуна бердим.
12– Ма тюшню жорасы: юч бутакъ – юч кюндю, – дегенди Юсюп. – 13Юч кюнден фыргъауун сени зиндандан чыгъартып, сени жеринге къайтарлыкъды, сен аны чагъырчысы болгъан заманынгда алгъын этиучюнгча, фыргъауунну чагъыр аягъын аны къолуна берликсе. 14Санга игилик болгъан заманда уа, тилейме, мени эсинге тюшюр. Манга ахшылыкъ этип, мени юсюмден фыргъаууннга сагъын да мени бу юйден чыгъар. 15Нек десенг мен чюйютлюлени жеринден урланнганма. Аны кибик мында да мени тутмакъгъа атарча зат этмегенме.
16Тамата ётмекчи, Юсюпню иги жоралагъанын кёрюп:
– Мен да тюш кёрдюм, – дегенди. – Башымда юч четен акъ ётмек бар эди. 17Огъаргъы четенде ётмекчи фыргъаууннга этген хар тюрлю аш бар эди. Къанатлыла башымдагъы четенден ол ашланы ашай эдиле.
18Юсюп анга былай жууап бергенди:
– Ма тюшню жорасы: юч четен – юч кюндю. 19Юч кюнден фыргъауун башынгы кесдирип, терекге асдырлыкъды. Этинги къанатлыла ашарыкъдыла.
20Ючюнчю кюн, кесини туугъан кюнюнде, фыргъауун битеу къуллукъчуларына къурманлыкъ этгенди. Къуллукъчуларыны алларында тамата чагъырчысын бла тамата ётмекчисин зиндандан чыгъартханды. 21Тамата чагъырчысын алгъыннгы жерине къайтаргъанды. Тамата чагъырчы, алгъынча, чагъыр аякъны фыргъауунну къолуна бергенди. 22Тамата ётмекчини уа, Юсюп алагъа жоралагъаны кибик, асдыргъанды.
23Тамата чагъырчы уа Юсюпню эсине келтирмегенди, аны тилегин унутуп къойгъанды.
Currently Selected:
Жаратылыу 40: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Жаратылыу 40
40
Юсюп тутмакъланы тюшлерин жоралайды
1Бир кесек замандан сора Мисирни патчахыны чагъырчысы бла ётмекчиси жюйюсханларын, Мисирни патчахын ачыуландыргъандыла. 2Фыргъауун эки къуллукъчусуна – тамата чагъырчысына бла тамата ётмекчисине – чамланнганды. 3Аланы къалауурланы таматасыны юйюнде, Юсюп тутмакъ болгъан жерде зинданнга салгъанды. 4Бегеуюллени таматасы Юсюпню алагъа къараргъа салгъанды да, ол алагъа къуллукъ этип тургъанды.
Ала тутмакъда бир талай заман тургъандыла. 5Бир жол Мисирни патчахыны тутмакъда тутулуп тургъан чагъырчысына бла ётмекчисине тюшле кёрюннгендиле, экисине да бир кечеде, хар бирини кесине башха тюш, хар бирине энчи магъаналы тюш кёрюннгенди.
6Юсюп эрттенликде алагъа келгенинде, аланы жунчуп тургъанларын кёргенди. 7Сора ол биргесине бийини юйюнде тутмакъда тургъан, фыргъауунну шапаларына:
– Бетигиз бюгюн былай мудах некди? – деп соргъанды.
8– Биз тюшле кёргенбиз, аланы жоралар адам а жокъду, – дегендиле ала.
– Жоралау Аллахдан тюйюлмюдю да? – дегенди Юсюп. – Тюшлеригизни манга айтчыгъыз.
9Тамата чагъырчы тюшюн Юсюпге айтып:
– Тюшюмде аллымда жюзюм терек кёрдюм, – дегенди. – 10Ол терекде юч бутакъ бар эди. Ол чапыракъ ийди, аны чакъгъаны кёрюндю, сора жюзюм жоккула ёсюп бишдиле. 11Фыргъауунну чагъыр аягъы да мени къолумда эди. Мен жюзюмлени алдым да, аланы сууларын фыргъауунну чагъыр аягъына сыгъып, аякъны фыргъауунну къолуна бердим.
12– Ма тюшню жорасы: юч бутакъ – юч кюндю, – дегенди Юсюп. – 13Юч кюнден фыргъауун сени зиндандан чыгъартып, сени жеринге къайтарлыкъды, сен аны чагъырчысы болгъан заманынгда алгъын этиучюнгча, фыргъауунну чагъыр аягъын аны къолуна берликсе. 14Санга игилик болгъан заманда уа, тилейме, мени эсинге тюшюр. Манга ахшылыкъ этип, мени юсюмден фыргъаууннга сагъын да мени бу юйден чыгъар. 15Нек десенг мен чюйютлюлени жеринден урланнганма. Аны кибик мында да мени тутмакъгъа атарча зат этмегенме.
16Тамата ётмекчи, Юсюпню иги жоралагъанын кёрюп:
– Мен да тюш кёрдюм, – дегенди. – Башымда юч четен акъ ётмек бар эди. 17Огъаргъы четенде ётмекчи фыргъаууннга этген хар тюрлю аш бар эди. Къанатлыла башымдагъы четенден ол ашланы ашай эдиле.
18Юсюп анга былай жууап бергенди:
– Ма тюшню жорасы: юч четен – юч кюндю. 19Юч кюнден фыргъауун башынгы кесдирип, терекге асдырлыкъды. Этинги къанатлыла ашарыкъдыла.
20Ючюнчю кюн, кесини туугъан кюнюнде, фыргъауун битеу къуллукъчуларына къурманлыкъ этгенди. Къуллукъчуларыны алларында тамата чагъырчысын бла тамата ётмекчисин зиндандан чыгъартханды. 21Тамата чагъырчысын алгъыннгы жерине къайтаргъанды. Тамата чагъырчы, алгъынча, чагъыр аякъны фыргъауунну къолуна бергенди. 22Тамата ётмекчини уа, Юсюп алагъа жоралагъаны кибик, асдыргъанды.
23Тамата чагъырчы уа Юсюпню эсине келтирмегенди, аны тилегин унутуп къойгъанды.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024